Jɛremaya 25:16 - EBƆRƐ BE KAWƆL

¹⁶ B kaŋ nuu kumo to be asɔ n loge, baaŋ boo nsaa wora asheŋ fanɛ bumo be amu ka kilgi na, ŋkpal kena nɛ meeŋ nya agbo n shin nɛ k ku bumo to na so.”

Jɛremaya 25:16 Iomraidhean Croise

Jɛremaya 13:12

Ade kikɛ be kaman nɛ Enyɛnpe Ebɔrɛ na naŋ kaŋɛ ma le: “Jɛremaya, kaŋɛ Israɛl be basa na fanɛ b shin nɛ bumo be beche e wora yabra m bɔlɔ yabra be kapuya kikɛ so. Bumo alɛ beeŋ kaŋɛ fo fanɛ bumo alɛ gba nyi fanɛ a daga b wora yabra m bɔlɔ yabra be kapuya kikɛ so.

Jɛremaya 13:14

Kumo be kaman nɛ n ta bumo ŋ ŋmɛa abar fanɛ mpuya nɛ b bure. M maaŋ wu basakpar ŋko mbifɔlbi kikɛ kuwɔr. Bumo kikɛ beeŋ wu m mur. Ma, Enyɛnpe Ebɔrɛ e kaŋɛ na.”

Jɛremaya 25:27

Ade kikɛ be kaman nɛ Enyɛnpe Ebɔrɛ na kaŋɛ ma le: “Kaŋɛ basa na fanɛ ma, Enyɛnpetale, Israɛl be Ebɔrɛ na bee kaŋɛ bumo kenishipereso nna fanɛ b nuu kawiebi na to be asɔ nuuso na m boo a kwiɛ nseŋ lar n tɔr a maaŋ naŋ tiŋ ŋ koso; ŋkpal kena nɛ meeŋ shin nɛ k ku bumo to na so.

Jɛremaya 45:5

Fo ere bee fin asheŋgboŋ nna a sa fo kumu a? Yige amo be kefin. Ŋkpal manɛ so, meeŋ shin nɛ edimɛdi kikɛ e ji jɛrbi, ama kaplɛkama nɛ fo ere yɔ, feeŋ nya n shile m mɔlga fo kumu n ji efute. Ma, Enyɛnpe Ebɔrɛ e kaŋɛ na.”

Jɛremaya 48:26

Kumo be kaman nɛ Enyɛnpe Ebɔrɛ na naŋ kaŋɛ le: “Ŋkpal Mowabebi ka keni ma, Enyɛnpe Ebɔrɛ na jiga nseŋ kaŋɛ fanɛ b kɔ eleŋ a chɔ ma so, meeŋ kaŋɛ efuli pɔtɛana na be basa fanɛ b shin nɛ Mowab be basa e nuu nsa m boo nseŋ kwiɛ n dese amo to a melti; saŋɛ na so basa beeŋ mushe bumo.”

Jɛremaya 51:39

Akoŋ ka kɔ bumo ere bre, meeŋ wora kejigboŋ n sa bumo. Baaŋ ji bumo be amu nseŋ boo; kumo be kaman nɛ b dese n di, nsaa maaŋ naŋ koso kikɛ!

Jɛremaya 51:7

Babilɔn daa du fanɛ shuwa be kawiebi nɛ ma, Enyɛnpe Ebɔrɛ na be agbo daŋ bɔlɔ kumo nna, nɛ k shin nɛ durnya be efuli kikɛ so be basa nuu kawiebi na to m boo nseŋ daa wora asheŋ fanɛ b ka bee lɔ eboŋ na.

Nfabel 3:15

Ebɔrɛ shin nɛ kebaawɔtɔ ki kekera n sa ma.

Nfabel 4:21

Menyi Edɔm be efuli so, nɛ Uz be kasawule so be basa, menyi be ŋgbene fuli menyi nna nɛ menyee mushe. Menyeeŋ ji jɛrbi nseŋ ji awurfoŋ ga. Menyeeŋ nite kesaria a jante fanɛ men ka boo nsa na.

Obadaya 1:16

Ma basa nɛ b tase ma kebee cheembi so ashi Jerusalɛm na ka nya kasogberge ere bre meeŋ gberge efuli pɔtɛana kikɛ gba kusoe a chɔ loŋ. Baaŋ nya kasoegberge a chɔ Jerusalɛm peya na, hale nɛ k yɛr bumo kemur to cheche.

Nahum 3:11

Ninɛve, fo alɛ gba beeŋ nuu nsa m boo m baŋ so nseŋ shile fo doŋana so n ya ŋana m mɔlga fo kumu.

Kelaraŋŋini 14:10

amodoŋwura beeŋ nuu Ebɔrɛ be agboso be nsa nɛ b maŋ ta shɛŋ n cha amo to na nseŋ duga amo n wɔtɔ Ebɔrɛ be agbo be kawiebi to na gba. Baaŋ ta edɛ nɛ jɛrbi n wɔtɔ mo ebesa to, emalaika cheembiana na nɛ Kpakpafɔlbi na be anishito.

Kelaraŋŋini 14:8

Kede be kaman nɛ n naŋ wu malaika nyɔsopo ka ta m bɛ ejuŋkparso na so a kaŋɛ le: “E tɔr, Babilɔn be kade lempo na tɔr. E shin nɛ efuli kikɛ so ebi nuu mbe kesakalealubisheŋ be nsa na.”

Kelaraŋŋini 18:3

Ŋkpal manɛ so, efuli kama so ebi nuu mbe kesakalealubisheŋ be nsa na. Kasawule ere so be bewurgboŋ tu mo n ji kesakalea nɛ durnya to be yawujipoana na malɛ bɔla mbe dama be kebaawɔtɔ to n dii dama.”