Jɛremaya 22:9 - EBƆRƐ BE KAWƆL

⁹ Ndoŋ nna nɛ beko e kaŋɛ fanɛ ŋkpal men ka kplaŋ ma nɛ menyi be kɔnɔkoŋwule be ŋkre so nseŋ ya kaa shuŋ nsaa bunyaŋ agbir pɔtɛana so nɛ m mur kumo.”

Jɛremaya 22:9 Iomraidhean Croise

1 Bewura 9:8

Bɔrɛlambu ere beeŋ ki ajembu n deŋi abar so. Kumo be loŋ kaŋ wora malɛ, k beeŋ chinchiŋ basa kama nɛ baa bɔla kumo ase a choŋ na, nɛ b baa bishi le: ‘Manɛ nna nɛ Enyɛnpe Ebɔrɛ wora mbe basa nɛ b wɔ mbe bɔrɛlambu to ere le?’

2 Bewura 22:17

Ŋkpal manɛ so b ka kini ma nseŋ lara esarga n sa efuli pɔtɛana so be agbirana nɛ ma agbo kaa bumo so ga. Kusɔ nɛ b wora na so ma agbo maaŋ wushi kikɛ.

2 Kronikɛls 34:25

Ŋkpal b ka kini ma nsaa lara esarga a sa efuli pɔtɛana be agbirana so ma agbo kaa ga. Kusɔ nɛ b wora na so, ma agbo maaŋ wushi kikɛ.

Jɛremaya 11:10

Kananɛ bumo nananyɛnana daŋ kini kenu ma mmalga nseŋ shuŋ agbir pɔtɛana nseŋ bɔla amo so n wora kulubi na nɛ bumo alɛ gba bee wora na. Juda nɛ Jerusalɛm to be basa kikɛ kini kewora m bɛ kɔnɔkoŋwule be ŋkre nɛ ma nɛ bumo nanaana wora na so nna.

Jɛremaya 16:11

Saŋɛ na so feeŋ kaŋɛ bumo fanɛ Enyɛnpe Ebɔrɛ na kaŋɛ. E yɛ: ‘Men nananyɛnana daŋ lar ma kaman nna nseŋ ya kaa shuŋ nsaa bunyaŋ agbir pɔtɛana. B daŋ kini ma n lɛ nsaa maŋ naa bɛ ma mbraana so. Bumo alɛ daa maŋ naa wora ma keŋini kasonu.

Jɛremaya 50:7

Bekama nɛ b daŋ wu bumo daa kɔ bumo kena nna. Le nɛ bumo doŋana bee kaŋɛ: ‘B wora alubi nna n da Enyɛnpe Ebɔrɛ nɛ e sa bumo nananyɛnana tama na so. Amoso kusɔ nɛ an wora na maŋ lubi. Bumo nananyɛnana daŋ yirda Enyɛnpe Ebɔrɛ nna, nɛ a daŋ daga fanɛ bumo alɛ gba ka ji kashenteŋ n sa mo.’

Jɛremaya 9:13

Nɛ Enyɛnpe Ebɔrɛ na kaŋɛ le: “N daŋ mur kasawule na nna ŋkpal ma basa ka kini ma keŋini nɛ n ta n sa bumo na so nna. B daŋ maŋ wora ma kasonu ŋko n wora kusɔ nɛ kaŋɛ ŋ bumo fanɛ b wora na.

Ezikɛl 12:16

Ama meeŋ shin nɛ bumo be gbrɛbi ko e ji efute ashi kena nɛ akoŋ nɛ alɔ na to, saŋɛ na so baaŋ pin kananɛ bumo be ekishisheŋ nɛ b wora na be asheŋ daŋ nu ma agbo ga, nseŋ naŋ pin fanɛ ma e la Enyɛnpe Ebɔrɛ na nseŋ shuŋ ma ashi efuli pɔtɛana na so.’ ”

Ezikɛl 14:23

Ndoŋ nɛ feeŋ pin geeŋ fanɛ ŋ kɔ ekpa nɛ n wora kusɔ nɛ n wora na.” Ma, Enyɛnpetale Ebɔrɛ na e kaŋɛ na.

Ezikɛl 39:23

Kumo be kaman, nɛ efuliana na e pin fanɛ Israