Jɛremaya 27:21 - EBƆRƐ BE KAWƆL

²¹ “Men nu kusɔ nɛ ma, Enyɛnpetale, Israɛl be Ebɔrɛ na bee kaŋɛ a laŋɛ asɔ lela nɛ a ka a wɔ bɔrɛlambu na to nɛ ewurkpa nɛ k wɔ Jerusalɛm to na be kaplɛa so.

Jɛremaya 27:21 Iomraidhean Croise

2 Bewura 20:17

jemanɛ ko bee ba nɛ asɔ kama nɛ a wɔ ewurkpa nɛ fo nananyɛnana fin n yili hale m ba fo kabre na kikɛ, baaŋ ba sulɔ amo kikɛ n yɔ Babilɔn be efuli so nɛ shɛŋ shɛŋ maaŋ naŋ ka a wɔ nfe!

2 Kronikɛls 36:18

Ewura Nebukadneeza daŋ ta bɔrɛlambu na to be amansherbi nɛ kumo to be asɔ nɛ a ka kikɛ nna n ta ewura na nɛ mbe benimuana be amansherbi kikɛ n ti so m bɛta n yɔ Babilɔn.

Ɛzra 1:11

Shuwa nɛ gbiti nɛ asɔ pɔtɛ nɛ a ti so na kikɛ daa wɔ ŋgboŋ anu nɛ alfa ana. Nɛ Shɛshbaza nɛ mo braana nɛ b yɔ kenyaya to na bɛta amo n shi Babilɔn m ba Jerusalɛm.

Ɛzra 1:7

Ade kikɛ be kaman, nɛ ewura Sairus bɛta echeenshi nɛ ekurwa nuunchu nɛ ewura Nebukadneeza daŋ ta bɔrɛlambu na to ashi Jerusalɛm n ya wɔtɔ mbe agbir be ebu to na n sa bumo.

Aizaaya 39:6

jemanɛ ko bee ba nɛ b ba sulɔ kusɔ kama nɛ k wɔ ewurkpa nfe nɛ asɔ kama nɛ fo nananyɛnana fin n yili hale m ba fo kabre na kikɛ n yɔ Babilɔn be efuli so. Shɛŋ shɛŋ maaŋ naŋ ka a wɔ nfe!

Jɛremaya 20:5

Ma alɛ beeŋ naŋ shin nɛ bumo doŋana e ba fuu kadegboŋ na to be asɔ lela kikɛ nseŋ suge kumo to be mpetɛsɔ kikɛ nyam, hale Juda be bewuraana be amansherbi nɛ yawu kpakpaso be asɔ, n sulɔ amo kikɛ n yɔ Babilɔn be efuli so.

Jɛremaya 27:22

Babilɔn be basa beeŋ ba sulɔ amo alɛ gba n yɔ bumo be efuli so nɛ e ya kaa wɔ ndoŋ n ya fo saŋɛ nɛ meeŋ shin nɛ b naŋ bɛta amo m ba amo be kakpa ashi Jerusalɛm to. Ma, Enyɛnpe Ebɔrɛ e kaŋɛ na.”

Nfabel 1:10

Bedoŋ na daŋ suge bumo be yawu kpakpaso be asɔ kikɛ nna. Jerusalɛm be basa na daŋ wu befɔ na ka luri bumo be bɔrɛlambu nɛ Enyɛnpe Ebɔrɛ daa maŋ sa nnyamase ekpa fanɛ b luri kumo to na nna.