Jɛremaya 24:7 - EBƆRƐ BE KAWƆL

⁷ Meeŋ naŋ sa bumo ŋgbene nɛ e beeŋ baa sha kebaanyi ma, Enyɛnpe Ebɔrɛ na. Kumo be kaman nɛ b pin fanɛ b la ma basa nna nɛ ma alɛ la bumo be Ebɔrɛ. Ŋkpal manɛ so, baaŋ laŋɛ bumo be ŋgbene kikɛ m bɛ ma so.

Jɛremaya 24:7 Iomraidhean Croise

2 Kronikɛls 6:38

Nɛ fanɛ b chɛrga bumo be nfɛra kashenteŋto nna ashi efuli na so bre nseŋ kilgi bumo be anishito n shoŋi kasawule nɛ fo ta n sa an nananyɛnana na nɛ kade nɛ fo lara ere nɛ bɔrɛlambu nɛ m pɔr n sa fo ere nseŋ kule fo,

Nshɛ 119:2

Kagbenefuli la bekama nɛ baa bɛ mbe atande so, nsaa wora mo kasonu ashi bumo be ŋgbene to na peya nna.

Aizaaya 51:16

Ma e ŋini menyi kamalga nseŋ ta ma enɔana a kuŋ menyi. Ma nɛ n to esoso nɛ kasawule na e kaŋɛ basa nɛ b wɔ Jerusalɛm to fanɛ b la ma basa nna!”

Jɛremaya 11:4

K la kɔnɔkoŋwule be ŋkre nɛ ma nɛ bumo nanaana wora nna jemanɛ nɛ n daŋ lara bumo ashi Ijipt be efuli so nɛ k daa du fanɛ edɛ wuloŋwuloŋ n sa bumo nɛ b daŋ ji awurfoŋ ga kumo to na nna. N daŋ yili kumo nna n sa bumo fanɛ b baa wora asheŋ nɛ ŋ kaŋɛ kenishipereso na, saŋɛ na so, baaŋ baa la ma basa nɛ ma alɛ e baa la bumo be Ebɔrɛ.

Jɛremaya 29:10

Kede be kaman nɛ Enyɛnpe Ebɔrɛ naŋ kaŋɛ le: “Babilɔn be efuli na kaŋ ji eleŋ nfɛ adushunu be kaman, meeŋ wu menyi kuwɔr nseŋ bɛta menyi m ba epe ashi Juda be efuli so nɛ ma kɔnɔ naseso na e bɔlɔ so.

Jɛremaya 3:10

Ade kikɛ be kaman, Juda nɛ k la fanɛ Israɛl mo niopibi na, wora fanɛ e ka bee bɛta a ba ma kutɔ, ama k daŋ maŋ la kenishipere be kusɔ n sa mo.”

Jɛremaya 7:23

N daŋ kaŋɛ bumo nna fanɛ b baa wora ma kasonu, saŋɛ na so meeŋ baa la bumo be Ebɔrɛ nɛ bumo alɛ e baa la ma basa. N daŋ kaŋɛ bumo nna fanɛ b baa wɔ kebaawɔtɔ nɛ n yili n sa bumo na to, saŋɛ na so asheŋ beeŋ baa nite nɛnɛ a sa bumo.

Ezikɛl 11:17

Kumo be kaman nɛ fo kaŋɛ bumo fanɛ kusɔ nɛ ma Enyɛnpe Ebɔrɛ na kaŋɛ e la fanɛ meeŋ naŋ gama bumo abar so ashi efuli pɔtɛana na so nseŋ bɛta Israɛl be efuli na n naŋ sa bumo nɛ b chena so.

Ezikɛl 14:11

Meeŋ wora loŋ, saŋɛ na so, Israɛl be basa na maaŋ kini ma nseŋ ta bumo be amu n ya wɔtɔ asheŋ lubiana to. Baaŋ baa la ma basa, nɛ ma alɛ e baa la bumo be Ebɔrɛ.” Ma, Enyɛnpetale Ebɔrɛ e kaŋɛ na.

