Jɛremaya 23:2 - EBƆRƐ BE KAWƆL

² Kusɔ nɛ Enyɛnpe, Israɛl be Ebɔrɛ na bee kaŋɛ benimujipoana nɛ k daŋ daga fanɛ b baa keni mbe basa so na nde. E yɛ: “Menyi maaŋ keni ma basa so nɛnɛ. Men pesaŋ bumo to nseŋ ju bumo n lɛ to nna. To, meeŋ gberge menyi kusoe ŋkpal kusɔ lubi nɛ men wora ere so.

Jɛremaya 23:2 Iomraidhean Croise

Ɛksodɔs 32:34

Amoso, bɛta n ya juŋkpar basa na n yɔ kakpa nɛ ŋ ŋini fo na nsaa nyi fanɛ meeŋ shin nɛ ma malaika e baa juŋkpar menyi, ama meeŋ gberge basa na kusoe kachako, ŋkpal bumo be kulubi na so.”

Jɛremaya 10:21

Ndoŋ nna nɛ ŋ kaŋɛ bumo le: “Anyi be bejuŋkparpoana na maŋ kɔ nfɛra nna; b maa kule Ebɔrɛ a fin ekpa a bɔla so a wora asheŋ. Amoso nɛ b maaŋ tiŋ nɛ b chɛ anyi to nɛ anyi be basa maaŋ chɛr nseŋ pesaŋ to fanɛ mbolpɔ na.

Jɛremaya 11:22

Ndoŋ nna nɛ Enyɛnpe Ebɔrɛ na malɛ kaŋɛ le: “Meeŋ gberge bumo kusoe! Bumo be mbrantiɛ beeŋ wu kena to nɛ akoŋ e mɔ bumo be mbia wurbi malɛ.

Jɛremaya 13:17

Ama nɛ men kini kenu n sa ma bre, meeŋ kpal menyi be kamoowuso n shu ashiri to. Meeŋ shu kenishipereso nɛ anishichubi a lar ma anishi to ŋkpal b ka beeŋ pɛ menyi nɛ men la Enyɛnpe Ebɔrɛ be basa n yɔ efuli pɔtɛana so fanɛ anya so.

Jɛremaya 13:20

Jerusalɛm, to kenishi ŋ keni, fo doŋana e shi kelargato be esoso be kaba so a ba na! Nnɛ nɛ basa nɛ fee keni so nsaa kpal bumo so a wu fo kumu na naa wɔ?

Jɛremaya 13:21

Nɛ basa nɛ fo tama fanɛ b la fo teriana kaŋ ba kɔ m pɔɔ fo so nsaa ji fo so kuwura, manɛ nɛ feeŋ kaŋɛ? Feeŋ baa wɔ ebesa to fanɛ eche nɛ kakurge ta mo na nna.

Jɛremaya 17:10

Ama ma, Enyɛnpe Ebɔrɛ na bee keni basa be nfɛra to nsaa wora bumo be ŋgbene a keni a nyi amo to nna. Kebaawɔtɔ nɛ ekama kɔ ŋko kusɔ nɛ e bee wora nɛ mee yili so a ka mo kukɔ.”

Jɛremaya 23:34

Nɛ ma basa to be eko ŋko anebi ko ŋko bɔrɛmatapo ko malga ŋ kaŋɛ fanɛ baru ere shi Enyɛnpe Ebɔrɛ kutɔ nde gba, ŋ kraa beeŋ gberge bumo nɛ bumo be nnaŋ to be basa kusoe.

Jɛremaya 44:22

Kabre ŋ ka bee malga ere, menyi be kasawule na dese fuloŋ nɛ esa kikɛ maŋ naa wɔ kumo so. K ki kakpa nɛ kumo be asheŋ bee keta kejijɛ nɛ basa bee ta kumo be ketre a sho basa kɔnɔ ŋkpal Enyɛnpe Ebɔrɛ na ka daa maŋ naŋ nyiti menyi be kumu kpakpaso nɛ asheŋ woraso lubi na so.

