Jɛremaya 23:1 - EBƆRƐ BE KAWƆL

¹ Asheŋ maaŋ nyalɛ n sa benimujipoana nɛ baa mur Enyɛnpe Ebɔrɛ na be basa nsaa pesaŋ bumo to na! E beeŋ ji bumo demu kpakpaso.

Jɛremaya 23:1 Iomraidhean Croise

Jɛremaya 10:21

Ndoŋ nna nɛ ŋ kaŋɛ bumo le: “Anyi be bejuŋkparpoana na maŋ kɔ nfɛra nna; b maa kule Ebɔrɛ a fin ekpa a bɔla so a wora asheŋ. Amoso nɛ b maaŋ tiŋ nɛ b chɛ anyi to nɛ anyi be basa maaŋ chɛr nseŋ pesaŋ to fanɛ mbolpɔ na.

Jɛremaya 12:10

Juda du fanɛ ma ndibi sɔrso be kudɔ nna. Bewura damta nɛ b shi efuli pɔtɛana so e ba mur ma ndibi sɔrso be kudɔ. B chichi ma adɔsawule so nna n jija ma asɔduuso, nseŋ shin nɛ ma kasawule nɛ k walɛ a par ma na ki keshishɛrsawule a dese fuloŋ.

Jɛremaya 13:17

Ama nɛ men kini kenu n sa ma bre, meeŋ kpal menyi be kamoowuso n shu ashiri to. Meeŋ shu kenishipereso nɛ anishichubi a lar ma anishi to ŋkpal b ka beeŋ pɛ menyi nɛ men la Enyɛnpe Ebɔrɛ be basa n yɔ efuli pɔtɛana so fanɛ anya so.

Jɛremaya 2:26

Ade be kaman nɛ Enyɛnpe Ebɔrɛ na kaŋɛ: “Kananɛ baa pɛ eyu nɛ nyɔmɔ bee pɛ mo na, nɛ nyɔmɔ beeŋ pɛ menyi Israɛlebi be bewuraana nɛ benimuana nɛ bɔrɛmatapoana nɛ anebiana na kikɛ.

Jɛremaya 2:8

Bɔrɛmatapoana na malɛ maŋ tiŋ m bishi: ‘Nnɛ nɛ Enyɛnpe Ebɔrɛ na wɔ?’ Ŋ gbagba be bɔrɛmatapoana nɛ baa ŋini ma mbraana maŋ nyi ma. Bejuŋkparpoana na kini ma nseŋ lar ma kaman; nɛ anebiana na malɛ bɔla Baal be kegbir be ketre so m malga nseŋ shuŋ agbirana nɛ e maŋ kɔ tɔnɔ n sa bumo.

Jɛremaya 22:22

Naniere menyeeŋ ji anishinyɔr ŋkpal menyi be alubi so. K beeŋ wora menyi fanɛ afu ka ber menyi be bejuŋkparpoana n yɔ, nɛ bedoŋ ba pɛ efuli pɔtɛana nɛ men daŋ yirda na be basa n yɔ efuli pɔtɛ wɔfɔ so nna.

Jɛremaya 23:2

Kusɔ nɛ Enyɛnpe, Israɛl be Ebɔrɛ na bee kaŋɛ benimujipoana nɛ k daŋ daga fanɛ b baa keni mbe basa so na nde. E yɛ: “Menyi maaŋ keni ma basa so nɛnɛ. Men pesaŋ bumo to nseŋ ju bumo n lɛ to nna. To, meeŋ gberge menyi kusoe ŋkpal kusɔ lubi nɛ men wora ere so.

Jɛremaya 50:6

Ma basa du fanɛ mbolpɔ nɛ bumo be bekpapoana shin nɛ b foe abee so nna. B daa nite cham cham kebee ko so nna n ya kaa lar kuko so nseŋ daŋ teŋ kakpa nɛ bumo pe wɔ so.

Ezikɛl 13:3

Kusɔ nɛ Enyɛnpetale Ebɔrɛ na bee kaŋɛ nde: “Asheŋ maaŋ nyalɛ n sa anebi fɛpoana na. B maa ku ebɔrɛdare. Bumo gbagba be abɔya nɛ baa malga!

Ezikɛl 34:1

Nɛ Enyɛnpe Ebɔrɛ na kaŋɛ ma le:

Ezikɛl 34:21

Ŋkpal manɛ so, menyi bumo nɛ men kɔ eleŋ na bee ŋin bumo nɛ b maŋ kɔ eleŋ na nna a lar ekarso nsaa ta menyi be alambɛ a pur bumo a lar ma mbolpɔ to.

Ezikɛl 34:31

Kumo be kaman nɛ Enyɛnpetale Ebɔrɛ na kaŋɛ le: “Menyi, ma mbolpɔ, nɛ mee bela na, la ma basa nna nɛ ma alɛ la menyi be Ebɔrɛ.”

Ezikɛl 36:38

Nɛ nde nɛ a bure a dese ere e naŋ bɔlɔ basa fanɛ kananɛ mbolpɔ daŋ bɔlɔ Jerusalɛm to nɛ b daa ta amo a lara esarga nchɛgboŋachɛ na. Ndoŋ nɛ baaŋ pin fanɛ ma e la Enyɛnpe Ebɔrɛ na.”

Zakareya 10:3

Enyɛnpe Ebɔrɛ na yɛ: “N nya agbo nna n wora befɔ nɛ baa ji kuwura ma basa so nsaa shin nɛ ŋ gberge bumo kusoe. Juda be efuli so be basa na la ma basa nna, nɛ ma Enyɛnpetale Ebɔrɛ na beeŋ baa keni bumo so. Baaŋ baa du fanɛ ma kena to be egbaŋɛ lempo nna.

Matiu 15:14

Men kplaŋ bumo so. B la betanpo nna a juŋkpar betanpo. Nɛ tanpo malɛ keta mo barkasa tanpo kekpabi, bumo benyɔ na kikɛ beeŋ tɔr kemaŋ to.”

Matiu 9:36

Yesu ka wu jimaŋ na nɛ bumo be asheŋ pɛ mo kuwɔr, ŋkpal manɛ so, b daa du fanɛ mbolpɔ nɛ b yeŋ to ŋ gben nsaa maŋ kɔ ekpapo nna.

Baru lela nɛ Jɔn kute na 10:10

Eyu bre bee kaa ba nna m ba kaa yuri ŋko a mɔ ŋko a jija nawule, ama ma ere ba nna nɛ basa e nya ŋkpa nseŋ nya kumo nɛnɛ ga.

Baru lela nɛ Jɔn kute na 10:12

Esa kama nɛ b ber paa nɛ e bee keni mbolpɔ so, mo alɛ ŋkaa maŋ la mbolpɔkpapo gbagba na, mo alɛ ŋkaa maŋ naa la mbolpɔ na wura na baŋ wu kuntuŋ ka bee ba, e bee shile nna a ka mbolpɔ na. Saŋɛ na so nɛ kuntuŋ na e pɛ mbolpɔ na be ako nɛ amo nɛ a ka e pesaŋ to.

Baru lela nɛ Jɔn kute na 10:8

Bekama nɛ b daŋ juŋkpar ma m ba na kikɛ la beyu nɛ besugepo nna nɛ mbolpɔ na malɛ maŋ nu n sa bumo.