Jɛremaya 23:14 - EBƆRƐ BE KAWƆL

¹⁴ Kumo be kaman nɛ n naŋ wu anebiana nɛ b wɔ Jerusalɛm to na ka wora kulubi nɛ k chɔ kusɔ nɛ Samɛria to be anebiana na wora na. B daa shuŋ agbir nna nsaa ku efɛ a ti so. Bumo alɛ daa chɛ basa to nna nɛ baa wora asɔ nɛ e maŋ daga. Ŋkpal loŋ so ekama daa wɔ asheŋ lubi be kewora to nna. Ma ere kutɔ, bumo kikɛ lubi nna fanɛ nde anyɔ nɛ baa tre Sodɔm nɛ Gomɔra na be basa.

Jɛremaya 23:14 Iomraidhean Croise

Jɛnesis 13:13

Sodɔmebi malɛ daa la dalubiwuraana nna nseŋ daa wora alubi ga a gbiti Enyɛnpe Ebɔrɛ na.

Jɛnesis 18:20

E ka fɛ loŋ na be kaman nɛ e kaŋɛ Eebraham le: “Asheŋ nɛ baa malga a gbiti Sodɔm nɛ Gomɔra ebi nɛ alubi nɛ baa wora na wora keshi ga.

Jɛnesis 19:24

K maŋ chɛr nɛ Enyɛnpe shin nɛ chɛbra shi esoso a chɔ a wurge Sodɔm nɛ Gomɔra be nde na so fanɛ bɔrɛ ka bee ba na,

Jɛnesis 19:25

m mur amo nɛ ketaŋɛ na nɛ ndoŋ be basa nɛ kusɔ kama nɛ k daa wɔ kasawule na so kikɛ nyam.

Aizaaya 9:15

E beeŋ mur bumo be bewurjipoana nɛ bejuŋkparpoana nɛ anebiana nɛ b maa ji kashenteŋ na kikɛ.

Jɛremaya 14:14

Ama kusɔ nɛ Enyɛnpe Ebɔrɛ na kaŋɛ nde: “Efɛ nɛ anebiana na bee ku a deŋi ma. Ma ere maŋ shuŋi bumo ŋko m malga kamalga koŋwule gba n sa bumo. Ebɔrɛdare nɛ baa malga amo be asheŋ na maŋ shi ma kutɔ nɛ asheŋ nɛ baa wu a kaŋɛ na la asheŋ fuloŋ nna. Bumo gbagba be nfɛra to nɛ baa nya amo.

Jɛremaya 18:13

Kumo be kaman nɛ Enyɛnpe Ebɔrɛ naŋ kaŋɛ le: “Bishi efuli kama so be basa fanɛ le be kesheŋ daŋ wora ŋ ku so a? Israɛl be basa wora kesheŋ lubi lubi ko!

Jɛremaya 20:16

Ebɔrɛ e shin nɛ amodoŋwura e ki fanɛ ndegboŋ nɛ Enyɛnpe Ebɔrɛ daa maŋ wu kuwɔr nseŋ mur amo na. Ebɔrɛ e shin nɛ e baa nu kushu be asheŋ kachipurso kikɛ nsaa nu kena be asheŋ kapaso kikɛ.

Jɛremaya 23:17

Anebi fɛpoana ere bee kaŋɛ basa nɛ b kini kenu kusɔ nɛ ŋ kaŋɛ na nna fanɛ asheŋ beeŋ nyalɛ n sa bumo. Bumo alɛ nseŋ naa kaŋɛ kagbene kpakpasowuraana fanɛ b maaŋ ji jɛrbi kikɛ.”

Jɛremaya 23:22

Nɛ b daŋ taga ma to nsaa nyi kusɔ nɛ k wɔ ma nfɛra to, b daa beeŋ bɔ ma kubɔya n sa ma basa nseŋ shin nɛ b chɛrga bumo be nfɛra n lar alubi be kewora to m bɛta m ba ŋ kutɔ.

Jɛremaya 29:21

Menyee fɛ fanɛ Kolaya pibinyɛn Ahab nɛ Maaseia pibinyɛn Zɛdikaya la anebiana nna ŋkpal b ka bee kaŋɛ fanɛ ma abɔya nɛ baa bɔ na so. Ama baa ku efɛ nna! Ma ere maŋ sa bumo kubɔya kikɛ. Baa di bumo teriana be beche gba nna. Amoso meeŋ ta bumo m bɔɔ ewura Nebukadneeza enɔ nɛ e mɔ bumo nɛ men baa yil a keni. Saŋɛ na so echefoso nɛ menyi be ekama bee shin nɛ e shoduu esa, e beeŋ kaŋɛ le: ‘Ebɔrɛ e shin nɛ fo wu fanɛ kananɛ Babilɔn be ewura daŋ chɔɔ Zɛdikaya nɛ Ahab m mɔ na.’ ”

