Jɛremaya 25:9 - EBƆRƐ BE KAWƆL

⁹ meeŋ shuŋi n tre efuliana nɛ e wɔ kelargato be esoso be kaba so na be basa kikɛ nɛ ewura Nebukadneeza nɛ e la Babilɔn be efuli so be ewura nɛ ma kenya na, nɛ b ba kɔ Juda nɛ efuliana nɛ e kulti ndoŋ na kikɛ kena m mur. Ndoŋ beeŋ mur a dese loŋ mbaanaayɔ nɛ k chinchiŋ ekama nɛ e beeŋ wu amo, ama b kraa beeŋ baa wora menyi eyurto. Ma, Enyɛnpe Ebɔrɛ e kaŋɛ na.

Jɛremaya 25:9 Iomraidhean Croise

2 Bewura 24:2

Ndoŋ nna nɛ Enyɛnpe Ebɔrɛ shin nɛ Babilɔn nɛ Siriya nɛ Mowab nɛ Ammɔn be benapo be ntuŋ nɛ baa ta kena a purgi na ya kɔ Jehowakim kena nseŋ jija Juda be efuli kikɛ fanɛ kananɛ e daŋ bɔla mbe nyɛrbi anebiana so ŋ kaŋɛ fanɛ e beeŋ mur Juda na.

2 Kronikɛls 29:8

Ŋkpal le be asheŋ ere so, Enyɛnpe Ebɔrɛ daŋ nya agbo nna ga n wɔtɔ Juda nɛ Jerusalɛm ebi nseŋ wora bumo kusɔ nɛ k pɛ ekama kufu nseŋ mɔ ekama kɔnɔ. Men gbagba ere nyi le be kesheŋ ere nɛnɛ.

2 Kronikɛls 36:21

Ndoŋ nna nɛ Israɛl be kasawule na dese nfɛ adushunu nɛ esa maŋ wɔ kumo so, nɛ kusɔ nɛ Enyɛnpe Ebɔrɛ daŋ bɔla anebi Jɛremaya so ŋ kaŋɛ fanɛ kasawule na beeŋ ki keshishɛrsawule n dese nfɛ adushunu na, bɔlɔ so.

Aŋasa 21:1

Enyɛnpe Ebɔrɛ e naa ŋini Ewura be kagbene ekpa, fanɛ nchu be kubɔr na.

Aizaaya 10:5

Ndoŋ nna nɛ Enyɛnpe Ebɔrɛ na kaŋɛ: “N ta Asiriya fanɛ kaprɛ nna nɛ ŋ gberge basa nɛ n nya agbo n wɔtɔ na kusoe.

Aizaaya 13:3

N tre ma benapo lempoana nɛ b yirda bumo be amu n lar nɛ b ya kɔ kena ŋ gberge basa nɛ n nya agbo n wɔtɔ na kusoe.

Aizaaya 39:7

Baaŋ keta fo mbinyɛnsobi gbagba be beko n ya fɛl bumo nɛ b baa shuŋ Babilɔn be ewura be lambu to.”

Aizaaya 44:28

Ma e kaŋɛ Pɛshiya be efuli so be ewura Sairus le: ‘Feeŋ baa la fanɛ ma mbolpɔkpapo n juŋkpar ma basa n wora m bɔlɔ kusɔ kama nɛ mee sha kewora so. Fo e naŋ shin nɛ b naŋ lɔŋɛ Jerusalɛm be kadegboŋ na nɛ bɔrɛlambu na m pɔr.’ ”

Jɛremaya 1:14

Ndoŋ nna nɛ Enyɛnpe Ebɔrɛ na kaŋɛ ma le: “K maaŋ chɛr nɛ kemur gboŋgboŋi e shi kelargato be esoso be kaba so m ba bekama nɛ b wɔ kasawule so.

