Jɛremaya 23:20 - EBƆRƐ BE KAWƆL

²⁰ Kumo alɛ maaŋ yige n ya fo fanɛ e ka beeŋ wora kusɔ kama nɛ e kre kewora na nna. Kachako bee ba nɛ ma basa e pin ade kikɛ ere to nɛnɛ.”

Jɛremaya 23:20 Iomraidhean Croise

Jɛnesis 49:1

Kachako nɛ Jeekɔb kaŋɛ mbe bibinyɛnana na le: “Men gbargbar abar m ba ma anishito nɛ ŋ kaŋɛ menyi kusɔ nɛ k beeŋ nya menyi echefoso be asheŋ.

1 Bewura 8:47

fo nu fo basa be kabɔrɛkule. Nɛ fanɛ b chɛrga bumo be nfɛra nseŋ kule fo a bugi to a kaŋɛ bumo be alubi kananɛ b la basa lubi nɛ kananɛ b la amu kpakpasowuraana ashi efuli na so, kumo ere Enyɛnpe Ebɔrɛ, fo nu bumo be kekule.

2 Bewura 23:26

Ama Enyɛnpe Ebɔrɛ na kraŋ nya agbo ga n wɔtɔ Juda ŋkpal asɔ damta nɛ ewura Manase wora nɛ mbe agbo kaa ga na so.

2 Bewura 23:27

Amoso le nɛ Enyɛnpe Ebɔrɛ na daŋ kaŋɛ: “Meeŋ wora Juda gba kusɔ nɛ n wora Israɛl na. Meeŋ ju Juda be basa ashi ma anishito nseŋ kini Jerusalɛm nɛ k la ma kade na nɛ bɔrɛlambu nɛ baa bunyaŋ ma kumo to ere.”

Aŋasa 21:30

Dimɛdi be kanyiasheŋ kikɛ nɛ asheŋ be kepinto nɛ ŋkre kikɛ maaŋ tiŋ m pɔɔ Enyɛnpe Ebɔrɛ so.

Aizaaya 14:24

Kumo be kaman nɛ Enyɛnpetale Ebɔrɛ na bɔ ntaŋ ŋ kaŋɛ le: “Kusɔ nɛ n yili ma kagbene to fanɛ meeŋ wora na gbagba nɛ meeŋ wora.

Aizaaya 55:11

aloŋ nɛ ma kɔnɔ to be mmalga gba du. Kusɔ kama nɛ ŋ kaŋɛ, aloŋ gbagba e naa wora.

Jɛremaya 4:28

Durnya to beeŋ ki fanɛ b kaa bee shu keeli na, nɛ esoso e ki m biri to. Ŋkpal manɛ so, Enyɛnpe Ebɔrɛ na teŋ malga, mo alɛ maaŋ chɛrga mbe nfɛra n leŋi kamalga na. E teŋ yili kusɔ nɛ e beeŋ wora, mo alɛ maaŋ yige kusɔ nɛ e yili na be kewora.

Jɛremaya 51:12

Men maŋ tuta na so a ŋini fanɛ kena na fara nɛ benapo na e fara a bure kadegboŋ na be egbalana na. Men shin nɛ benapo na be beko e ba ti bumo nɛ baa kɔ na so nseŋ shin nɛ beko e yili a de kadegboŋ na so nɛ beko malɛ e ya ŋana m pugi a jo!” Kusɔ nɛ Enyɛnpe Ebɔrɛ na kre kewora Babilɔn be efuli so be basa na nɛ e wora na.

Ezikɛl 21:10

N yee kumo nɛ n mɔ; n fifɛa kumo so nɛ k bee kpa edɛ fanɛ bɔrɛ ka nyɛkpɛ na! Kayurji maŋ naa wɔtɔ, ŋkpal manɛ so, ma basa kplaŋ ma kasokpele nɛ kasogberge kikɛ so nna.

Ezikɛl 21:5

Nɛ ekama e pin fanɛ ma, Enyɛnpe Ebɔrɛ na maaŋ naŋ bɛta ma tokobi nɛ n pee na n wɔtɔ kumo be efar to kikɛ.

Zakareya 1:6

N daŋ bɔla anebiana nɛ b la ma nyɛrbi na so nna n sa men nanaana ma mbraana nɛ kefiɛso be mmalga, ama b daa maŋ tuge ma, nɛ kumo be kasogberge ba bumo so. Kumo be kaman nɛ b chɛrga bumo be nfɛra nseŋ shuli so fanɛ ma, Enyɛnpetale Ebɔrɛ na e sa bumo kasogberge nɛ k daga bumo, fanɛ kananɛ ŋ kre kumo na.”