Jɛremaya 26:5 - EBƆRƐ BE KAWƆL

⁵ nsaa ta menyi be lakal a wɔtɔ ma mmalga nɛ mee ta a sa ma anya, anebiana, nɛ mee shuŋi bumo menyi kutɔ jemanɛ kikɛ na to. Menyi maŋ naŋ wora asɔ nɛ baa kaŋɛ menyi na kasonu kikɛ.

Jɛremaya 26:5 Iomraidhean Croise

2 Bewura 17:13

Amoso Enyɛnpe Ebɔrɛ daŋ shuŋi mbɔ nɛ anebiana nna fanɛ b ya kpele Israɛl nɛ Juda be efuli so ebi na kusoe. E yɛ: “Men yige men be asheŋ lubi na be kebaawora, nseŋ bɛ ma mbra nɛ ma keŋini so. N ta amo nna n sa men nananyɛnana nseŋ kaŋɛ ma anebiana nɛ ma nyɛrbiana fanɛ b ta amo n sa menyi alɛ gba.”

2 Bewura 17:23

hale nɛ Enyɛnpe Ebɔrɛ na ba ju bumo n lɛ fanɛ kananɛ e bɔla mbe nyɛrbi anebiana so ŋ kaŋɛ na. Kumo so nɛ b daŋ tintiŋ Israɛlebi na n lara bumo ashi bumo gbagba be kasawule so n yɔ Asiriya be efuli so kenyaya to, nɛ b wɔ ndoŋ hale kabre na.

2 Bewura 24:2

Ndoŋ nna nɛ Enyɛnpe Ebɔrɛ shin nɛ Babilɔn nɛ Siriya nɛ Mowab nɛ Ammɔn be benapo be ntuŋ nɛ baa ta kena a purgi na ya kɔ Jehowakim kena nseŋ jija Juda be efuli kikɛ fanɛ kananɛ e daŋ bɔla mbe nyɛrbi anebiana so ŋ kaŋɛ fanɛ e beeŋ mur Juda na.

2 Bewura 9:7

Ama a daga fo ka mur ewura Ahab nɛ e la fo nyɛnpe na be laŋ to ebi kikɛ ŋ gberge bumo kusoe ŋkpal mbe eche Jɛzebel ka mɔ mbe anabiana nɛ mbe nyɛrbi so.

Ɛzra 9:11

mbra nɛ fo bɔla anebiana nɛ b daa la fo mbɔ na so n nase n sa anyi na so. B daŋ kaŋɛ anyi fanɛ kasawule nɛ an daa yɔ nɛ an ya chena so na la kakpa nɛ eyurpisheŋ daa shi nna. Ŋkpal manɛ so, basa nɛ b daa wɔ kumo so na daa wɔ mbushusheŋ nɛ eyurpisheŋ be kebaawɔtɔ to nna.

Jɛremaya 11:7

Baŋ yili jemanɛ nɛ n lara bumo nanaana Ijipt be efuli so hale m ba fo kabre, m baa kpele bumo kusoe nna fanɛ b baa wora ma kasonu.

Jɛremaya 29:19

B ka kini kenu n sa ma abɔya nɛ m bɔla anebiana nɛ b la ma anya so m bɔ n sa bumo na so nɛ le beeŋ wora bumo na.

Jɛremaya 32:33

Ŋ ka wora ania fanɛ meeŋ ŋini bumo nɛ b baa wora ma kasonu na kikɛ be kaman, b maŋ nu nseŋ koya shɛŋ. B pal kaman nna n sa ma.

Jɛremaya 35:15

Ŋ kraa shuŋi ma anya anebiana na menyi kutɔ, nɛ baa kaŋɛ menyi fanɛ men yige menyi be asheŋ lubi na nsaa wora kusɔ nɛ k niŋi. B kpele menyi kusoe fanɛ men sa maa bunyaŋ nsaa shuŋ agbir pɔtɛana, saŋɛ na so menyi kraa beeŋ chena kasawule nɛ n ta n sa men nananyɛnana na so. Ama men kini kenu n sa ma nsaa maŋ wora lakal a laŋɛ kumo be kaplɛa so.

Jɛremaya 35:17

Amoso, naniere, ma Enyɛnpetale, Israɛl be Ebɔrɛ na beeŋ shin nɛ kemur nɛ n nase kumo be kɔnɔ na e ba menyi Juda nɛ Jerusalɛm be basa so. Meeŋ shin nɛ le a wora ŋkpal manɛ so, ŋ ka malga n sa menyi, menyi maŋ nu; ma alɛ ka tre menyi, menyi maŋ shuli so.”

Jɛremaya 44:4

Ma alɛ kraa shuŋi ma anya anebiana na menyi kutɔ nɛ baa kaŋɛ menyi fanɛ men sa maa wora asheŋ lubi nɛ ŋ kishi na.

Jɛremaya 7:13

Menyi alɛ gba bee wora alubi nna na nɛ mee malga a sa menyi kapa nɛ kanyɛ, ama men maa nu a sa ma. M baŋ tre menyi gba menyi maa shuli ma so.

Jɛremaya 7:25

Yili jemanɛ nɛ men nananyɛnana lar Ijipt be efuli so m ba fo kabre, ŋ kraa shuŋi anebiana nɛ b la ma mbɔ men kutɔ nna.

Ezikɛl 38:17

Nɛ Enyɛnpetale Ebɔrɛ na naŋ kaŋɛ le: “Fo asheŋ nɛ n daa malga dra dra jemanɛ nɛ n daŋ bɔla ma nyɛrbi, Israɛl be anebiana na so na, fanɛ kachako bee ba nɛ n shin nɛ esa ko e ba kɔ Israɛlebi kena na.

Eemɔs 3:7

Kashenteŋto, Enyɛnpetale maa kre kusɔ ko be kewora nɛ e maŋ lara kumo ŋ ŋini mbe nyɛrbi nɛ b la anebiana na.

Zakareya 1:6

N daŋ bɔla anebiana nɛ b la ma nyɛrbi na so nna n sa men nanaana ma mbraana nɛ kefiɛso be mmalga, ama b daa maŋ tuge ma, nɛ kumo be kasogberge ba bumo so. Kumo be kaman nɛ b chɛrga bumo be nfɛra nseŋ shuli so fanɛ ma, Enyɛnpetale Ebɔrɛ na e sa bumo kasogberge nɛ k daga bumo, fanɛ kananɛ ŋ kre kumo na.”

Kelaraŋŋini 10:7

Ama saŋɛ nɛ malaika shunusopo na beeŋ foŋ mbe kabel na, Ebɔrɛ beeŋ shin nɛ mbe wulo be kesheŋ naseso na e fo kumo be ekar n lar efuli fanɛ kananɛ e daŋ kaŋɛ mbe anya nɛ b la anebiana na.”

Kelaraŋŋini 11:18

Efuli so ebi daŋ nya agbo nna, ama fo agbo be saŋɛ nɛ baaŋ ji bubuni demu na fo, saŋɛ nɛ feeŋ ka fo anya kukɔ, fo anebiana nɛ fo basa kikɛ, bekama nɛ baa ŋana fo ketre, bewurbi nɛ begboŋi nyam be saŋɛ na fo. Saŋɛ na fo nɛ fo mur basa nɛ baa jija kasawule ere na.”