Jɛremaya 23:16 - EBƆRƐ BE KAWƆL

¹⁶ Kumo be kaman nɛ Enyɛnpetale Ebɔrɛ na naŋ kaŋɛ Jerusalɛm to be basa na le: “Men sa maa nu asheŋ nɛ anebiana na bee kaŋɛ menyi na. Tama fuloŋ nɛ baa sa menyi. Asɔ nɛ bumo be nfɛra sa bumo nɛ baa kaŋɛ menyi, mannɛ kusɔ nɛ ŋ kaŋɛ.

Jɛremaya 23:16 Iomraidhean Croise

1 Bewura 22:11

Chinana pibinyɛn Zɛdikaya nɛ e la anebiana be eko bre daŋ bɛl abɛlso be alambɛ nna nseŋ kaŋɛ ewura Ahab le: “Enyɛnpe Ebɔrɛ yɛ, le be kusɔ ere nɛ feeŋ ta ŋ kɔ Siriyaebi na kena m pɔɔ bumo so cheche.”

2 Bewura 17:15

B daa maa bɛ Enyɛnpe Ebɔrɛ na be keŋini so, nseŋ kini kebɛ kɔnɔkoŋwule be ŋkre nɛ mo nɛ bumo nananyɛnana daŋ kre na gba so. B daa maŋ ta mbe kasokpele na gba n tre shɛŋ. B daa wɔtɔ nna a shuŋ agbir fuloŋ nseŋ ki basa fuloŋ. Efuli pɔtɛana nɛ a kulti bumo na be edaŋkaresheŋ nɛ Ebɔrɛ maa sha na nɛ b daa bɛ so.

2 Kronikɛls 18:5

Ndoŋ nna nɛ Ahab tre anebiana alfa ana m bishi bumo le: “N ya kɔ Ramɔf ebi kena ŋko n sa maŋ yɔ?” Nɛ bumo alɛ kaŋɛ le: “Ya kɔ kumo, ŋkpal manɛ so Enyɛnpe Ebɔrɛ na beeŋ shin nɛ fo kɔ m sɔ kumo.”

Aŋasa 19:27

Fo baŋ yige kebaa koya, feeŋ teŋ kusɔ nɛ fo nyi gba so.

Jɛremaya 14:14

Ama kusɔ nɛ Enyɛnpe Ebɔrɛ na kaŋɛ nde: “Efɛ nɛ anebiana na bee ku a deŋi ma. Ma ere maŋ shuŋi bumo ŋko m malga kamalga koŋwule gba n sa bumo. Ebɔrɛdare nɛ baa malga amo be asheŋ na maŋ shi ma kutɔ nɛ asheŋ nɛ baa wu a kaŋɛ na la asheŋ fuloŋ nna. Bumo gbagba be nfɛra to nɛ baa nya amo.

Jɛremaya 2:5

E yɛ: “Men nananyɛnana daa maŋ wu ma kulubi kikɛ, ama b daŋ lar ma kaman nseŋ shuŋ agbir nɛ e maŋ kɔ tɔnɔ nseŋ ki basa nɛ b maŋ kɔ tɔnɔ n sa ma.

Jɛremaya 23:21

Nɛ Enyɛnpe Ebɔrɛ na naŋ kaŋɛ le: “Ma ere maŋ shuŋi anebiana ere ŋko m malga bumo kutɔ gba, ama amo nɛ amo kikɛ, ma ketre to nɛ b kraa malga a sa basa.

Jɛremaya 23:26

Ama kusɔ kama nɛ baa kaŋɛ na shi bumo gbagba be nfɛra nɛ e maŋ niŋi na to nna. Bumo alɛ maaŋ tiŋ a wora loŋ mbaanaayɔ.

Jɛremaya 29:8

Ma, Enyɛnpe, Israɛl be Ebɔrɛ na bee kpele menyi kusoe nna fanɛ men sa maŋ shin nɛ anebiana nɛ b wɔ menyi to na ŋko bekama nɛ baa kpal a wu asheŋ na e fule menyi. Men sa maŋ kaa nu a sa bumo.

Jɛremaya 9:12

Kumo be kaman nɛ m bishi le: “Enyɛnpe Ebɔrɛ, manɛ nna nɛ kasawule na wɔl ŋ ki fanɛ keshishɛrsawule a dese nɛ esa kikɛ maŋ naa bɔla kumo so a choŋ? Wanɛ e nyi asheŋ nɛ e tiŋ m pin kumo to? Wanɛ nɛ fo bugi kumo to n sa nɛ mo alɛ e kaŋɛ beko kumo be asheŋ?”

