Jɛremaya 26:9 - EBƆRƐ BE KAWƆL

⁹ Manɛ so nɛ fo ta Enyɛnpe Ebɔrɛ na be ketre a kaŋɛ fanɛ bɔrɛlambu ere beeŋ ki fanɛ Shilo nɛ kadegboŋ nɛ e mur nɛ esa kikɛ maaŋ naa wɔ kumo to na?”

Jɛremaya 26:9 Iomraidhean Croise

2 Kronikɛls 25:16

Nɛ ewura Amaziya ku mbe kamalga na to ŋ kaŋɛ le: “Saŋɛ mo nɛ an ta fo ŋ ki ewura be asoetojipo? Lo fo kɔnɔ na pɔɛŋ nɛ n shin nɛ b ba mɔ fo ndoŋ!” Anebi na ka jo nɛ e malga n loge, nɛ mo alɛ kaŋɛ le: “Naniere nɛ m pin fanɛ Ebɔrɛ bee sha kemur fo nna ŋkpal fo ka kplaŋ ma kasotoji so nseŋ wora asheŋ ere kikɛ so.”

Aizaaya 29:21

Ebɔrɛ beeŋ mur bekama nɛ baa ku efɛ a jija beko be atre, nɛ bumo nɛ baa kuŋ belubiworapo ashi kasogberge to na. E beeŋ mur bekama nɛ baa ku efɛ demujikpa a shin nɛ basa nɛ baa ji kashenteŋ maa nya kashenteŋ na gba.

Jɛremaya 32:3

Ewura Zɛdikaya daŋ ku ma kɔnɔ nna fanɛ ma ere e kaŋɛ ekama fanɛ Enyɛnpe Ebɔrɛ yɛ e beeŋ shin nɛ Babilɔn be ewura e ba kɔ m pɔɔ Jerusalɛm so n suge kumo, nseŋ kpal loŋ so n ti ma ebu.

Jɛremaya 33:10

Kede be kaman nɛ Enyɛnpe Ebɔrɛ na naŋ kaŋɛ le: “Jɛremaya, fee kaŋɛ fanɛ kakpa ere ki fanɛ keshishɛrsawule nna nɛ edimɛdi ŋko asɔbɔya maŋ naa wɔ kumo so. Kashenteŋ nɛ fo ji naniere. Juda be ndeana nɛ Jerusalɛm be agbembi dese fuloŋ nna nɛ edimɛdi ŋko asɔbɔya maŋ wɔ amo to. Ama kachako feeŋ naŋ nu

Jɛremaya 36:29

Kumo be kaman nɛ e yɛ ŋ kaŋɛ ewura na le: “Fo chɔɔ kawɔl na nseŋ bishi Jɛremaya kusɔ nɛ k ba nɛ e sibɛ fanɛ Babilɔn be ewura beeŋ ba mur kasawule ere nseŋ mɔ kumo so be basa nɛ asɔbɔya kikɛ.

Jɛremaya 9:11

Kumo be kaman nɛ Enyɛnpe Ebɔrɛ na kaŋɛ le: “Meeŋ shin nɛ Jerusalɛm e ki kelambure a dese, a la kakpa nɛ ejiŋkaamu beeŋ baa wɔ; nɛ Juda be efuli so be ndegboŋ e ki keshishɛrsawule, a la kakpa nɛ esa kama maaŋ naa wɔ.”

Nfabel 4:13

Ama loŋ daŋ wora nna ŋkpal Jerusalɛm to be anebiana nɛ bɔrɛmatapoana na ka daŋ wora alubi nseŋ shin nɛ b mɔ basa nɛ b maŋ wora shɛŋ na so.

Eemɔs 5:10

Menyi Israɛlebi kishi basa nɛ b maa da a buu alubi so nsaa ji asheŋ nɛ amo be ekpa so nna.

Maika 2:6

Basa wɔtɔ nna a malga a gbiti ma a kaŋɛ le: “Sa maa bɔ le be abɔrɛsheŋ be kubɔya a sa anyi ere. Sa maa malga a laŋɛ amo be kaplɛa so gba kuraa. Anyi maaŋ ŋaba kikɛ.

