Jɛremaya 25:30 - EBƆRƐ BE KAWƆL

³⁰ Jɛremaya, fo e daga fo ber asheŋ nɛ ŋ kaŋɛ ere kikɛ be kebomboŋ n sa basa ere: ‘Enyɛnpe Ebɔrɛ na beeŋ shi ebɔrɛso m ponte awɔrso fanɛ bɔrɛ ka ponte awɔlpa to na. E beeŋ ponte m malga ŋ gbiti mbe basa fanɛ kananɛ baa beri ayu nsaa boŋ nshɛ awɔrso na. Esa kama nɛ e wɔ durnya to be kaplɛkama beeŋ nu mbe ebɔl.

Jɛremaya 25:30 Iomraidhean Croise

Eemɔs 1:2

E yɛ: “Enyɛnpe Ebɔrɛ baŋ yili Zayɔn be kebeegboŋ na so ashi Jerusalɛm m ponte, fanɛ bɔrɛ ka gbri na, asɔbɔya be ejikpa be mboŋ kikɛ bee wɔl nna, nɛ afitiri nɛ a wɔ kebeegboŋ nɛ baa tre Kamɛl na so na kikɛ e kilgi m pere le kpaw.”

Jowɛl 3:16

Ebɔrɛ shi Zayɔn be kebeegboŋ na so m ponte to fanɛ buluŋ na nɛ mbe ebɔl shi Jerusalɛm to ŋ gbri m ba fanɛ bɔrɛ ka ponte na nɛ kasawule nɛ awɔlpa kikɛ gbuŋgbuŋ to. Ebɔrɛ beeŋ baa du fanɛ kebeegboŋ a kuŋ mbe basa Israɛlebi na bre.”

Aizaaya 42:13

Enyɛnpe Ebɔrɛ na bee lar nna n ya kaa kɔ fanɛ enapo na; e bela ase nna nseŋ wora shiriya a jo kena. E beeŋ boŋ to awɔrso ŋ kaŋɛ kena be asheŋ, e beeŋ kɔ m pɔɔ mo doŋana so.

Aizaaya 16:9

Naniere kananɛ mee shu anishichubi a sa Sibma be afeelebi na nɛ mee shu a sa Jaza gba peya. Ma anishichubi wurge nna ŋkpal shɛŋ ka maŋ naa wɔtɔ nɛ Hɛshbɔn nɛ Eliale be ndeana to ebi e teŋi nɛ bumo be ŋgbene fuli bumo so.

Kelaraŋŋini 19:15

Ndoŋ nna nɛ tokobi jiso ko mo nɛ e beeŋ ta ŋ ŋe efuliana so ebi n nase lar mbe kɔnɔ to. E beeŋ ta kagbene kpakpaso n ji kuwura bumo so. Mo gbagba e naaŋ nyaŋ asɔ nɛ a wɔ Enyɛnpetale Ebɔrɛ be agbo be kusɔ nyaŋasɔrso na to.

Zakareya 2:13

Ekama e wora shruum ashi Enyɛnpe Ebɔrɛ na be anishito, ŋkpal manɛ so, e koso kakpa cheembi nɛ e wɔ na nna a ba.

Eemɔs 3:8

Buluŋ baa ponte to, wanɛ nɛ kufu maaŋ pɛ? Enyɛnpetale na baŋ lara esa fanɛ e yili mbe katelamu to m malga wanɛ e la amodoŋwura nɛ e tiŋ ŋ kini?

Hoziya 5:14

Meeŋ kɔ Israɛlebi nɛ Juda be basa fanɛ kananɛ buluŋ bee kɔ na. Ŋ gbagba e naŋ kpɛa bumo to n lɛ. M baa gbeye bumo a yɔ, esa kama maaŋ tiŋ n sɔ bumo.

Jɛremaya 48:33

Kagbenefuli nɛ kagbenewushi maŋ naa wɔ basa to ashi Mowab be adɔsawule nɛ ndibisɔrso be adɔana so ŋkpal b ka maŋ naa nya adɔjibi nɛ greeps, a wora yabra so.

Jɛremaya 17:12

Anyi be bɔrɛlambu du fanɛ kemaŋkura be kuwurputi nɛ k yil kebee jeŋgreŋ so sososo na kikɛ nna.

Nshɛ 132:14

E yɛ: “Kakpa nɛ meeŋ baa wɔ mbaanaayɔ nde; kakpa nɛ meeŋ chena a ji kuwura nna na.

Nshɛ 78:65

Kumo be kaman nɛ Enyɛnpe Ebɔrɛ na kpa niŋi to fanɛ esa ka tiŋi edi to, ŋko enapo ka diewu ŋ koso na.

Nshɛ 58:5

nɛ e kini kenu esa nɛ e kɔ awɔ be kudur be ebɔl nna.

Nshɛ 11:4

Enyɛnpe Ebɔrɛ na wɔ mbe bɔrɛlambu cheembi na to. E tase mbe kuwurputi so ashi ebɔrɛso nna a keni basa kaplɛkama. E bee wu kusɔ nɛ ekama bee wora.

2 Kronikɛls 30:27

Bɔrɛmatapoana na nɛ Livaiebi na daŋ kule Enyɛnpe Ebɔrɛ be nɛfa nna n sa basa na, nɛ Enyɛnpe Ebɔrɛ na shi esoso n nu bumo be kekule.

1 Bewura 9:3

ŋ kaŋɛ mo le: “N nu fo kabɔrɛkule nseŋ shuli fanɛ bɔrɛlambu ere to nɛ baaŋ baa bunyaŋ ma mbaanaayɔ. Ma alɛ beeŋ baa kuŋ kumo saŋkikɛ.

Ditɛronɔmi 26:15

Amoso yili fo kakpa cheembi ashi ebɔrɛso n nɛfa fo basa Israɛlebi nɛ kasawule lela nɛ k kɔ eleŋ a wora adɔjibi nɛ fo ta n sa anyi na gba, fanɛ kananɛ fo nase kumo be kɔnɔ n sa an nanaana na.”

2 Samuɛl 15:25

Ndoŋ nna nɛ ewura na kaŋɛ Zadɔk le: “Men bɛta ŋkre be deka na n yɔ Jerusalɛm be kade to. Nɛ Ebɔrɛ shuli, e beeŋ shin nɛ m bɛta m ba wu kakpa nɛ k wɔ kachako.

Nshɛ 46:6

Nɛ efuli pɔtɛana bee baga to, nɛ kuwurjiana bee tɔr, nɛ Ebɔrɛ ponte nɛ kasawule ŋalga gba,

Aizaaya 33:3

Enyɛnpe Ebɔrɛ, nɛ fo baa kɔ a sa anyi, efuli pɔtɛana be basa beeŋ nu kena be asheŋ nseŋ shile.

Jɛremaya 25:38

Enyɛnpe Ebɔrɛ na kini mbe basa n lɛ nseŋ kplaŋ bumo so fanɛ kananɛ buluŋ bee kini kebeelaŋ nɛ k bee di to a lɛ nsaa shile a ka kumo na. Kufugboŋ nɛ k bee tɔr basa so ŋkpal kena so na nɛ Enyɛnpe Ebɔrɛ na be agbo nɛ k bee suse fanɛ edɛ na e shin nɛ efuli na ki fanɛ keshishɛrsawule a dese.

Hoziya 11:10

Ma basa baŋ nu ŋ ka ponte bumo doŋana so fanɛ buluŋ na, baaŋ shi epeŋitɔrkpa be kaba so n chicha kufuso m ba ŋ kutɔ.