Jɛremaya 36:2

“Ta kawɔl n sibɛ asɔ kama nɛ ŋ kaŋɛ fo a laŋɛ Israɛl nɛ Juda nɛ efuliana na kikɛ be kaplɛa so na n wɔtɔ kumo to. Sibɛ asɔ kama nɛ ŋ kaŋɛ fo, yili kachɛ nɛ n fara a malga fo kutɔ na, fɔŋfɔŋ jemanɛ nɛ Josaya fara mbe kuwurji m ba fo mbre na, kikɛ n wɔtɔ kawɔl na to.

Jɛremaya 49:18

Kusɔ nɛ k daŋ wora ndegboŋ nɛ baa tre Sodɔm nɛ Gomɔra dra dra na e naaŋ wora Edɔm be efuli so gba jemanɛ nɛ amo nɛ nde nɛ a kulti amo na kikɛ daŋ mur na. Esa kama maaŋ naŋ chena Edɔm be efuli so kikɛ. Ma, Enyɛnpe Ebɔrɛ e kaŋɛ na.

Nfabel 4:6

Ma basa be kasogberge chɔ basa nɛ b daa wɔ kadegboŋ nɛ baa tre Sodɔm, nɛ Ebɔrɛ daŋ mur kumo epul to dra dra na peya.

Ezikɛl 13:16

Israɛl be anebiana nɛ b ku ebɔrɛdare nseŋ wu ŋ kaŋɛ fanɛ kayurwushi wɔ Jerusalɛm to jemanɛ nɛ kayurwushi maaŋ wɔ kumo to na nɛ n de na. Ma, Enyɛnpetale Ebɔrɛ na e kaŋɛ na.”

Ezikɛl 13:19

Men keni ma jiga ma basa be anishito, ŋkpal shiŋkafa nɛ ajibi gbrɛbi nɛ menyeeŋ nya so. Ma basa kaa bee nu efɛ so, men bɔla efɛ so m mɔ basa nɛ b daŋ maŋ daga luwu nseŋ shin nɛ bumo nɛ b daga luwu bre ji efute.”

Ezikɛl 22:25

Bumo be bejuŋkparpoana ŋko anebiana du fanɛ ebuluŋ nɛ a pɛ kusɔbɔya a kpɛa to a we nsaa munto nna. Baa mɔ basa na nna nseŋ suge amansherbi nɛ mpetɛsɔ kikɛ nɛ baaŋ tiŋ n nya n sɔ. Bumo alɛ bee mɔ bekulana nna nɛ beche damta e ki bekulpoche.

Hoziya 6:10

N wu asheŋ nɛ a maŋ walɛ kekeni ashi Israɛl be efuli so kikɛ. Ma basa ta bumo be amu n wɔtɔ eyurpi to ŋkpal b ka bee shuŋ agbir so.

Eemɔs 4:11

Kananɛ m mur ndegboŋ nɛ baa tre Sodɔm nɛ Gomɔra dra dra na, nɛ m mur menyi alɛ gba be beko. Menyi bumo nɛ men nya men be amu na du fanɛ kedibi nɛ k bee chɔɔ nɛ b lara kumo edɛ to n lɛ nna. Ama amo nɛ amo kikɛ men kraŋ kini kebɛta m ba ma kutɔ. Ma Enyɛnpe Ebɔrɛ na e malga na.

Maika 1:5

Asheŋ ere kikɛ beeŋ wora nna ŋkpal Israɛlebi na ka wora kulubi ŋ gbiti Ebɔrɛ so. To, wanɛ nɛ baaŋ ta Israɛlebi be kekini Ebɔrɛ nseŋ lar mo kaman ere be asheŋ n sulɔ? Samɛria nɛ k la efuli na be kadegboŋ na be basa nɛ baaŋ ta kumo n sulɔ a! Nɛ wanɛ malɛ e tɔr Judaebi be kagbirshuŋ ere be ntaŋ? Mannɛ Jerusalɛm gbagba a?

Maika 3:11

Kadegboŋ na be bejuŋkparpoana bee sɔ asɔ basa kutɔ nna pɔɛŋ nsaa ji bumo be asheŋ a sa bumo. Bɔrɛmatapoana nɛ anebiana na malɛ bee sɔ amansherbi nna pɔɛŋ nsaa ŋini mbraana na ŋko a wu abɔrɛsheŋ a kaŋɛ basa. Kumo be kaman nɛ b kilgi ŋ kaŋɛ le: “Enyɛnpe Ebɔrɛ na wɔ anyi kutɔ, amoso shɛŋ maaŋ tiŋ n wora anyi.”