Matiu 21:23

Yesu ka ya luri bɔrɛlambu na to a ŋini basa, nɛ bɔrɛmatapowuraana na nɛ basa na be benimuana na ba mo kutɔ m ba bishi mo: “Manɛ be eleŋ nɛ fo kɔ a wɔtɔ a wora asheŋ ere, nɛ wanɛ e sa fo loŋ be eleŋ na?”

Matiu 27:20

Ama bɔrɛmatapowuraana na nɛ benimuana na daŋ we n wɔtɔ jimaŋ na nna fanɛ b kule Pailat nɛ e lara Barabas n sa bumo nseŋ mɔ Yesu.

Maak 15:11

Ama bɔrɛmatapowuraana na we n wɔtɔ jimaŋ na nna fanɛ b kule Pailat nɛ e lara Barabas kabuti to n sa bumo ŋ ka Yesu.

Baru lela nɛ Jɔn kute na 8:20

Bɔrɛlambu na to be kakpa nɛ k mata kaboŋ nɛ baa yili amansherbi be edekana na nɛ Yesu daŋ yili ŋ ŋini asheŋ ere kikɛ, ama esa kikɛ daa maŋ pɛ mo, ŋkpal manɛ so, mbe saŋɛ daa maŋ naŋ fo.

Baru lela nɛ Jɔn kute na 8:59

E ka malga le ere nɛ b ta ajembu nɛ b kpa mo nɛ e ŋana mbe kumu nseŋ bɔl basa na to n lar bɔrɛlambu na to.

Ashuŋ Shunso 13:50

Nɛ Juwebi na we n wɔtɔ kadegboŋ na to be benimu nɛ bebunyampocheana nɛ baa bunyaŋ Ebɔrɛ na nɛ b fara a tɔrɔ Pɔɔl nɛ Baanabas n ju bumo bumo be kasawule so.

Ashuŋ Shunso 21:30

Ndoŋ nna nɛ kadegboŋ na to ebi kikɛ luri kebagato to nɛ basa na kikɛ shile m ba abar so m ba nyaŋ Pɔɔl ŋ gberge mo n lar bɔrɛlambu na to nseŋ ti bɔrɛlambu na be mbuna epul na to.

Ashuŋ Shunso 22:22

Pɔɔl ka bee malga asheŋ na kikɛ nɛ basa na bee nu. Ama e ka ba malga keyɔ nnyamase na kutɔ be asheŋ nɛ b fara a ponte ga a kaŋɛ: “Men lara mo durnya ere to. Men mɔ mo!”

Ashuŋ Shunso 3:11

Basa na ka wu kananɛ kanyɛn na far n chɛ Pita nɛ Jɔn na nɛ k chinchiŋ bumo kikɛ ga nɛ b shile n yɔ bumo kutɔ ashi kakpa nɛ b daa tre Sɔlɔmɔn be kedɛdɛ na.

Ashuŋ Shunso 5:12

Beshuŋipo na daŋ wora emamachisheŋ nɛ kashenteŋ be etɔɔnɛsheŋ damta basa na to. Beyirdapoana na kikɛ daa shɛr Sɔlɔmɔn be Kedɛdɛ na to nna kɔnɔkoŋwuleso.

Ashuŋ Shunso 5:28

“An fiɛ menyi so fanɛ men sa maŋ kaŋ ta kanyɛn na be ketre ŋ ŋini esa kusɔ kama, ama men keni kusɔ nɛ men wora. Menyi shin nɛ menyi be keŋini ere sɔ Jerusalɛm ere to kikɛ a sha keta kanyɛn na be luwu na be turju n deŋi anyi.”

Ashuŋ Shunso 6:14

An nu e ka bee kaŋɛ fanɛ Nazarɛt be Yesu na beeŋ bure bɔrɛlambu na nseŋ chɛrga edaŋkaresheŋ nɛ Mosis sa anyi na kikɛ.”

Joshuwa 18:1

Israɛlebi na ka kɔ n sɔ kasawule na n loge, nɛ bumo kikɛ ya gama abar so ashi Shilo nseŋ yuu Enyɛnpe Ebɔrɛ be nshɛr be wajɛbu ndoŋ.