Jɛremaya 26:20 - EBƆRƐ BE KAWƆL

²⁰ Kanyɛn ko gba daa wɔtɔ nɛ baa tre mo Uriya, nɛ e la kanyɛn nɛ baa tre Shemaya na pibinyɛn nseŋ shi kade nɛ baa tre Kiriaf Jeerim na. Mo alɛ gba daŋ malga ŋ gbiti Jerusalɛm nɛ Juda ashi Enyɛnpe Ebɔrɛ na be ketre to fanɛ kananɛ Jɛremaya wora ere.

Jɛremaya 26:20 Iomraidhean Croise

1 Bewura 18:10

Enyɛnpe fo Ebɔrɛ na be ketre so nɛ mee kaŋɛ fo na fanɛ ewura Ahab nite durnya ere be kaplɛkama a fin fo. Efuli kama malɛ nɛ b fin fo n yɔ, nɛ kumo be ewura kaŋɛ fanɛ e maŋ wu fo mbe efuli so, ewura Ahab bee shin nɛ e bɔ nna fanɛ e maŋ wu fo kashenteŋto.

2 Bewura 23:37

Mo alɛ gba daŋ bɛ mo nananyɛnana be aya so nna n wora alubi ŋ gbiti Enyɛnpe Ebɔrɛ na.

Jɛremaya 2:30

N daŋ gberge menyi kusoe, ama men kini kebɛta m ba ma kutɔ nseŋ diewu m mɔ ma anebiana fanɛ ebuluŋ ka diewu na.

Jɛremaya 36:19

Ndoŋ nna nɛ benimuana na kaŋɛ Baruk le: “A daga fo nɛ Jɛremaya ka ya ŋana kakpa nɛ esa kikɛ maaŋ pin menyi be asheŋ.”

Joshuwa 15:60

N ta Kiriaf Baal nɛ baa tre Kiriaf Jearim na nɛ Raaba. Amo alɛ la nde anyɔ nɛ amo ndewurbi.

Joshuwa 18:14

K ka fo kebeegboŋ na nɛ k yili kumo be epeŋitɔrkpa ŋ kilgi m bɔla kebee na be kelargato be kaseto be kaba so a yɔ Kiriaf Baal ŋko Kiriaf Jearim nɛ k la Juda be yiri to ebi peya na.

Joshuwa 9:17

Kumo be kaman nɛ Israɛlebi na lar n ta nchɛ asa n ya fo basa na be nde to. Bumo be nde na e la: Gibiɔn nɛ Chefira nɛ Bɛɛrɔf nɛ Kiriaf Jearim.

1 Samuɛl 6:21

Nɛ b shuŋi mbɔ fanɛ b ya kaŋɛ Kiriaf Jearim be basa na le: “Filistiebi na bɛta Enyɛnpe Ebɔrɛ be ŋkre be deka na m ba. Men ba ta kumo n yɔ menyi pe.”

1 Samuɛl 7:2

Enyɛnpe Ebɔrɛ be ŋkre be deka na daŋ ji nfɛ adunyɔ kikɛ nna ashi Kiriaf Jearim. Loŋ be jemanɛ na malɛ nɛ Israɛlebi na bee shu a kule Enyɛnpe Ebɔrɛ a fin kechɛto.