Jɛremaya 24:5 - EBƆRƐ BE KAWƆL

⁵ “Ma, Enyɛnpe Israɛl be Ebɔrɛ na bee wu basa nɛ b pɛ n yɔ Babilɔn be efuli so na fanɛ figidibi be asɔrso lela nna.

Jɛremaya 24:5 Iomraidhean Croise

Nshɛ 119:67

N daŋ wora n da so nna nɛ fo gberge ma kusoe, ama naniere bre n wora fo kamalga kasonu nna na.

Nshɛ 119:71

Kasogberge nɛ n daŋ nya na daŋ chɛ ma to; k daŋ chɛ ma to nɛ ŋ koya fo mbraana.

Jɛremaya 24:4

Ndoŋ nna nɛ Enyɛnpe Ebɔrɛ na kaŋɛ ma le:

Jɛremaya 29:11

N nawule e nyi ŋkre nɛ ŋ kɔ a sa menyi. K la ŋkre nɛ k beeŋ shin nɛ asheŋ e nyalɛ nsaa nite nɛnɛ a sa menyi nna, mannɛ ŋkre nɛ k beeŋ shin nɛ men ji jɛrbi. K la ŋkre nɛ k beeŋ sa menyi echefoso be kebaawɔtɔ lela nɛ menyee tama na nna.

Jɛremaya 29:20

Menyi kikɛ nɛ n shin nɛ b pɛ n yɔ Babilɔn be efuli so n ya ki anya na e nu kusɔ nɛ ma, Enyɛnpe Ebɔrɛ na kaŋɛ.

Jɛremaya 29:4

“Kusɔ nɛ Enyɛnpetale, Israɛl be Ebɔrɛ na bee kaŋɛ basa nɛ e sa ekpa nɛ ewura Nebukadneeza pɛ bumo anya n shi Jerusalɛm n yɔ Babilɔn be efuli so na kikɛ nde:

Ezikɛl 11:17

Kumo be kaman nɛ fo kaŋɛ bumo fanɛ kusɔ nɛ ma Enyɛnpe Ebɔrɛ na kaŋɛ e la fanɛ meeŋ naŋ gama bumo abar so ashi efuli pɔtɛana na so nseŋ bɛta Israɛl be efuli na n naŋ sa bumo nɛ b chena so.

Ezikɛl 11:20

Ndoŋ nɛ baaŋ bɛ ma mbraana so nsaa wora asɔ nɛ mee ŋini bumo na. Baaŋ baa la ma basa nɛ ma alɛ e baa la bumo be Ebɔrɛ.

Levitikɔs 26:44

Asheŋ nɛ b wora ere kikɛ be kaman, m maa ba nɛ m ba kplaŋ bumo so ŋko m mur bumo kuraa jemanɛ nɛ b wɔ bumo doŋana be efuli so na. Nɛ n wora loŋ k beeŋ shin nɛ ma nɛ bumo be kɔnɔkoŋwule be ŋkre na e ba ekar. Ma e la Enyɛnpe bumo be Ebɔrɛ na.

Nahum 1:7

Enyɛnpe Ebɔrɛ na walɛ; mo e naa kuŋ mbe basa tɔrɔ to, nsaa keni bekama nɛ b yirda mo so.

Zakareya 13:9

Katuŋ koŋwule nɛ b ka na gba, meeŋ wora bumo ŋ keni nseŋ lɔŋɛ bumo so fanɛ kananɛ baa ta shuwa ŋko gbiti a wɔtɔ edɛ to a lɔŋɛ amo so na. Kumo be kaman pɔɛŋ nɛ baaŋ kule ma nɛ n nu n sa bumo nseŋ kaŋɛ bumo fanɛ b la ma basa nna, nɛ bumo alɛ e bugi to ŋ kaŋɛ fanɛ ma, Enyɛnpe Ebɔrɛ na, e la bumo be Ebɔrɛ.”

Matiu 25:12

Nɛ mo alɛ kaŋɛ: ‘Ma e kaŋɛ menyi kashenteŋto na fanɛ m maŋ nyi menyi.’

Baru lela nɛ Jɔn kute na 10:27

Ma mbolpɔ bee nu ma ebɔl nɛ n nyi bumo nɛ baa bɛ ma so.

Romebi 8:28

Anyi alɛ nyi fanɛ asɔ kikɛ to, Ebɔrɛ bee wora asheŋ nna nɛ a bee ba abar so m ba kaa ki asɔ lela a sa mbe beshapo nɛ e tre m ba mo kutɔ fanɛ b ba kaa wora mbe aparsheŋ na.

1 Kɔrintebi 8:3

Ama ekama nɛ e bee sha Ebɔrɛ, kumo ere Ebɔrɛ nyi amodoŋwura.

Galeeshaebi 4:9

Ama naniere bre men ba pin Ebɔrɛ. Kusɔ nɛ mee sha nɛ ŋ kaŋɛ e la fanɛ Ebɔrɛ e ba pin menyi de. Nɛ nuso nɛ a ji nɛ men naa bɛta a ta men be amu a sa le be durnya ere to be sososo be asɔ ŋiniso pɔso nɛ amo be asheŋ kɔ kuwɔr ere? Menyee sha fanɛ men naŋ bɛta ŋ ki amo be anya nna a?

Ditɛronɔmi 8:16

Mo koŋwule na e sa menyi ajibi nɛ baa tre ‘manna’ na ashi keshishɛrsawule na so nɛ men ji. Ajibi nɛ men nananyɛnana maŋ naŋ ji ŋ ku so na nɛ e sa menyi. Enyɛnpe Ebɔrɛ daŋ shin nna nɛ etɔrɔbi ba menyi so nɛ e wora menyi ŋ keni nɛ men yirda mo, saŋɛ na so, e beeŋ nɛfa menyi nɛ asɔ lela.

2 Timoti 2:19

Ama kusɔ nɛ Ebɔrɛ tɔl n yili maŋ kɔ kegbuŋgbuŋ kikɛ. Kasibɛ nɛ a deŋ kumo so malɛ nde: “Enyɛnpe na nyi basa nɛ b la mo peya.” Kusɔ nɛ k naŋ ti so e la: “Esa kama nɛ e kaŋɛ fanɛ e la Enyɛnpe peya, e lar alubi be kewora to.”

Kelaraŋŋini 3:19

Ma ere, basa nɛ mee sha nɛ mee fiɛ so nsaa ŋini bumo ekpa, amoso, men yeŋi so n lar men be alubi to.