Jɛremaya 23:9 - EBƆRƐ BE KAWƆL

⁹ M baa fɛ kusɔ nɛ anebiana na be asheŋ, k bee chinchiŋ ma nna nsaa shin nɛ mee chicha fanɛ esa nɛ e nuu nsa m boo m baŋ so; ŋkpal Enyɛnpe Ebɔrɛ nɛ mbe mmalga cheembi na so.

Jɛremaya 23:9 Iomraidhean Croise

Nshɛ 60:3

Fo shin nɛ saŋɛ kpakpaso tu fo basa, nɛ afu bee ber anyi nɛ anyee lente.

Nshɛ 69:20

Ma kagbenejija ŋkpal katege so, n shin nɛ ŋ ki elɔpo katinso. N daa fɛ fanɛ baaŋ wu ma kuwɔr nna; ma alɛ maŋ nya loŋ.

Aizaaya 28:1

Asheŋ maaŋ nyalɛ n sa Israɛl be kuwurji na. Kadegboŋ nɛ baa tre Samɛria nɛ k dese ketaŋɛ nɛ k bee wora adɔjibi ga na be ekarso na wɔ asheŋ to pasaa. Kumo be bejuŋkparpoana la basa booso nsaa maŋ bumo be amu so, a sha kebaaji nsaa nuu nsa a boo ga. Baaŋ ki fanɛ atoto a wɔl m bolo nna.

Aizaaya 29:9

Asheŋ beeŋ chinchiŋ menyi anebiana na nseŋ mɔ menyi kɔnɔ! Menyeeŋ buu anishi so fanɛ etanpo a wɔtɔ! Menyeeŋ boo a jante nɛ menyi maŋ nuu nsa!

Aizaaya 51:21

Menyi Jerusalɛm to be basa nɛ menyee ji awurfoŋ nsaa nite a lente fanɛ men ka nuu nsa m boo na e nu nfe!

Aizaaya 6:5

Ndoŋ nna nɛ ŋ kaŋɛ le: “Tama maaŋ naa wɔtɔ n sa ma nna na! Asheŋ maaŋ nyalɛ n sa ma, ŋkpal manɛ so, kamalga kikɛ nɛ k beeŋ lar ma kɔnɔ to la kulubi nna. Ma alɛ nɛ basa nɛ bumo be mmalga kikɛ la alubi e wɔtɔ, ama ma alɛ wu Enyɛnpetale Ebɔrɛ na kenishiso.”

Jɛremaya 20:9

Ama nɛ ma alɛ baŋ kaŋɛ fanɛ meeŋ teŋ Enyɛnpe Ebɔrɛ na so nsaa maŋ naa yili mbe katelamu to a malga, fo kubɔya na bee ki fanɛ edɛ nna a chɔɔ ma kagbene to nɛ ma awibi to. Mee wora ania fanɛ meeŋ nyaŋ ma kumu, ama ma alɛ maa tiŋ a lo ma kɔnɔ.

Jɛremaya 36:16

E ka kraŋ kumo n loge, nɛ kufu pɛ bumo nɛ b kilgi ŋ keni abar nseŋ kaŋɛ Baruk le: ‘A daga ewura ka nu demu ere!’

Jɛremaya 5:31

Kumo e la fanɛ anebiana na kikɛ be mmalga la efɛ nna. Kusɔ nɛ b kaŋɛ malɛ nɛ bɔrɛmatapoana na kɔ a shuŋ nɛ ma basa malɛ bee sha kumo be loŋ. To, jɛrbi be jemanɛ kaŋ fo nɛ asheŋ ere kikɛ fo ekar, nnɛ nɛ menyeeŋ yɔ n ya nya kechɛto?”

Jɛremaya 8:18

Ma kagbene jija ma ga nɛ k bee wora ma fanɛ tama kikɛ maŋ naa wɔtɔ n sa ma basa.

Jɛremaya 9:1

N daa yɛlga fanɛ ma kumu beeŋ baa la ketirbu nɛ ma anishi malɛ e baa la kubuye a bul anishichubi, saŋɛ na so meeŋ baa shu kapa nɛ kanyɛ a sa ma basa nɛ b mɔ na.

Nfabel 3:15

Ebɔrɛ shin nɛ kebaawɔtɔ ki kekera n sa ma.

Ezikɛl 13:3

Kusɔ nɛ Enyɛnpetale Ebɔrɛ na bee kaŋɛ nde: “Asheŋ maaŋ nyalɛ n sa anebi fɛpoana na. B maa ku ebɔrɛdare. Bumo gbagba be abɔya nɛ baa malga!

Ezikɛl 9:4

ŋ kaŋɛ mo le: “Yɔ Jerusalɛm be kadegboŋ na to n ya dulgi bekama nɛ asheŋ bee besa nɛ bumo be ŋgbene jija bumo ŋkpal ekishisheŋ nɛ a bee wora kade na to so na be nsɔto.” Nɛ kanyɛn na lar n yɔ nɛ e ya dulgi bumo.

Ezikɛl 9:6

Men ya mɔ benyɛnnimu nɛ mbrantiɛ nɛ besuŋgurbi nɛ bechekpar nɛ mbi wurbi kikɛ ama men sa maŋ beta ekama nɛ e kɔ ndulgi mbe kasɔto na. Men fara ma bɔrɛlambu to a mɔ a yɔ.” Nɛ b ta benimuana nɛ b daa wɔ bɔrɛlambu na be anishito na n fara.

Danɛl 8:27

Kesheŋ ere daŋ baŋ shin nna nɛ ŋ gben nseŋ dese n lɔ nchɛ damta. Kumo be kaman nɛ n naŋ bɛta n yɔ kushuŋ nɛ ewura sa ma na to. Bɔrɛdare na daŋ wul ma nfɛra to nna nɛ m maŋ tiŋ m pin kumo to kikɛ.

Habakuk 3:16

Ŋ ka nu ade kikɛ be asheŋ nɛ kufu pɛ ma; hale nɛ ma kɔnɔ bee chicha. Ma eyur daŋ yuri ma nna nɛ awo dii ma nɛ n fara a fiti a fiti jijiga. Ama meeŋ ji kanyiti n jo kachɛ nɛ Ebɔrɛ beeŋ gberge efuli nɛ k bee kɔ anyi kena na kusoe.

Romebi 7:9

Ŋ gbagba daa wɔ ŋkpa to nna a maŋ nyi mbra saŋko, ama ŋ ka ba pin ntaŋ na nɛ alubi malɛ nya ŋkpa ma to