Jɛremaya 1:15

Ŋkpal manɛ so, mee pla enɔ a tre efuli pɔtɛana be basa nɛ b wɔ kelargato be esoso be kaba so na nna fanɛ b ba. Baaŋ ba kɔ n suge Jerusalɛm nɛ Juda be ndeana kikɛ. Kumo be kaman nɛ bumo be bewuraana e nase bumo be nwɔl nɛ nwurputi ashi Jerusalɛm be mbunagboŋ ase n chena so.

Jɛremaya 10:22

Men nu nfe! Baru ko bee ba! Kebagato gboŋ ko wɔ efuli ko nɛ k wɔ kelargato be esoso be kaba so a ba. Efuli na be benapo beeŋ shin nɛ Juda be efuli so be ndegboŋ e ki keshishɛrsawule nɛ ejiŋkaamu e baa wɔ kumo so.”

Jɛremaya 12:14

Ade kikɛ be kaman, nɛ Enyɛnpe Ebɔrɛ na naŋ kaŋɛ le: “Ŋ kɔ kusɔ ko nɛ ŋ kaŋɛ a laŋɛ Israɛl be bechenashapo lubi nɛ b mur kasawule nɛ n ta n sa ma basa Israɛlebi na be kaplɛa so. Meeŋ lara basa lubi ere bumo be efuliana so fanɛ kananɛ baa tia kusɔduuso na. Meeŋ kɔ n suge Juda be basa bumo be enɔ to.

Jɛremaya 18:16

B shin nɛ kasawule na ki kufugboŋ be kakpa nna nɛ ekama ta kumo fanɛ kusɔ fuloŋ a keni kumo jiga. Asɔ nɛ basa nɛ baa bɔla kumo so bee wu na bee chinchiŋ bumo nna nɛ baa fifi amu.

Jɛremaya 2:15

Bedoŋ bee munto a kulti bumo nna fanɛ ebuluŋ; nsaa mur bumo be adɔsawule a shin nɛ bumo be ndeana ki alambure a dese fuloŋ nɛ shɛŋ shɛŋ maŋ naa wɔ amo to.

Jɛremaya 20:4

Enyɛnpe Ebɔrɛ na gbagba yɛ: ‘Meeŋ shin nɛ fo ta kufu m pɛ fo kumu nɛ fo teriana, nɛ bumo doŋana e ta etokobi m mɔ bumo fo anishito. Meeŋ ta Juda be efuli so be basa kikɛ m bɔɔ Babilɔn be efuli so be ewura enɔ nɛ e ji eleŋ bumo so. E beeŋ mɔ beko nseŋ pɛ beko fanɛ anya n yɔ mbe efuli so.

Jɛremaya 24:9

Meeŋ shin nɛ jɛrbi gboŋgboŋi e ba bumo so nɛ kufugboŋ e tɔr durnya to be efuli pɔtɛana be basa so nɛ b baa chicha. Basa beeŋ baa mushe nsaa wora bumo eyurto nseŋ naa ta bumo be ketre a shoduu ashi kaplɛkama nɛ baaŋ pesaŋ to n yɔ na.

Jɛremaya 25:8

Ŋkpal loŋ so, Enyɛnpetale Ebɔrɛ na yɛ: ‘Men ka kini kenu m bɛ ma malga so so,

Jɛremaya 29:18

Meeŋ ta kena nɛ akoŋgboŋ nɛ alɔ m bɛ bumo so nɛ efuli pɔtɛana be basa e wu loŋ nɛ k chinchiŋ bumo n ta kufu n lɛ bumo so. Kusɔ nɛ k beeŋ nya bumo kaplɛkama nɛ meeŋ pesaŋ bumo to n yɔ na beeŋ chinchiŋ ndoŋebi n ta kufu n lɛ bumo so. Kumo be kaman basa beeŋ wora bumo eyurto nseŋ ta Juda nɛ Jerusalɛm be atre a shoduu basa.

