Jɛremaya 25:10 - EBƆRƐ BE KAWƆL

¹⁰ Ma alɛ beeŋ shin nɛ kejafɔ to be kejigboŋ nɛ kagbenefuliso be awɔr nɛ baa wora ashi kasawule na so kikɛ e fo ekar. Esa kama maŋ naŋ nya ayu ŋ kɔr n wora ajibi n ji ŋko n nya ŋku n wɔtɔ fitila to n chɔɔso kanyɛso.

Jɛremaya 25:10 Iomraidhean Croise

Ɛsta 3:13

Mbɔ nɛ b kɔ eleŋ a shile ga na, nɛ b ta nwɔl na n shuŋi fanɛ b chige efuli na so kikɛ. Kusɔ nɛ kawɔl na bee kaŋɛ e la fanɛ b mɔ Juwebi na kikɛ kufɔl kuduanyɔsopo nɛ baa tre Ada na be kachɛ kuduasasopo na to. Kawɔl na bee ŋini fanɛ b mɔ mbia nɛ benimu nɛ beche nɛ mbiwurbi kikɛ kumo be kamɔnchɛ na nseŋ muu bumo be asɔ nɛ b kɔ kikɛ.

Ɛsta 7:4

B fa ma nɛ ma basa kikɛ fanɛ b mɔ anyi nna. K daa la fanɛ baa fa anyi nna fanɛ anya gba, ndafanɛ maaŋ bugi kɔnɔ ŋ kaŋɛ fo shɛŋ, ama baa kre kemɔ anyi kikɛ nna!”

Ɛsta 8:11

Kusɔ nɛ nwɔl na kaŋɛ e la fanɛ ewura sa Juwebi ekpa fanɛ b kreto nɛnɛ ŋ kɔ m mɔlga bumo amu. E yɛ nɛ benapo ko koso nɛ b ba kɔ Juwebi be benyɛn ŋko beche ŋko mbia, Juwebi na kɔ ekpa nɛ b tu loŋ be bedoŋ na ŋ kɔ m mɔ bumo be kikɛ nseŋ ta bumo asɔ kikɛ ŋ ki bumo peya.

Aizaaya 47:2

Men fara a shuŋ kushuŋ nɛ men maŋ naŋ shuŋ ŋ ku so nseŋ ta kuboo a kɔr ayu! Men deŋi men be eshata na n nase nseŋ gbaŋ menyi be asɔbuuso lela na n lɛ! Nɛ menyee sha kenite nchu to n dii kabombi, men koli ewajɛ nɛ men dela na nɛ men be abembi e dese, pɔɛŋ nɛ men nya n nite nchu na to n choŋ.

Jɛremaya 16:9

Kaŋ kusoe n nu kusɔ nɛ ma, Enyɛnpetale, Israɛl be Ebɔrɛ na kɔ nɛ ŋ kaŋɛ nseŋ kpele Juda be basa kusoe fanɛ meeŋ shin nɛ kagbenewushi nɛ kagbenefuli be nshɛ nɛ kejafɔ to be awɔr nɛ baa kaa chɛ na e fo ekar.

Jɛremaya 48:33

Kagbenefuli nɛ kagbenewushi maŋ naa wɔ basa to ashi Mowab be adɔsawule nɛ ndibisɔrso be adɔana so ŋkpal b ka maŋ naa nya adɔjibi nɛ greeps, a wora yabra so.

Jɛremaya 7:34

Kasawule na beeŋ ki keshishɛrsawule. Meeŋ shin nɛ kagbenefuliso awɔr nɛ basa beeŋ baa wora na nɛ kejafɔ to be kayurji kikɛ e fo ekar ashi Juda be efuli so nɛ Jerusalɛm be agbembi so.”

Nfabel 5:15

Kagbenefuli maŋ naa wɔ anyi to kikɛ; anyi be epelana ki fanɛ nli nna nɛ anyee shu.

Ezikɛl 26:13

Nɛ n shin nɛ nshɛ nɛ menyee boŋ a cha awɔr na e ku nɛ esa maaŋ naŋ nu menyi be ejaŋjilaŋ be kushu kikɛ.

Hoziya 2:11

Meeŋ shin nɛ mbe kamooji na kikɛ e ba ekar, mbe kafɛ kafɛ nɛ kufɔl kufɔl nɛ kewushiachɛ kikɛ be kamooji na beeŋ ba ekar.