Jɛremaya 23:29 - EBƆRƐ BE KAWƆL

²⁹ Ma mmalga du fanɛ edɛgboŋ gboŋi nna nseŋ naa du fanɛ kebɛlso gbɛgbɛso nɛ k bee bure ajembu to.

Jɛremaya 23:29 Iomraidhean Croise

Jɛremaya 20:9

Ama nɛ ma alɛ baŋ kaŋɛ fanɛ meeŋ teŋ Enyɛnpe Ebɔrɛ na so nsaa maŋ naa yili mbe katelamu to a malga, fo kubɔya na bee ki fanɛ edɛ nna a chɔɔ ma kagbene to nɛ ma awibi to. Mee wora ania fanɛ meeŋ nyaŋ ma kumu, ama ma alɛ maa tiŋ a lo ma kɔnɔ.

Hoziya 6:5

Amoso nɛ n shuŋi ma anebiana menyi kutɔ fanɛ b ta ma kubɔya nɛ k la demuji nɛ kemur be baru na m ba sa menyi na. Kusɔ nɛ mee fin menyi kutɔ na baŋ di efuli nna naniere bre.

Luuk 24:32

Nɛ b kaŋɛ abar le: “Amoso nɛ e daŋ bugi abɔrɛsibɛ na to a malga a sa anyi ekpa to nɛ anyi be ŋgbene daŋ fuli anyi ga loŋ na.”

Baru lela nɛ Jɔn kute na 6:63

Kiyoyu na bee sa ŋkpa nna, ama eyur ere bre maaŋ tiŋ n wora shɛŋ. Mmalga nɛ m malga n sa menyi ere e naa shin nɛ menyee nya Kiyoyu nɛ e bee sa ŋkpa na.

Ashuŋ Shunso 2:3

Ndoŋ nna nɛ b wu adonduloŋ fanɛ edɛ be adondulombi nɛ a ba barga to nɛ amo be kekama yɔ beyirdapoana na be ekama so.

Ashuŋ Shunso 2:37

Basa na ka nu asɔ nɛ Pita malga na kikɛ nɛ bumo be ŋgbene kaa nɛ b bishi Pita nɛ mo braana beshuŋipoana na: “An kurgepoana, nuso nɛ anyeeŋ wora?”

2 Kɔrintebi 2:16

Bumo nɛ baa mur na, k la fanɛ kɔrtɔ lubi nna a mɔ, ama bumo nɛ baa nya kumɔlga na bre, k la fanɛ efɛa belbelso nna a bar ŋkpa. To, nɛ wanɛ e naaŋ tiŋ n wora le be kesheŋ ere?

Hibruwebi 4:12

Ŋkpal manɛ so, Ebɔrɛ be kamalga na kɔ ŋkpa nɛ eleŋ nna a ji a chɔ tokobi jinnɔnyɔ. K bee tiŋ a ku a barga nfɛra nɛ kiyoyu to nseŋ naa tiŋ a barga awibichɛkpa nɛ nfɔ to, ŋ gbrɛ a tiŋ a ji basa be nfɛra to be asɔ shaso nɛ bumo be ŋgbene to be nfɛra fɛsoana demu.

Kelaraŋŋini 11:5

Nɛ ekama baa sha ketɔrɔ bumo, edɛ beeŋ shi bumo be nnɔ to m ba mur bumo doŋana. Kananɛ esa kama nɛ e beeŋ baa sha ketɔrɔ bumo beeŋ wu nna na.