Jɛremaya 35:11

Ama jemanɛ nɛ ewura Nebukadneeza nɛ Babilɔn be efuli nɛ Siriya be efuli so be benapo ba fara a kɔ a sha kesɔ efuli na nɛ an koso m ba Jerusalɛm to m ba chena, saŋɛ na so anyeeŋ shile bumo m mɔlga anyi be amu. Kusɔ nɛ k ba nɛ an baa kaa wɔ Jerusalɛm to nna na.”

Jɛremaya 36:2

“Ta kawɔl n sibɛ asɔ kama nɛ ŋ kaŋɛ fo a laŋɛ Israɛl nɛ Juda nɛ efuliana na kikɛ be kaplɛa so na n wɔtɔ kumo to. Sibɛ asɔ kama nɛ ŋ kaŋɛ fo, yili kachɛ nɛ n fara a malga fo kutɔ na, fɔŋfɔŋ jemanɛ nɛ Josaya fara mbe kuwurji m ba fo mbre na, kikɛ n wɔtɔ kawɔl na to.

Jɛremaya 36:29

Kumo be kaman nɛ e yɛ ŋ kaŋɛ ewura na le: “Fo chɔɔ kawɔl na nseŋ bishi Jɛremaya kusɔ nɛ k ba nɛ e sibɛ fanɛ Babilɔn be ewura beeŋ ba mur kasawule ere nseŋ mɔ kumo so be basa nɛ asɔbɔya kikɛ.

Jɛremaya 4:7

Kananɛ buluŋ bee shi kumo be eŋanakpa a lar na nɛ bekɔpo nɛ baa mur efuliana na lar a ba. Baa ba nɛ b ba mur Juda nna nɛ kumo be ndegboŋ e ki alambure nɛ esa kikɛ maaŋ naa wɔ amo to.

Jɛremaya 40:2

Nebuzaradan daŋ keta ma nna n lar ekarso nseŋ ya kaŋɛ ma le: “Enyɛnpe fo Ebɔrɛ na daŋ kpele fo basa kusoe fanɛ e beeŋ mur kasawule ere,

Jɛremaya 43:10

Kumo be kaman nɛ fo kaŋɛ bumo fanɛ ma, Enyɛnpetale, Israɛl be Ebɔrɛ na beeŋ shin nɛ ma kenya, Babilɔn be ewura Nebukadneeza e ba nfe m ba ta mbe kuwurputi n nase ajembu nɛ fo puli ere so nseŋ chena kumo so n ji kuwura bumo so.

Jɛremaya 46:20

Ijipt du fanɛ nache fɔlbi nɛ e walɛ kebita nɛ wuloŋ shi kelargato be esoso m ba duŋ mo nna.

Jɛremaya 49:19

Kananɛ buluŋ bee lar kupo nɛ k dese Jɔɔdan be Lɔrgboŋ na ase a ba asɔbɔya be ejikpa nɛ asɔbɔya na e baa shile na, nɛ ma, Enyɛnpe Ebɔrɛ na beeŋ ba nɛ Edɔmebi e shile epul to n lar bumo be kadegboŋ na to. Kumo be kaman nɛ ejuŋkparpo nɛ meeŋ lara na e ba chena n ji kuwura efuli na so. Wanɛ e naŋ tiŋ n ta mbe kumu m ber ma ŋko n to ma emaŋ? Ewurjipo kikɛ maŋ wɔtɔ nɛ e beeŋ tiŋ n tu ma ŋ kɔ.

Jɛremaya 6:1

Bɛnjamin be yiri to be basa, men shile m mɔlga menyi be amu. Men ŋana n lar Jerusalɛm be kadegboŋ na to. Men shin nɛ b foŋ kabel ashi kade nɛ baa tre Tekua na to nseŋ puga tɔɔnɛ be edɛ ashi kakpa nɛ baa tre Bɛf Hakkerɛm na nɛ e baa sa basa kubɔya. Ŋkpal manɛ so, jɛrbi gboŋgboŋi nɛ kemur beeŋ shi kelargato be esoso m ba menyi so.

