Jɛremaya 26:7 - EBƆRƐ BE KAWƆL

⁷ Bɔrɛmatapoana nɛ anebiana nɛ basa na kikɛ daŋ nu ŋ ka bee kaŋɛ asheŋ ere ashi bɔrɛlambu na to.

Jɛremaya 26:7 Iomraidhean Croise

Jɛremaya 5:31

Kumo e la fanɛ anebiana na kikɛ be mmalga la efɛ nna. Kusɔ nɛ b kaŋɛ malɛ nɛ bɔrɛmatapoana na kɔ a shuŋ nɛ ma basa malɛ bee sha kumo be loŋ. To, jɛrbi be jemanɛ kaŋ fo nɛ asheŋ ere kikɛ fo ekar, nnɛ nɛ menyeeŋ yɔ n ya nya kechɛto?”

Maika 3:11

Kadegboŋ na be bejuŋkparpoana bee sɔ asɔ basa kutɔ nna pɔɛŋ nsaa ji bumo be asheŋ a sa bumo. Bɔrɛmatapoana nɛ anebiana na malɛ bee sɔ amansherbi nna pɔɛŋ nsaa ŋini mbraana na ŋko a wu abɔrɛsheŋ a kaŋɛ basa. Kumo be kaman nɛ b kilgi ŋ kaŋɛ le: “Enyɛnpe Ebɔrɛ na wɔ anyi kutɔ, amoso shɛŋ maaŋ tiŋ n wora anyi.”

Zefanaiya 3:4

Kumo be anebiana malɛ daa kɔ ŋkpensheŋ be kebaawɔtɔ nna nɛ basa maaŋ tiŋ n yirda bumo. Nɛ bɔrɛmatapoana malɛ bee ta eyurpi a yɔ kakpa cheembi nɛ baa bunyaŋ Ebɔrɛ, nsaa bɔla mbe mbra na so a nya bumo be aparsheŋ.

Matiu 21:15

Ama bɔrɛmatapowuraana na nɛ mbraŋinipoana na ka wu emamachisheŋ nɛ e daŋ wora na nseŋ naŋ wu kananɛ mbia daa wɔ bɔrɛlambu na akpa a ponte a kaŋɛ: “Hosana e baa la ewura Deevid mo Nanabi peya!” Nɛ agbo pɛ bumo,

Ashuŋ Shunso 5:17

Nɛ bɔrɛmatapo nimuso nɛ mo braana Esadusiana na be ŋgbene kaa kekishiso ŋkpal asɔ nɛ beshuŋipo na daa wora na so nɛ b yili kumo fanɛ beshuŋipo na beeŋ pin.