Ezikɛl 16:62

To, ma nɛ fo beeŋ naŋ wora kɔnɔkoŋwule be ŋkre nɛ fo pin fanɛ ma e la Enyɛnpe na.

Ezikɛl 37:23

Bumo alɛ maaŋ naŋ bɔla kagbirshuŋ so n jija bumo be amu ŋko n wora alubi ŋ gbiti bumo be amu. Ma alɛ beeŋ sɔ bumo n yige ashi ekpa kama so nɛ baa bɔla so a wora alubi a debɔr ma na, nseŋ fɔr bumo so, nɛ b baa la ma basa, nɛ ma alɛ e baa la bumo be Ebɔrɛ.

Ezikɛl 37:27

Ma nɛ bumo e naa baa wɔ ndoŋ, nɛ m baa la bumo be Ebɔrɛ nɛ bumo alɛ e baa la ma basa.

Ezikɛl 39:22

Yili loŋ be kachɛ na a yɔ Israɛlebi na beeŋ pin fanɛ ma, Enyɛnpe Ebɔrɛ na e la bumo be Ebɔrɛ.

Hoziya 2:22

Nɛ aboyu nɛ asɔrso nɛ baa tre greep na nɛ ɔlif kikɛ e wora ashi Jizreel be ketaŋɛ na to.

Zakareya 13:9

Katuŋ koŋwule nɛ b ka na gba, meeŋ wora bumo ŋ keni nseŋ lɔŋɛ bumo so fanɛ kananɛ baa ta shuwa ŋko gbiti a wɔtɔ edɛ to a lɔŋɛ amo so na. Kumo be kaman pɔɛŋ nɛ baaŋ kule ma nɛ n nu n sa bumo nseŋ kaŋɛ bumo fanɛ b la ma basa nna, nɛ bumo alɛ e bugi to ŋ kaŋɛ fanɛ ma, Enyɛnpe Ebɔrɛ na, e la bumo be Ebɔrɛ.”

Zakareya 8:8

nseŋ bɛta bumo m ba chena Jerusalɛm to. Baaŋ ba kaa la ma basa nɛ ma alɛ e baa la bumo be Ebɔrɛ nsaa ji kuwura bumo so kashenteŋ nɛ kumo be ekpa so.”

Romebi 6:17

Ama anyee chɔrɔ Ebɔrɛ ga, ŋkpal manɛ so, saŋko men daa la alubi be anya nna, ama naniere, men ta menyi be ŋgbene kikɛ m bɛ kashenteŋ be keŋiniana nɛ men nya na kikɛ so.

Hibruwebi 11:16

Ama kashenteŋto, efuli mo nɛ k bɔ ade kikɛ ere nɛ b daa fin. Kumo e la fanɛ ebɔrɛso be efuli na. Amoso nɛ ketre Ebɔrɛ bumo be Ebɔrɛ na maa keta Ebɔrɛ anishinyɔr na, ŋkpal manɛ so, mo e pɔr kadegboŋ na n yili bumo.

Hibruwebi 8:10

Ma, Enyɛnpe na naŋ kaŋɛ: Amo be saŋɛ na be kaman le be kɔnɔ naseso ere nɛ meeŋ nase n sa Israɛlebi fanɛ: Meeŋ ta ma mbraana n wɔtɔ bumo be nfɛraana to nseŋ sibɛ amo n deŋi bumo be ŋgbeneana so. Meeŋ baa la bumo be Ebɔrɛ nɛ bumo alɛ e baa la ma basa.

1 Samuɛl 7:3

Ndoŋ nna nɛ Samuɛl kaŋɛ Israɛlebi na le: “Nɛ men bɛta a ba Enyɛnpe Ebɔrɛ kutɔ bre, kumo ere a daga men ka yige efuli pɔtɛana so be agbir nɛ kegbirche Ashtɔrɛf be kebaashuŋ, nseŋ ta men be ŋgbene kikɛ n sa Enyɛnpe Ebɔrɛ, nsaa bunyaŋ mo nawule. Saŋɛ na so e beeŋ mɔlga menyi ashi Filistiebi na be enɔ to.”