Jɛremaya 26:8 - EBƆRƐ BE KAWƆL

⁸ Ŋ ka baŋ malga asɔ nɛ Enyɛnpe Ebɔrɛ na kaŋɛ ma kenishipereso fanɛ m malga na n loge, nɛ basa na ba kulti ma n wɔtɔ nseŋ pɛ ma to a ponte to a kaŋɛ le: “Fo daga luwu nna ŋkpal kusɔ nɛ fo kaŋɛ ere so!

Jɛremaya 26:8 Iomraidhean Croise

2 Kronikɛls 36:16

Ama b daŋ kplaŋ Enyɛnpe Ebɔrɛ be kamalga so nna nsaa wora mbe mbɔ nɛ e daa shuŋi bumo kutɔ na amɔmɔshiasheŋ nsaa mushe mbe anebiana na, hale nɛ Enyɛnpe Ebɔrɛ be agbo kaa alegaiso nɛ shɛŋ maŋ naa wɔtɔ nɛ k sɔ basa na.

Jɛremaya 18:18

Ndoŋ nna nɛ basa na kaŋɛ abar le: “Men shin nɛ an to jina a laŋɛ kananɛ anyeeŋ nya Jɛremaya m mɔ be kaplɛa so. Bɔrɛmatapoana beeŋ baa wɔtɔ jemanɛ kikɛ a ŋini anyi asheŋ, nɛ benyiashempo e baa ji anyi asoe to nɛ anebiana malɛ e baa bɔ Ebɔrɛ be kubɔya na a sa anyi. Men shin nɛ an nya kulubi ko ŋ ku n deŋi mo. Saŋɛ na so anyeeŋ tiŋ a kini kebaanu kusɔ kama nɛ e bee kaŋɛ.”

Jɛremaya 18:23

Ama Enyɛnpe Ebɔrɛ, fo nyi ejina nɛ b to a laŋɛ ma kemɔ be kaplɛa so be asheŋ. Amoso nya agbo n wora bumo nsaa maŋ ta bumo be alubi m paŋ bumo. Shin nɛ b kɔ n tɔr.”

Jɛremaya 2:30

N daŋ gberge menyi kusoe, ama men kini kebɛta m ba ma kutɔ nseŋ diewu m mɔ ma anebiana fanɛ ebuluŋ ka diewu na.

Jɛremaya 32:3

Ewura Zɛdikaya daŋ ku ma kɔnɔ nna fanɛ ma ere e kaŋɛ ekama fanɛ Enyɛnpe Ebɔrɛ yɛ e beeŋ shin nɛ Babilɔn be ewura e ba kɔ m pɔɔ Jerusalɛm so n suge kumo, nseŋ kpal loŋ so n ti ma ebu.

Jɛremaya 43:1

Ŋ ka kaŋɛ basa na kusɔ kama nɛ Enyɛnpe, bumo be Ebɔrɛ na kaŋɛ na n loge,

Eemɔs 7:10

Le be kubɔya nɛ Amaziya nɛ e la Bɛtɛl be bɔrɛmatapo na daŋ ta n sa Jeroboam nɛ e la Israɛl be ewura na. E yɛ: “Eemɔs bee kre menyi ŋkre lubi nna ashi Israɛlebi be kasawule so. Mbe mmalga gba nawule beeŋ tiŋ m mur efuli na kikɛ.”

Matiu 22:6

Nɛ bumo nɛ b ka malɛ nyaŋ kanyɛn na be anya na n wora bumo amɔmɔshiasheŋ nseŋ mɔ bumo.

Matiu 27:20

Ama bɔrɛmatapowuraana na nɛ benimuana na daŋ we n wɔtɔ jimaŋ na nna fanɛ b kule Pailat nɛ e lara Barabas n sa bumo nseŋ mɔ Yesu.

Ashuŋ Shunso 5:33

Nshɛrwuraana na ka nu loŋ nɛ b nya agbo ga nseŋ yili kumo fanɛ baaŋ shin nɛ b mɔ beshuŋipo na.

Ashuŋ Shunso 7:52

Anebi mo nɛ men nanaana maŋ tɔrɔ! B mɔ Ebɔrɛ be mbɔ nɛ b daŋ wu ŋ kaŋɛ dra na kikɛ fanɛ Ebɔrɛ be Kenya cheembi beeŋ ba na. Kabre menyi alɛ debɔr mo nseŋ mɔ mo.

Kelaraŋŋini 18:24

Mo, Babilɔn na to nɛ b daŋ wu anebiana nɛ Ebɔrɛ be basa laraso nɛ bekama nyam nɛ b daŋ mɔ kasawule ere so na be ŋklaŋ.