Jɛremaya 5:29

Ma, Enyɛnpe Ebɔrɛ na beeŋ gberge bumo kusoe ŋkpal asheŋ ere kikɛ so. Meeŋ wora n tal efuli na kikɛ be basa to.

Jɛremaya 5:9

Manɛ so nɛ m maaŋ gberge Juda be efuli so be basa kusoe?

Jɛremaya 8:12

Ma basa, anishinyɔr daŋ pɛ menyi nna ŋkpal men ka wora ekishisheŋ ere so a? Anishinyɔr daŋ maŋ pɛ menyi. Menyi maŋ kɔ nyɔmɔ gba kuraa. Ŋkpal loŋ so, menyi alɛ gba beeŋ tɔr fanɛ kananɛ beko daŋ tɔr na. Jemanɛ nɛ meeŋ gberge menyi kusoe na nɛ menyi be kusɔ kama beeŋ fo ekar. Ma, Enyɛnpe Ebɔrɛ e kaŋɛ na.

Ezikɛl 34:5

Ŋkpal mbolpɔ na ka maŋ kɔ ekpapo so, b pesaŋ to nna nɛ kupuŋ to be asɔbɔya lubi bee pɛ bumo a ji.

Hoziya 2:13

Meeŋ gberge mo kusoe ŋkpal e kaa ta nchɛ damta n chɔɔ duwu m bunyaŋ Baal be kegbir so. Ma alɛ beeŋ naŋ gberge mo kusoe ŋkpal e ka teŋ ma so nseŋ ta mbe abitasɔ n wɔtɔ n lar a sha benyɛn so. Ma Enyɛnpe Ebɔrɛ e malga na.

Maika 7:4

Bumo to be basa nɛ bumo be kebaawɔtɔ niŋi nɛ baa ji kashenteŋ gba maŋ bɔ. B du fanɛ ewidibi nna. To, kachɛ fo nɛ Ebɔrɛ e gberge edimɛdi kusoe, fanɛ kananɛ e bɔla anebiana na so ŋ kpele bumo kusoe na. Naniere bumo be nfɛra wulto nna.

Zakareya 10:3

Enyɛnpe Ebɔrɛ na yɛ: “N nya agbo nna n wora befɔ nɛ baa ji kuwura ma basa so nsaa shin nɛ ŋ gberge bumo kusoe. Juda be efuli so be basa na la ma basa nna, nɛ ma Enyɛnpetale Ebɔrɛ na beeŋ baa keni bumo so. Baaŋ baa du fanɛ ma kena to be egbaŋɛ lempo nna.

Zakareya 11:16

Ŋkpal manɛ so n lara mbolpɔkpapo ko fanɛ e ba kaa keni ma mbolpɔ so, ama mo shɛŋ maaŋ baa wɔ bumo nɛ baaŋ foe na to ŋko nɛ e nite n fin bewurbi na ŋko n chɛ bumo nɛ baa lɔ na ŋko ŋ kpa bumo nɛ b kɔ alenfia na n yɔ keji to. Ama bedanso na nɛ e beeŋ baa mɔ a we a ka awibi.

Matiu 25:36

N daa maa kɔ asɔbuuso nɛ men buu ma, n daa lɔ nna nɛ men keni ma so, n daa wɔ kabuti to nɛ men ba chɔrɔ ma.’

Matiu 25:43

N daa la efɔ nɛ men maŋ sɔ ma, n daa maa kɔ asɔbuuso, ama menyi alɛ maŋ buu ma, n daa lɔ nseŋ daa naa wɔ kabuti to nɛ men maŋ ba chɔrɔ ma.’

Jeems 1:27

Kashenteŋ nɛ kagbene koŋwuleso be kebɛso nɛ Ebɔrɛ Etuto na bee sha fanɛ basa e baa kɔ e la kebaachɛ amunibi nɛ bekulpocheana nɛ b wɔ awurfoŋ to to nsaa de mo gbagba be kumu so nɛ durnya to ebi be alubi e sa maŋ jija mo.