Zefanaiya 3:4

Kumo be anebiana malɛ daa kɔ ŋkpensheŋ be kebaawɔtɔ nna nɛ basa maaŋ tiŋ n yirda bumo. Nɛ bɔrɛmatapoana malɛ bee ta eyurpi a yɔ kakpa cheembi nɛ baa bunyaŋ Ebɔrɛ, nsaa bɔla mbe mbra na so a nya bumo be aparsheŋ.

Zakareya 13:2

Jemanɛ na kaŋ fo, meeŋ mur agbirana be atre kasawule na so nɛ esa maaŋ naa nyiŋi amo be asheŋ gba kuraa. Ma alɛ beeŋ lara anebi fɛpoana na nɛ eyurpisheŋ be kiyoyu gba kasawule na so.

Malakai 1:1

Kubɔya nɛ Enyɛnpe Ebɔrɛ ta n sa kanyɛn ko nɛ baa tre Malakai fanɛ e sa Israɛl be basa nde.

Matiu 11:24

Ama mee kaŋɛ menyi nna fanɛ demujiachɛ na, asheŋ beeŋ baa bɔ Sodɔmebi so a chɔ kananɛ a beeŋ baa du n sa menyi.”

Ditɛronɔmi 32:32

Bumo doŋana nɛ b lubi fanɛ Sodɔm nɛ Gomɔra ebi na, du fanɛ afeelebi nɛ a bee sɔr asɔrso kekra nɛ kɔrtɔ wɔ amo to nna,

1 Timoti 4:2

Le be keŋini ere shi kebirkɔnshi be befɛpo nɛ nfɛra lubi deŋ bumo na kutɔ nna.

2 Pita 2:6

Ŋko nɛ e daŋ wu Sodɔm nɛ Gomɔra be nde na to ebi be alubi nseŋ daŋ chɔɔ amo edɛ nyam n ta kusɔ nɛ k daŋ wora bumo na a ŋini kusɔ nɛ k beeŋ ba wora bɔrɛkinipoana na, e beeŋ yige le be befɛpo ere bre a?

Juud 1:7

Men baa nyiŋi nde mo nɛ baa tre Sodɔm nɛ Gomɔra nɛ nde mo nɛ a daŋ taga amo to na gba be asheŋ. Ndoŋebi gba daa wora kesakalea be asheŋ nɛ alubi kama nɛ a maŋ daga dimɛdi ka wora nna. B wɔ edɛ mo nɛ a maa duŋ kikɛ na to nɛ k bee ŋini anyi kananɛ Ebɔrɛ beeŋ gberge bekama nɛ baa wora asheŋ fanɛ loŋ be basa na kusoe.

Kelaraŋŋini 11:8

nɛ bumo be eyurana e baa dese kadegboŋ na to be kubɔrbi ko so. Kade na du fanɛ Sodɔm nɛ Ijipt nna, amoso, Sodɔm nɛ Ijipt nɛ b nase kumo, kakpa koŋwule mo nɛ b daŋ kegbir bumo Nyɛnpe kedibi largato so na.

Kelaraŋŋini 19:20

Nɛ b pɛ kusɔbɔya na n ta anebi fɛpo mo nɛ e daŋ wora emamachisheŋ damta kusɔbɔya na be anishito na n ti so. Emamachisheŋ na nɛ e daŋ ta n fule bumo nɛ b daŋ nya kusɔbɔya na be ndulgi na nseŋ maŋ mbe kaduli so na. B daŋ ta kusɔbɔya na nɛ anebi fɛpo na nna ŋ kpa n wɔtɔ edɛ mo nɛ jɛrbi wɔ amo to a chɔɔ na to nna nɛ b kraa keni.

Kelaraŋŋini 21:8

Ama befupo bre nɛ bumo nɛ b maa yirda na nɛ basa jiga nɛ bemɔpo nɛ kesakaleasheŋ wuraana nɛ bumo nɛ baa wora ŋ kilgi nɛ agbirshumpoana nɛ befɛpo kikɛ bre kikɛ be kaboŋ e la edɛ be kepa nɛ jɛrbi wɔ kumo to a chɔɔ na to. Ndoŋ be luwu e la luwu nyɔsopo na.”

Kelaraŋŋini 22:15

Bumo nɛ b la njɔnɔ nɛ basa nɛ baa wora ŋ kilgi nɛ kesakaleawuraana nɛ bemɔpo nɛ agbirshumpoana nɛ esa kama nɛ e bee sha nsaa bɛ efɛsheŋ kama so na nawule e maŋ wɔ kadegboŋ na to.