Jɛremaya 26:24 - EBƆRƐ BE KAWƆL

²⁴ Ade kikɛ be kaman, nɛ kanyɛn nɛ baa tre Ahikam nɛ e la Shafan pibinyɛn na malga ŋ kuŋ Jɛremaya, nɛ b maŋ ta mo n sa basa na nɛ b mɔ.

Jɛremaya 26:24 Iomraidhean Croise

1 Bewura 18:4

amoso Jɛzebel ka daa mɔ Enyɛnpe Ebɔrɛ be anebiana na, Obadaya e daŋ ta bumo be basa kalfa n ya ŋana abeelaŋ anyɔ to nsaa sa bumo ajibi nɛ nchu ndoŋ. E daŋ barga bumo to basa adununu nna n wɔtɔ kebeelaŋ kama to.

2 Bewura 25:22

Babilɔn be ewura Nebukadneeza daŋ shin nna nɛ Ahikam pibinyɛn Gedaliya nɛ mo nananyɛn daa la Shafan na ki Juda be efuli so be gomena nseŋ shin nɛ e bee keni basa gbrɛbi nɛ b ka ndoŋ na so.

2 Kronikɛls 34:20

nseŋ tre Hilkiya nɛ Shafan nɛ Ahikam nɛ e la Shafan pibinyɛn na nɛ Abdɔn nɛ e la Maika pibinyɛn na n ta Asaya nɛ e la mo gbagba be kenya na m ba shɛr abar so epul na to nseŋ kaŋɛ le:

Jɛremaya 29:3

Juda be ewura Zɛdikaya e daŋ shuŋi Shafan pibinyɛn Elasa nɛ Hilkiya pibinyɛn Gemariya ewura Nebukadneeza kutɔ nɛ n ta kawɔl na n chise bumo fanɛ b ta n yɔ. Kusɔ nɛ n sibɛ kawɔl na to nde:

Jɛremaya 36:11

Gɛmariya pibinyɛn, Mikaya gba daa wɔ ndoŋ nseŋ nu Baruk ka kraŋ kusɔ nɛ Enyɛnpe Ebɔrɛ na kaŋɛ kawɔl na to na.

Jɛremaya 36:12

Kumo be kaman nɛ e yɔ ewurkpa be esibɛpo na be ebu to nɛ ewura be benimuana na bee wora nshɛr. Bumo nɛ b daa wora nshɛr na e daa la Elishama nɛ e la ewura be esibɛpo na, nɛ Shemayaya pibinyɛn, Delaiya nɛ Akbɔ pibinyɛn, Ɛlnatan nɛ Shafan pibinyɛn, Gɛmariya nɛ Hananiya pibinyɛn, Zedekaya nɛ benimuana na kikɛ.

Jɛremaya 36:19

Ndoŋ nna nɛ benimuana na kaŋɛ Baruk le: “A daga fo nɛ Jɛremaya ka ya ŋana kakpa nɛ esa kikɛ maaŋ pin menyi be asheŋ.”

Jɛremaya 36:26

Kumo be kaman nɛ e ponte mo pibinyɛn, Jeramiil nɛ Azriɛl pibinyɛn, Seraiya nɛ Abdiil pibinyɛn Selemaiya so fanɛ b ya pɛ ma, anebi Jɛremaya nɛ ma esibɛpo, Baruk. Ama Enyɛnpe Ebɔrɛ na daŋ ta anyi nna ŋ ŋana.

Jɛremaya 39:14

shin nɛ b ya lara ma kabuti to ashi ewurkpa m ba. Ahikam pibinyɛn, Gɛdaliya nɛ mo nana daa la Shafan na nɛ b daŋ shin nɛ e keni ma so nɛ n ya fo epe nɛ alenfia. B daŋ yige ma ŋ gbagba be basa to nna ashi Juda be efuli so.

Ezikɛl 8:11

Israɛl be basa na be benimuana na to be basa adushunu e daa yil ndoŋ. Shafan pibinyɛn, Jazaania gba daŋ ti bumo so. Bumo be ekama malɛ daa kɔ kusɔ nɛ b kɔ a chɔɔ duwu mbe enɔ nna nɛ edishi bee kaa kumo to.

Ashuŋ Shunso 23:10

Bumo be kolu na daŋ nyaŋɛ to ga hale basa na be kegberge Pɔɔl n tuge to be asheŋ pɛ benapo be enimu na kufu ga. Nɛ e shin nɛ mbe benapo luri basa na to ŋ keta Pɔɔl n lar bumo to n yɔ kesɔnyige be ebu lempo na to.

Ashuŋ Shunso 27:43

Ama benapo be enimubi na ka daa maa sha nɛ Pɔɔl e wu so, e daŋ ju benapo na ashi loŋ be kesheŋ na to nna nseŋ kaŋɛ basa na be bumo nɛ b daa nyi kalaa na kikɛ fanɛ b fara n tɛ n luri nchu na to a laa a dii.

Kelaraŋŋini 12:16

Ama kasawule e daŋ chɛ kache na to m bugi kumo be kɔnɔ to n ta lɔr mo nɛ kusɔ gbeyeso na daŋ fuu ashi kumo be kɔnɔ to na n nuu.