Jɛremaya 23:39 - EBƆRƐ BE KAWƆL

³⁹ meeŋ pɛ bumo ŋ kpa n lɛ kufɔ nɛ b sa maŋ naŋ taga ma to. Kusɔ nɛ meeŋ wora bumo nɛ kadegboŋ nɛ n ta n sa bumo nɛ bumo nananyɛnana nna na.

Jɛremaya 23:39 Iomraidhean Croise

Jɛnesis 4:16

Ndulgi na be kaman nɛ Keen lar Enyɛnpe Ebɔrɛ na kutɔ n ya kaa wɔ Nɔd be kasawule so. Ndoŋ daa wɔ Iden be epeŋipetekpa be kaba so nna.

Jɛnesis 6:17

Lɔŋɛ kuloŋ na, ŋkpal manɛ so, meeŋ shin nɛ bɔrɛ e ba durnya to nɛ nchu e sɔ kaplɛkama n ji kusɔ futeso kikɛ nyam. Kashenteŋto, durnya to be kusɔ kama nyam beeŋ mur.

2 Bewura 23:27

Amoso le nɛ Enyɛnpe Ebɔrɛ na daŋ kaŋɛ: “Meeŋ wora Juda gba kusɔ nɛ n wora Israɛl na. Meeŋ ju Juda be basa ashi ma anishito nseŋ kini Jerusalɛm nɛ k la ma kade na nɛ bɔrɛlambu nɛ baa bunyaŋ ma kumo to ere.”

Nshɛ 51:11

Sa maŋ ju ma ashi fo anishito. Ŋko n lara fo kiyoyu cheembi na ashi ma to.

Aŋasa 13:13

Esa nɛ e bee kini kasotoji lela bee wɔtɔ mbe kumu tɔrɔ to nna, ama emo nɛ e bee shuli a sɔ kasotoji bre bee nya kumo be tɔnɔ nna.

Aizaaya 48:15

Ma e lara mo nseŋ n tre mo; ma alɛ beeŋ juŋkpar mo n shin nɛ e kɔ m pɔɔ so.

Aizaaya 51:12

Ade be kaman, nɛ Enyɛnpe Ebɔrɛ naŋ kaŋɛ le: “Ma e naa leŋ menyi to a wushi menyi kagbene. Nɛ manɛ nna nɛ menyee ŋana edimɛdi bomin? B maa chɛr nsaa wu a mur fanɛ afitiri.

Jɛremaya 12:7

Kede be kaman nɛ Enyɛnpe Ebɔrɛ na kaŋɛ le: “Ŋ kini Israɛl be basa n lɛ nna. Ma alɛ kini efuli nɛ n lara n sa ma kumu n lɛ. Basa nɛ mee sha nɛ n ta m bɔɔ bumo doŋana enɔ.

Jɛremaya 23:33

Ade be kaman nɛ Enyɛnpe Ebɔrɛ na kaŋɛ ma le: “Jɛremaya, nɛ ma basa to be eko ŋko anebi ko ŋko bɔrɛmatapo ko kaŋ bishi fo fanɛ nuso be kubɔya nɛ Enyɛnpe Ebɔrɛ na kɔ a sa anyi, fo kaŋɛ amodoŋwura le: ‘Menyi be asheŋ bee nu agbo nseŋ lar Enyɛnpe Ebɔrɛ na ebɔl nɛ e bee shin nɛ e kini menyi n lɛ nna.’

Jɛremaya 23:38

Nɛ b kaŋ kini nseŋ kraa malga a kaŋɛ le: “Baru nɛ k shi Enyɛnpe Ebɔrɛ na kutɔ nde.” Kumo ere fo kaŋɛ bumo fanɛ

Jɛremaya 35:17

Amoso, naniere, ma Enyɛnpetale, Israɛl be Ebɔrɛ na beeŋ shin nɛ kemur nɛ n nase kumo be kɔnɔ na e ba menyi Juda nɛ Jerusalɛm be basa so. Meeŋ shin nɛ le a wora ŋkpal manɛ so, ŋ ka malga n sa menyi, menyi maŋ nu; ma alɛ ka tre menyi, menyi maŋ shuli so.”

Jɛremaya 36:31

Meeŋ gberge fo nɛ fo kaman to ebi nɛ benimuana na kusoe ŋkpal alubi nɛ men wora kikɛ so. Fo nɛ Juda nɛ Jerusalɛm be basa na be ekama maŋ wɔtɔ lakal kasokpele nɛ n sa menyi na to. Amoso asheŋ maaŋ nyalɛ n sa menyi kikɛ!”

Jɛremaya 52:3

Ewura Zɛdikaya daŋ lar Babilɔn be Ewura Nebukadneeza kaman nna nseŋ wora mo kusoe kpakpaso. Enyɛnpe Ebɔrɛ na daŋ nya agbo ga nna n wɔtɔ Juda nɛ Jerusalɛm be basa nseŋ kilgi kaman n sa bumo. Amoso nɛ e shin nɛ asheŋ lubi bee tu bumo na.

