Jɛremaya 24:2 - EBƆRƐ BE KAWƆL

² Sososo be kelantaŋɛ na daa kɔ asɔrso lela nɛ e daŋ pere manaŋ nna nɛ kenyɔsopo na malɛ daa kɔ asɔrso lubi nɛ e maŋ daga keji nna.

Jɛremaya 24:2 Iomraidhean Croise

Aizaaya 5:4

Kusɔ ko daga fanɛ n wora kudɔ na to nɛ m maŋ wora kumo a? Nɛ manɛ e ba nɛ ndibi na bee sɔr asɔrso nyaŋnyaŋso? Mannɛ asɔrso lela nɛ mee sha a?

Aizaaya 5:7

Israɛl e la Enyɛnpetale Ebɔrɛ na be ndibi sɔrso be kudɔ na; Juda be efuli so be basa malɛ e la afeelebi nɛ e daŋ duu na. E daa sha fanɛ b wora kusɔ nɛ k walɛ nna, ama b daŋ mɔ basa nna. Mo alɛ daa sha fanɛ b baa wora kusɔ nɛ k daga nna, ama bumo be basa daa shu a fin esa nɛ e beeŋ wu bumo kuwɔr nna.

Jɛremaya 29:17

E yɛ: “Meeŋ shin nɛ kena nɛ akoŋgboŋ nɛ alɔ e ba bumo so nseŋ shin nɛ b ki fanɛ figidibi be asɔrso bɛso nɛ a maŋ daga keji.

Hoziya 9:10

Enyɛnpe Ebɔrɛ yɛ: “Saŋɛ nɛ n fara n wu Israɛlebi na, b daa du nna fanɛ esa ka ya wu asɔrso nɛ baa tre greep ashi keshishɛrsawule so na. Saŋɛ nɛ n wu men nananyɛnana na, b daa du nna fanɛ esa ka wu figi be kedibi ka fara a futi na. Ama b ka ba kebeegboŋ nɛ baa tre Piyɔɔ na ase m ba ta bumo be kumu n sa kegbir nɛ baa tre Baal na, nɛ n fara ŋ kishi bumo alegaiso fanɛ kananɛ ŋ kishi kegbir na gbagba na.

Maika 7:1

Asheŋ malɛ tu ma bre! N du fanɛ esa nɛ akoŋ kɔ nɛ mo alɛ maŋ nya kusɔrso kama kedibisɔrso ŋko kefeelebi so nɛ e chuge n ji nna. B chuge afeelebi be asɔrso nɛ baa tre greeps na nɛ figidibi be asɔrso na kikɛ nyam.

Nahum 3:12

Fo mboŋ lempo nɛ a bee kuŋ fo kikɛ beeŋ ki fanɛ figi be ndibi nɛ a kɔ asɔrso nɛ a bel m pere. B baŋ gbaŋgbaŋ ndibi na asɔrso na bee tɔr kɔnɔ kama nɛ k bugi a yil to nna.

Nɔmbɛs 18:13

Amo kikɛ la menyeya nna nɛ men be laŋ to be esa kama nɛ e walɛ so daŋkare be ekpa so beeŋ tiŋ n ji amo.

Matiu 5:13

Men du fanɛ nfɔl nna durnya ere to. Ama nɛ fanɛ nfɔl malɛ be ebel baŋ lar amo to, nuso nɛ baaŋ naŋ tiŋ n wora amo ebel? Loŋ be nfɔl na maŋ naŋ daga shɛŋ she keta n lɛ nɛ basa e chichi amo so.