Jɛremaya 25:5 - EBƆRƐ BE KAWƆL

⁵ B kaŋɛ menyi fanɛ men lar menyi be kebaawɔtɔ lubi nɛ asheŋ lubi na to nseŋ nya n chena kasawule nɛ Enyɛnpe Ebɔrɛ na ta n sa menyi nɛ men nananyɛnana fanɛ k baa la menyi be kapetɛsawule mbaanaayɔ na so.

Jɛremaya 25:5 Iomraidhean Croise

Jɛnesis 17:8

Ade kikɛ be kaman, meeŋ ta Keenan be kasawule mo nɛ men la befɔ ashi kumo so naniere ere n sa fo nɛ k ki fo nɛ fo kaman to ebi be kapetɛ mbaanaayɔ nɛ ma alɛ e baa la bumo be Ebɔrɛ.”

Nshɛ 139:24

Sa maŋ shin nɛ m baa bɔla ekpa lubiana so a wora asheŋ, ama baa juŋkpar ma ashi fo ekpa nɛ k dese mbaanaayɔ na so.

Nshɛ 37:27

Yige asheŋ lubi be kebaawora; nseŋ fara a wora alelasheŋ. Saŋɛ na so fo kaman to ebi beeŋ nya kasawule ere so n chena mbaanaayɔ.

Aizaaya 1:16

Men fɔr menyi be eyurana so n nyalɛ so nseŋ yige asheŋ lubi nɛ mee wu menyi kaa bee wora na. Kashenteŋto, men yige alubi be kewora

Jɛremaya 17:25

Saŋɛ na so ewura Deevid be kanaŋ to ebi beeŋ baa ji kuwura ashi Juda be efuli so nɛ Jerusalɛm to. Kumo be kaman, Juda be efuli so nɛ Jerusalɛm to be basa kikɛ beeŋ baa dii egbaŋɛ nɛ egbaŋɛturko. Basa damta malɛ beeŋ ba bɔlɔ Jerusalɛm be kadegboŋ na to a wɔtɔ.

Jɛremaya 18:11

Amoso kaŋɛ Juda nɛ Jerusalɛm be basa fanɛ n teŋ kre nseŋ wora shiriya nɛ ŋ gberge bumo kusoe. Kaŋɛ bumo b yige asheŋ lubi be kebaawɔtɔ na nseŋ fara a wora asheŋ niŋiso.

Jɛremaya 35:15

Ŋ kraa shuŋi ma anya anebiana na menyi kutɔ, nɛ baa kaŋɛ menyi fanɛ men yige menyi be asheŋ lubi na nsaa wora kusɔ nɛ k niŋi. B kpele menyi kusoe fanɛ men sa maa bunyaŋ nsaa shuŋ agbir pɔtɛana, saŋɛ na so menyi kraa beeŋ chena kasawule nɛ n ta n sa men nananyɛnana na so. Ama men kini kenu n sa ma nsaa maŋ wora lakal a laŋɛ kumo be kaplɛa so.

Jɛremaya 4:1

Nɛ Enyɛnpe Ebɔrɛ yɛ: “Israɛl be basa, nɛ fanɛ menyeeŋ bɛta kashenteŋto, men bɛta m ba ŋ kutɔ. Nɛ fanɛ menyeeŋ ji kashenteŋ n sa ma nseŋ yige kebaashuŋ agbirana nɛ ŋ kishi amo be asheŋ na,

Jɛremaya 7:7

Nɛ men chɛrga menyi be kebaawɔtɔ nɛ kesheŋ wora, ma alɛ beeŋ shin nɛ men chena kasawule nɛ n ta n sa men nananyɛnana na so mbaanaayɔ.

Ezikɛl 18:30

“Ma, Enyɛnpetale Ebɔrɛ na e naa kaŋɛ menyi Israɛl be basa fanɛ meeŋ ji menyi be ekama demu ŋkpal kusɔ nɛ e wora so. Amoso, men tuba ashi menyi be asheŋ woraso lubi to. Nɛ mannɛ aloŋ, a beeŋ yɛr menyi kemur to.

Ezikɛl 33:11

Kaŋɛ bumo fanɛ, ŋ ka la Enyɛnpetale Ebɔrɛ nɛ e bee sa ŋkpa so, ma kagbene maa fuli alubiworapoana be luwu so. B ka yige bumo be alubi be kewora nseŋ ji efute e naa fuli ma kagbene. Amoso nɛ Israɛl be basa na bee sha keji efute, kumo ere b yige bumo be asheŋ lubi na nseŋ bɛta m ba ma kutɔ.

Hoziya 1:7

Ma Enyɛnpe nɛ n la Juda be Ebɔrɛ na beeŋ wu Juda be basa bre kuwɔr nseŋ mɔlga bumo. Mannɛ kena ŋko tokobi so ŋko ata nɛ amo be atanyembi so ŋko egbaŋɛ ŋko egbaŋɛdiipo so nɛ meeŋ bɔla so m mɔlga bumo.”

Ashuŋ Shunso 26:20

Damaskɔs nɛ n fara m bɔ kubɔya na nseŋ yɔ Jerusalɛm nɛ Juwebi be efuli so kikɛ nɛ nnyamase to n ya kaa bɔ kubɔya na fanɛ b lar bumo be alubi to m ba Ebɔrɛ kutɔ m ba kaa wora asheŋ nɛ a beeŋ ŋini fanɛ b lar bumo be alubi to kashenteŋto.