Jɛremaya 8:16

An doŋana tea wɔ Dan be kadegboŋ nɛ k wɔ anyi be efuli be gbaŋ nɛ k wɔ a laŋɛ kelargato be esoso be kaba so na to a ba. Anyi alɛ tea nu bumo be egbaŋɛ be efute gba. Bumo be egbaŋɛ baŋ shu, kasawule na kikɛ bee gbuŋgbuŋ to nna. An doŋana na bee ba nɛ b ba mur anyi nɛ kasawule na nɛ kusɔ kama nɛ k wɔ kumo so nɛ anyi be kadegboŋ na nɛ basa nɛ b wɔ kumo to kikɛ na nna.”

Ezikɛl 12:20

Ndegboŋ nɛ basa bɔlɔ amo to naniere kikɛ beeŋ mur nɛ efuli na kikɛ e ki kasawule a dese loŋ nɛ esa kikɛ maŋ wɔ kumo so. Ndoŋ nɛ baaŋ pin fanɛ ma e la Enyɛnpe Ebɔrɛ na.”

Ezikɛl 16:40

“Bumo alɛ beeŋ naŋ we n wɔtɔ jimaŋ nɛ b kpa fo ajembu m mɔ. Kumo be kaman nɛ b ta etokobi ŋ ŋele fo to fanɛ mblaŋkul nseŋ chɔɔ fo nwu.

Ezikɛl 21:11

Mee yee ma tokobi nna, a wora kumo shiriya a jo, esa nɛ e beeŋ ta kumo m mɔ na.

Ezikɛl 26:7

Kumo be kaman, nɛ Enyɛnpetale Ebɔrɛ na naŋ kaŋɛ: “Meeŋ shin nɛ Babilɔn be ewura Nebukadneeza, nɛ e la bewura to be ewura na, e shi kelargato be esoso be kaba so m ba kɔ Tayɛ be basa. E beeŋ keta benapo damta nɛ b kɔ egbaŋɛ nɛ egbaŋɛturko nɛ egbaŋɛ diipoana nna m ba.

Ezikɛl 36:5

Ma, Enyɛnpetale Ebɔrɛ na malga agbogboŋ so nna ŋ gbiti efuliana nɛ a kulti fo Israɛl be efuli na kikɛ, fɔŋfɔŋ Edɔm be efuli na. Ŋkpal manɛ so, bumo e daŋ ji eyur ga nseŋ daŋ sɔ ma kasawule nɛ kumo be asɔbɔya be ejikpa ŋ ki bumo peya.

Danɛl 5:18

Enyɛnpetale Ebɔrɛ na so nɛ fo tuto Nebukadneeza ki ewurgboŋ nseŋ nya bunyaŋ nɛ kemankuragboŋ.

Habakuk 1:12

O Enyɛnpe Ebɔrɛ, fo la Ebɔrɛ nna sososo na kikɛ. Fo e la ma Ebɔrɛ nɛ fo du cheembi nsaa wɔtɔ mbaanaayɔ. Enyɛnpe, ma Ebɔrɛ nɛ ma ekumpo, fo e lara Babilɔnebi na n shin nɛ b nya eleŋ saŋɛ na so baaŋ gberge anyi kusoe.

Habakuk 1:17

Ama b baa kraa mɔ basa fanɛ b ka bee to bumo ashewu na nsaa mur efuliana na a maa wu basa kuwɔr a?

Ditɛronɔmi 28:37

Men be asheŋ beeŋ chinchiŋ efuli kama nɛ Enyɛnpe Ebɔrɛ na beeŋ pesaŋ menyi to n yɔ na so be basa kikɛ, ŋkpal kusɔ nɛ k beeŋ wora menyi na so. Ama bumo alɛ kraa beeŋ wora menyi eyurto nseŋ mushe menyi.