Jɛremaya 27:13 - EBƆRƐ BE KAWƆL

¹³ Ama nɛ men kaŋ kini kenu n sa bumo, kumo ere kena ŋko akoŋgboŋ ŋko alɔ beeŋ mɔ menyi, fanɛ kananɛ Enyɛnpe Ebɔrɛ na teŋ kaŋɛ na.

Jɛremaya 27:13 Iomraidhean Croise

Aŋasa 8:36

Bekama nɛ b maŋ nya ma bre bee tɔrɔ bumo be amu nna. Ekama nɛ e kishi ma bee sha luwu nna na.”

Jɛremaya 17:4

Ŋkpal kusɔ nɛ men wora na so, menyeeŋ paŋ kasawule nɛ n sa menyi na, kumo be kaman nɛ n shin nɛ men shuŋ men doŋana ashi kasawule nɛ menyi maŋ nyi shɛŋ a laŋɛ kumo be kaplɛa so. Ŋkpal manɛ so, ma agbo du fanɛ edɛ nɛ k maa duŋ mbaanaayɔ nna.”

Jɛremaya 24:9

Meeŋ shin nɛ jɛrbi gboŋgboŋi e ba bumo so nɛ kufugboŋ e tɔr durnya to be efuli pɔtɛana be basa so nɛ b baa chicha. Basa beeŋ baa mushe nsaa wora bumo eyurto nseŋ naa ta bumo be ketre a shoduu ashi kaplɛkama nɛ baaŋ pesaŋ to n yɔ na.

Jɛremaya 27:8

Kubɔ to be kebarga nɛ Jɛremaya ta n deŋi mbe kubɔ so na yili n sa eleŋgboŋ nɛ ewura Nebukadneeza kɔ na nna. Amoso efuli kama ŋko kuwurgboŋ kama so be basa kaŋ kini keshuli fanɛ e ji bumo so kuwura, meeŋ ta kena ŋko akoŋgboŋ ŋko alɔ ŋ gberge loŋ be efuli na so be basa kusoe n ya fo saŋɛ nɛ ewura Nebukadneeza ka beeŋ mur bumo cheche.

Jɛremaya 38:2

Enyɛnpe Ebɔrɛ na yɛ: “Kena ŋko akoŋ ŋko kulɔ beeŋ mɔ esa kama nɛ e kraa wɔ Jerusalɛm to. Ama bekama nɛ baŋ lar n ya ta bumo be amu m bɔɔ Babilɔnebi na enɔ bre maaŋ wu. Abaanaaworasheŋ bumo ere beeŋ ji efute.”

Jɛremaya 38:20

Ndoŋ nna nɛ ŋ kaŋɛ mo le: “B maaŋ ta fo n sa bumo. Mee kule fo nna nɛ fo wora Enyɛnpe Ebɔrɛ na kasonu, saŋɛ na so asheŋ beeŋ nite nɛnɛ nɛ fo alɛ e nya fo ŋkpa.

Jɛremaya 38:23

Kumo be kaman nɛ n naŋ kaŋɛ le: “Baaŋ keta beche nɛ mbia kikɛ n ya sa Babilɔnebi na, nɛ fo gbagba maaŋ nya n shile m mɔlga fo kumu. Babilɔn be ewura beeŋ pɛ fo kenya nseŋ chɔɔ Jerusalɛm n lɛ.”

Ezikɛl 14:21

Ŋkpal ade kikɛ so, kusɔ nɛ ma Enyɛnpetale Ebɔrɛ na bee kaŋɛ e la fanɛ ekpa nɛ meeŋ bɔla kumo so ŋ gberge Jerusalɛm to be basa kusoe kenishipere so nde: “Meeŋ shin nɛ kena nɛ akoŋgboŋ nɛ asɔbɔya lubi nɛ kulɔ mɔso e ba mɔ basa nɛ asɔbɔya kikɛ.

Ezikɛl 18:24

Ama nɛ fanɛ basa lela yige alela be kewora nseŋ fara a wora ekishisheŋ nɛ basa lubi bee wora na, a daga fanɛ b ji efute n chɛr a? Ayai! B maaŋ nyiŋi bumo alelasheŋ dra na. Baaŋ wu ŋkpal bumo be asheŋ lubi na so.

Ezikɛl 18:31

Men lar men be asheŋ lubi na to nseŋ fara a fɛ asheŋ lela be kewora be asheŋ menyi be ŋgbene to. Menyi alɛ e baa ji kashenteŋ a sa ma. Men sa maŋ shin nɛ menyi be alubi e mɔ menyi.

Ezikɛl 33:11

Kaŋɛ bumo fanɛ, ŋ ka la Enyɛnpetale Ebɔrɛ nɛ e bee sa ŋkpa so, ma kagbene maa fuli alubiworapoana be luwu so. B ka yige bumo be alubi be kewora nseŋ ji efute e naa fuli ma kagbene. Amoso nɛ Israɛl be basa na bee sha keji efute, kumo ere b yige bumo be asheŋ lubi na nseŋ bɛta m ba ma kutɔ.