Jɛremaya 7:14

Ŋkpal loŋ so, kusɔ n wora ashi Shilo na nɛ meeŋ wora ashi bɔrɛlambu nɛ n ta n sa menyi nɛ men nananyɛnana nɛ men ta menyi be yirda n deŋi so ere gba to.

Jɛremaya 7:15

Meeŋ ju menyi n lar ma anishi to fanɛ kananɛ n daŋ ju men kurgepoana, Israɛl be nnaŋ kudu nɛ b daa wɔ kelargato be esoso be kaba so na. Ma Enyɛnpe Ebɔrɛ na e kaŋɛ.”

Nfabel 5:20

Nɛ manɛ nna nɛ fo teŋ anyi so n chɛr loŋ? Manɛ nna nɛ fo kplaŋ anyi so loŋ?

Ezikɛl 34:11

Ma, Enyɛnpetale Ebɔrɛ na e naa kaŋɛ menyi na fanɛ ŋ gbagba e naŋ fin ma mbolpɔ nsaa keni bumo so

Ezikɛl 34:20

Amoso, naniere ma Enyɛnpetale Ebɔrɛ na bee kaŋɛ menyi nna fanɛ, meeŋ keni so m barga mbolpɔ nɛ b kɔ eleŋ na ashi bumo nɛ b maŋ kɔ eleŋ na to.

Ezikɛl 5:8

Amoso, ma Enyɛnpetale Ebɔrɛ na e kaŋɛ menyi na fanɛ ŋ ki menyi, Jerusalɛm to be basa, be edoŋ nna na. Meeŋ gberge menyi kusoe nɛ efuliana na kikɛ e wu kumo.

Ezikɛl 6:3

ŋ kaŋɛ: ‘Israɛl be abee, men nu Enyɛnpetale Ebɔrɛ na be kubɔya.’ ” E yɛ: “Ŋ kɔ tokobi nna a ba abee nɛ agoŋgulombi nɛ amantaŋ nɛ ataŋɛ kikɛ so nɛ m ba mur mboŋ nɛ basa bee shuŋ agbirana na.

Ezikɛl 8:18

Ŋkpal loŋ so, meeŋ gberge bumo kusoe agbo so. M maaŋ wu bumo kuwɔr ŋko n yige bumo nɛ b ta bumo be amu n ya ji. Hale nɛ b shu n tre ma gba m maaŋ nu nseŋ chɛ bumo to.”

Ezikɛl 9:6

Men ya mɔ benyɛnnimu nɛ mbrantiɛ nɛ besuŋgurbi nɛ bechekpar nɛ mbi wurbi kikɛ ama men sa maŋ beta ekama nɛ e kɔ ndulgi mbe kasɔto na. Men fara ma bɔrɛlambu to a mɔ a yɔ.” Nɛ b ta benimuana nɛ b daa wɔ bɔrɛlambu na be anishito na n fara.

Hoziya 4:6

Ma basa bee mur nna ŋkpal b ka kini ma so. Menyi bɔrɛmatapoana gba kini ma nseŋ kini ma keŋini gba n ti so. Ŋkpal loŋ so nɛ ma alɛ gba kini menyi na. M maaŋ naŋ wu menyi be mbinyɛnsobi gba fanɛ b la bɔrɛmatapoana.

Hoziya 5:14

Meeŋ kɔ Israɛlebi nɛ Juda be basa fanɛ kananɛ buluŋ bee kɔ na. Ŋ gbagba e naŋ kpɛa bumo to n lɛ. M baa gbeye bumo a yɔ, esa kama maaŋ tiŋ n sɔ bumo.

Levitikɔs 26:28

kumo ere meeŋ nya agbo n wɔtɔ menyi nseŋ shin nɛ menyi be kasogberge e ti so ale shunu so a chɔ adra na.

Matiu 25:41

Ade be kaman nɛ ŋ kaŋɛ bumo nɛ b wɔ ma bena so na le: ‘Basa lubi ere, men shile ma so n yɔ edɛ nɛ b puga n yili Setani nɛ mbe emalaika na to. Edɛ na maa duŋ kikɛ.

Ditɛronɔmi 32:39

N nawule kpeŋ e la Ebɔrɛ. Ebɔrɛ kikɛ maŋ naa wɔtɔ n ti ma so. Ma e naa shin nɛ luwu bee ba, ma koŋwule na e naa sa ŋkpa. Ma e naa bar doro, ma alɛ e naa chɛ edoro. Esa maaŋ tiŋ ŋ kuŋ kusɔ kama nɛ mee wora akpa.

2 Tɛsalɔnikaebi 1:9

Baaŋ nya kemur be kasogberge mbaanaayɔ nɛ Ebɔrɛ e barga bumo ashi mo kutɔ nɛ mbe eleŋ be kemaŋkuragboŋ na to.