Jɛremaya 23:15 - EBƆRƐ BE KAWƆL

¹⁵ Amoso, kusɔ nɛ ma, Enyɛnpetale Ebɔrɛ na bee kaŋɛ anebiana nɛ b wɔ Jerusalɛm to na e la fanɛ, meeŋ sa bumo ajibi kekera nɛ b ji nseŋ sa bumo nchu nɛ kɔrtɔ wɔ amo to nɛ b nuu, ŋkpal b ka shin nɛ ekama maa ŋana Ebɔrɛ ashi kasawule be kaplɛkama so so.”

Jɛremaya 23:15 Iomraidhean Croise

Nshɛ 69:21

Baa ta kɔrtɔ nna a wɔtɔ ma ajibi to nsaa sa ma nsa nyaŋnyaŋso fanɛ nchu nuuso.

Jɛremaya 14:15

Kusɔ nɛ ma, Enyɛnpe Ebɔrɛ na, beeŋ wora anebiana nɛ m maŋ shuŋi nɛ bumo alɛ bee ku efɛ a deŋi ma nsaa kaŋɛ fanɛ kena nɛ akoŋ maaŋ ba kasawule na so na nde. Meeŋ shin nɛ b wu kena to nɛ akoŋ malɛ gba e naŋ mɔ bumo nɛ baaŋ ka na.

Jɛremaya 8:14

Kede ba kama nɛ Ebɔrɛ be basa na kaŋɛ le: “Manɛ nna nɛ an chena shruum loŋ? Men shin nɛ an shile n yɔ ndegboŋ nɛ b pɔr egbalana ŋ kulti amo na to n ya wu n dese ndoŋ. Enyɛnpe anyi be Ebɔrɛ na teŋ n yili kumo fanɛ anyeeŋ wu. Mo alɛ teŋ n sa anyi kɔrtɔ fanɛ an nu n wu, ŋkpal an ka wora alubi n da mo so so.

Jɛremaya 9:14

Ama b wora bumo be ŋgbene kpakpa nna nseŋ daŋ shuŋ agbirana nɛ baa tre Baal na fanɛ kananɛ bumo nanaana ŋini bumo na.

Jɛremaya 9:15

Amoso nɛ ma, Enyɛnpetale Israɛl be Ebɔrɛ na nase kɔnɔ fanɛ meeŋ sa ma basa ajibi kekera nɛ b ji nseŋ sa bumo nchu nɛ kɔrtɔ wɔ amo to nɛ b nuu.

Nfabel 3:15

Ebɔrɛ shin nɛ kebaawɔtɔ ki kekera n sa ma.

Nfabel 3:19

M baa fɛ etɔrɔ damta nɛ e bee tu ma nɛ ma kenawule be kebaanite cham cham a choŋ na be asheŋ, k bee sa ma kagbenejija damta ga nna.

Nfabel 3:5

E daŋ shin nɛ kagbenejija damta nɛ kushu nɛ etɔrɔbi ki fanɛ ebu nna ŋ kulti ma n wɔtɔ.

Zakareya 13:2

Jemanɛ na kaŋ fo, meeŋ mur agbirana be atre kasawule na so nɛ esa maaŋ naa nyiŋi amo be asheŋ gba kuraa. Ma alɛ beeŋ lara anebi fɛpoana na nɛ eyurpisheŋ be kiyoyu gba kasawule na so.

Matiu 27:34

Ndoŋ nna nɛ b ta kudur kerkra ko n wea yabra ko to n sa mo fanɛ e nuu, ama e ka da amo ŋ keni nɛ e kini kenuu amo.

Ditɛronɔmi 29:18

Men baa da so nɛ enyɛn ŋko eche ŋko kanaŋ ŋko yiri kikɛ nɛ k yil nfe kabre ere be kekama maaŋ lar Enyɛnpe menyi be Ebɔrɛ na kaman nseŋ ya kaa shuŋ efuli pɔtɛana be agbirana. Loŋ kaŋ wora, k beeŋ baa du fanɛ kaliŋi ka kɔr n daŋ ŋ ki keya nɛ kumo be asɔrso du kekra nsaa kɔ kɔrtɔ nna.

Kelaraŋŋini 8:11

Kechɛkpabi na be ketre e la Kerkra. K ka tɔr nchuana na to na nɛ amo be ntuŋ nsa be katuŋ koŋwuleso ki kerkra nɛ basa damta nu amo nseŋ wu ŋkpal a ka ki kerkra na so.