Jɛremaya 24:1 - EBƆRƐ BE KAWƆL

¹ Babilɔn be ewura Nebukadneeza ka pɛ Juda be ewura, Jehowachin nɛ e la ewura Jehowakim pibinyɛn, nɛ Juda be efuli so be benimuana nɛ basa nɛ b nyi enɔ to be ashuŋ nɛ bumo nɛ baa lɔŋɛ asɔ kikɛ n yɔ Babilɔn be efuli so kufɔ kufɔ na be kaman nɛ Enyɛnpe Ebɔrɛ na shin nɛ ŋ ku bɔrɛdare n wu nlantaŋɛ anyɔ nɛ figidibi be asɔrso wɔ amo to a yil Enyɛnpe Ebɔrɛ na be bɔrɛlambu na be anishito.

Jɛremaya 24:1 Iomraidhean Croise

2 Bewura 24:10

Jehowachin be kuwurji be jemanɛ so nɛ ewura Nebukadneeza nɛ mbe benapo ya kɔ Jerusalɛm kena.

2 Kronikɛls 36:10

Dɔchubɔrɛ be jemanɛ ka fo nɛ ewura Nebukadneeza pɛ Jehowachin nseŋ ta bɔrɛlambu na to be asɔ lela n ti mo so n yɔ Babilɔn nseŋ ta Jehowachin mo wɔpa Zɛdikaya ŋ ki Jerusalɛm be ewura.

Aizaaya 13:1

Kubɔya nɛ Aizaaya nɛ e la Amɔz pibinyɛn na nya ashi Ebɔrɛ kutɔ a laŋɛ Babilɔn be kadegboŋ be kaplɛa so na nde.

Jɛremaya 13:19

Bedoŋ teŋ ba kulti ndeana nɛ e wɔ Juda be kelargato be kaseto be kaba so be keshishɛrsawule so nna n wɔtɔ nɛ esa kikɛ maaŋ naŋ tiŋ n luri ŋko n lar amo to. B teŋ pɛ Juda be basa kikɛ fanɛ anya n yɔ efuli pɔtɛana nɛ e wɔ kufɔ kufɔ so.”

Jɛremaya 28:4

Ma alɛ beeŋ naŋ bɛta Juda be ewura Jehowachin nɛ e sɔ mo tuto ewura Jehowakim so na nɛ Juda be basa nɛ b pɛ n yɔ Babilɔn be efuli so na kikɛ m ba. Kashenteŋto, meeŋ jija Babilɔn be ewura be eleŋgboŋ nɛ e kɔ na. Ma, Enyɛnpe Ebɔrɛ na e kaŋɛ.”

Jɛremaya 29:1

N daŋ sibɛ kawɔl n sa bɔrɛmatapoana nɛ anebiana nɛ bejuŋkparpoana nɛ basa kama nɛ ewura Nebukadneeza daŋ pɛ n shi Jerusalɛm n yɔ Babilɔn be efuli so na kikɛ nna.

Jɛremaya 29:2

B ka pɛ ewura Jehowachin nɛ mo nio nɛ ewurkpa be ekrachiana nɛ Jerusalɛm to nɛ Juda be efuli so be benimuana nɛ basa nɛ b nyi enɔ to be ashuŋ kikɛ n yɔ kenyaya to na be kaman, nɛ n sibɛ kawɔl na.

Jɛremaya 37:1

Babilɔn be ewura Nebukadneeza daŋ lara ewura Jehowakim pibinyɛn Jehowachin kuwura to nna nseŋ buu ewura Josaya pibinyɛn, Zɛdikaya Juda be efuli so be kuwura.

Ezikɛl 17:4

Nseŋ ta keyabi na n yɔ eyawujipo be kasawule so n ya fɛa bumo kadegboŋ to.

Ezikɛl 19:9

Kumo be kaman nɛ b ta kumo n wɔtɔ katurgegboŋ to nseŋ ta kumo n yɔ Babilɔn be ewura kutɔ. N ya ta mo n ti ebu nɛ ekama maŋ naŋ nu mbe kaponte ashi Israɛl be abee so kikɛ.

Eemɔs 3:7

Kashenteŋto, Enyɛnpetale maa kre kusɔ ko be kewora nɛ e maŋ lara kumo ŋ ŋini mbe nyɛrbi nɛ b la anebiana na.

Eemɔs 7:1

Enyɛnpetale e daŋ lara bɔrɛdare ere ŋ ŋini ma nseŋ kaŋɛ fanɛ e beeŋ shin nɛ elotɔr damta e ba ji menyi be adɔjibi. E yɛ saŋɛ nɛ menyee ta menyi be ayu be kachige n sa ewura na nɛ saŋɛ nɛ baa shin nɛ b teŋi ayu nɛ a ka na nɛ loŋ a wora.

Eemɔs 7:4

Bɔrɛdare ere to Enyɛnpetale daŋ kaŋɛ nna fanɛ mbe demuji beeŋ ba mbe basa so, nɛ edɛ e ba chɔɔ kusɔ kama ashi kasawule ere so n ta tekugboŋ na gba n tiso.

Eemɔs 7:7

Ade be kaman nɛ Enyɛnpe Ebɔrɛ lara mo gbagba be kumu ŋ ŋini ma bɔrɛdare to. E daa yil m mata egbal nna nseŋ keta efɔl nɛ kusɔ gbɛgbɛsobi ko chɛ kumo be kɔnɔ a chul. Loŋ be efɔl na nɛ bepɔrpo bee ta asɔ kargaso a keni egbal be keniŋi.

Zakareya 1:20

Kumo be kaman nɛ Enyɛnpe Ebɔrɛ na ŋini ma ebɔyɛpo ana ko.

Zakareya 3:1

Nɛ n naŋ ku bɔrɛdare n wu bɔrɛmatapo nimuso Joshuwa nɛ e yil Enyɛnpe Ebɔrɛ na be malaika kutɔ nɛ Setani malɛ yil Joshuwa be jisoso m mata mo e shin nɛ e ku asheŋ n deŋi mo.