Jɛremaya 9:20

Ndoŋ nna nɛ ŋ kaŋɛ le: “Beche, men nu kusɔ nɛ Enyɛnpe Ebɔrɛ bee kaŋɛ, nseŋ laŋɛ menyi be lakal m ba mbe mmalga na so. Men ŋini menyi be bibiche kananɛ baa shu nli a karga, nɛ men teriana kananɛ baa boŋ awɔba.

Nfabel 2:9

Jerusalɛm be mbunagboŋana tɔr a pul eshishɛr to nɛ ndibi nɛ baa ta a ber amo so na kikɛ buri to burburbi a dese. Ewura nɛ bewurbi nɛ b daa wɔ ndoŋ na kikɛ ki anya efuli wɔfɔ so nna. Bɔrɛmatapoana na maŋ naa ŋini mbraana na, anebiana na malɛ maŋ naa nu kubɔya kikɛ ashi Enyɛnpe Ebɔrɛ kutɔ.

Ezikɛl 13:16

Israɛl be anebiana nɛ b ku ebɔrɛdare nseŋ wu ŋ kaŋɛ fanɛ kayurwushi wɔ Jerusalɛm to jemanɛ nɛ kayurwushi maaŋ wɔ kumo to na nɛ n de na. Ma, Enyɛnpetale Ebɔrɛ na e kaŋɛ na.”

Ezikɛl 13:23

Amoso menyi be efɛ be ebɔrɛdare nɛ kafule be ŋkpal na kikɛ fo ekar. Meeŋ mɔlga ma basa ashi men be eleŋ to nɛ men pin fanɛ ma e la Enyɛnpe Ebɔrɛ na.”

Ezikɛl 13:3

Kusɔ nɛ Enyɛnpetale Ebɔrɛ na bee kaŋɛ nde: “Asheŋ maaŋ nyalɛ n sa anebi fɛpoana na. B maa ku ebɔrɛdare. Bumo gbagba be abɔya nɛ baa malga!

Ezikɛl 13:6

Bumo be ebɔrɛdare nɛ baa ku na kikɛ maŋ la kashenteŋ. Bumo be asheŋ nɛ baa kaŋɛ fanɛ a beeŋ wora na kikɛ la efɛ nna. Baa kaŋɛ nna fanɛ ma kubɔya nɛ baa malga, ama ma alɛ maaŋ shuŋi bumo. Amo nɛ amo kikɛ, baa sha fanɛ bumo be mmalga e baa la kashenteŋ nna.

Ezikɛl 22:28

Nɛ bumo be anebiana malɛ bee bɔla efɛ be ebɔrɛdare nɛ kafule be kewuŋkaŋɛ so a da a buu le be asheŋ lubi ere so fanɛ b ka ta asɔ fuful n nyɔɔ egbal na. Ma, Enyɛnpe Ebɔrɛ na maŋ malga bumo kutɔ, ama baa ku efɛ a kaŋɛ fanɛ b nya kubɔya ashi ŋ kutɔ nna.

Maika 2:11

Basa ere bee sha anebi nɛ e beeŋ ba kaa ku efɛ a kaŋɛ bumo le na nna: ‘Men baa nuu nsa a boo.’

Matiu 7:15

Men baa de anebi fɛpoana so. Baa kaa wɔ mbolpɔ be nwɔl to nna a ba men kutɔ, ama ekuntuŋ lubi gbagba nna na.

Romebi 1:21

B nyi Ebɔrɛ be asheŋ, ama bumo alɛ maa ta mo fanɛ Ebɔrɛ a bunyaŋ mo ŋko a chɔrɔ mo. Ama b shin nɛ bumo be nfɛra ki nfɛra fuloŋ nna nɛ bumo be kawuliso be ŋgbene malɛ ki m biri to.

1 Jɔn 4:1

N teri shasoana, men sa maa yirda basa kama nɛ baa kaŋɛ fanɛ Ebɔrɛ be Kiyoyu wɔ bumo to. Men baa wora bumo a keni ŋko ayoyu mo nɛ b kɔ na shi Ebɔrɛ kutɔ nna ŋko a maŋ shi mo kutɔ, ŋkpal manɛ so, anebi fɛpo damtaana lar n luri durnya to.