Jɛremaya 23:10 - EBƆRƐ BE KAWƆL

¹⁰ Anebiana nɛ b maa ji kashenteŋ a sa Enyɛnpe Ebɔrɛ na e bɔlɔ kasawule na kikɛ to. Kumu kpakpaso be kebaawɔtɔ to nɛ b wɔ nsaa ta yuku nɛ b kɔ na a wora asheŋ nɛ e maŋ daga. Ŋkpal Enyɛnpe Ebɔrɛ na ka shoduu kasawule na so, k shin nɛ asɔbɔya be ejikpaana wɔl ŋ ki fanɛ keshishɛrsawule nna.

Jɛremaya 23:10 Iomraidhean Croise

Ɛzra 10:18

Benyɛn nɛ b shi bɔrɛmatapoana be kabuna nsaa kɔ eyiri pɔtɛ be beche a kil na e daa la Maaseia nɛ Eliaza nɛ Jarib nɛ Gɛdaliya nɛ b la Jehozadak be bibinyɛn nseŋ shi Joshuwa nɛ sipoana be kabuna na.

Nshɛ 107:34

nɛ adɔsawule lela ki nsawule wuso a dese, ŋkpal basa nɛ b wɔ ndoŋ be amu kpakpaso so.

Aizaaya 24:6

Amoso Ebɔrɛ sho durnya na kɔnɔ nna nɛ kumo to be basa bee wu ŋkpal bumo be alubi so.

Aizaaya 5:18

Asheŋ maaŋ nyalɛ n sa menyi! Menyi maaŋ tiŋ n suge menyi be amu ashi menyi be alubi to.

Jɛremaya 12:11

B shin nɛ k ki kasawule jiga nɛ k maaŋ naŋ tiŋ n wora shɛŋ n sa ma. Kasawule na kikɛ ki fanɛ keshishɛrsawule nɛ kumo be asheŋ maŋ tir esa kikɛ.

Jɛremaya 14:2

“Juda be efuli so nɛ Jerusalɛm to ebi bee shu ŋkpal kasawule na ka wɔl a dese so.

Jɛremaya 6:13

Bumo to be bumo nɛ b kɔ eyilikpa nɛ bumo nɛ b maŋ kɔ eyilikpa kikɛ bee bɔla ekpa lubi so nna a fin amansherbi. Anebiana nɛ bɔrɛmatapoana gba bee puni basa nna nɛ esa maaŋ naŋ tiŋ n yirda bumo.

Jɛremaya 7:9

Men wɔtɔ nna a yuri, nsaa mɔ basa, nseŋ naa ji kubojua. Menyi alɛ naa ku efɛ nna a bɔ ntaŋ nseŋ naa lara esarga a sa kegbir nɛ baa tre Baal, a shuŋ agbirana nɛ men maŋ nyi ŋ ku so.

Jɛremaya 9:10

Ndoŋ nna nɛ ŋ kaŋɛ le: “Meeŋ shu ŋkpal abee na nɛ asɔbɔya be ejikpa na so. Ŋkpal manɛ so, e wɔl nseŋ ki fanɛ keshishɛrsawule nna, nɛ esa kikɛ maŋ naa bɔla amo so a choŋ. Esa maaŋ naaŋ n nu kusɔbɔya be kushu ndoŋ, mbuibi nɛ kupuŋ to be asɔbɔya kikɛ shile amo so nna.”

Jɛremaya 9:12

Kumo be kaman nɛ m bishi le: “Enyɛnpe Ebɔrɛ, manɛ nna nɛ kasawule na wɔl ŋ ki fanɛ keshishɛrsawule a dese nɛ esa kikɛ maŋ naa bɔla kumo so a choŋ? Wanɛ e nyi asheŋ nɛ e tiŋ m pin kumo to? Wanɛ nɛ fo bugi kumo to n sa nɛ mo alɛ e kaŋɛ beko kumo be asheŋ?”

Jɛremaya 9:2

N daa yɛlga kenya kakpa ashi keshishɛrsawule so, nɛ n lar ma basa to n ya chena ndoŋ. Ŋkpal manɛ so, bumo kikɛ maŋ kɔ kashenteŋji n sa Ebɔrɛ, bumo alɛ kikɛ la bedebɔrpo nawule nna.

Hoziya 7:4

B la basa nɛ esa maaŋ tiŋ n yirda nna nɛ bumo be yurkishi du fanɛ ebu nɛ baa tɔ bodobodo kumo to na be edɛ nɛ b baga amo to nɛ a suse yeŋyeŋyeŋ na.

Jowɛl 1:10

Nfe be adɔsawule kikɛ nyam jija nsaa maŋ naa kɔ tɔnɔ. Nsawule kikɛ wɔl nɛ asɔ duuso kikɛ mur. Asɔrso popɔrbi kikɛ wɔl, nɛ ŋku loge.

Levitikɔs 5:1

Nɛ Enyɛnpe Ebɔrɛ na naŋ kaŋɛ: “Nɛ fanɛ esa wu kusɔ ko ŋko n nu kesheŋ ko nɛ a daga e ka ji kumo be shɛda ashi demujikpa nɛ e kini, e wora kulubi nna na nseŋ daga kasogberge.

Zefanaiya 3:4

Kumo be anebiana malɛ daa kɔ ŋkpensheŋ be kebaawɔtɔ nna nɛ basa maaŋ tiŋ n yirda bumo. Nɛ bɔrɛmatapoana malɛ bee ta eyurpi a yɔ kakpa cheembi nɛ baa bunyaŋ Ebɔrɛ, nsaa bɔla mbe mbra na so a nya bumo be aparsheŋ.

Malakai 3:5

Enyɛnpetale yɛ: “Mee ba nɛ m ba ji ŋkilgiwuraana nɛ basa nɛ baa ji kesakalea nɛ bumo nɛ baa ji efɛ be eshɛda nɛ bekama nɛ baa puni bumo be beshumpo kakɔka to na nɛ bumo nɛ baa tɔrɔ bekulpoche nɛ amunibi nɛ befɔ nɛ bumo nɛ b maŋ kɔ bunyaŋ n sa ma na demu.”

1 Timoti 1:10

Mo alɛ naŋ bar mbra na nna ŋkpal kesakaleawuraana nɛ benyɛn nɛ bumo gbagba kɔ abar a di na nɛ bumo nɛ baa yuri basa a fin kasɔji na nɛ befɛpo nɛ basa nɛ b maa yɛ asheŋ a wora na nɛ bumo nɛ baa wora asheŋ nɛ a maa bɛ kashenteŋ be keŋini na so kuraa na kikɛ so.

Hibruwebi 13:4

A daga fanɛ ekama e baa bunyaŋ kakil nsaa maŋ ta eyurpi a wɔ kakil to, ŋkpal manɛ so, Ebɔrɛ beeŋ gberge bekama nɛ b kɔ kesakalea nɛ bekama nɛ b wɔtɔ a kɔ kusɔjigaya be kebaawɔtɔ kusoe.

Jeems 4:4

Basa nɛ esa maaŋ tiŋ n yirda ere! Men maŋ nyi fanɛ nɛ esa baa la Ebɔrɛ mo teri, amodoŋwura malɛ nɛ durnya ere to be asɔ maa ji a kra abar ŋko? To, esa kama nɛ e bee ta mbe kasha a wɔtɔ durnya ere be asɔ to, bee ta mbe kumu nna a ki Ebɔrɛ mo doŋ na.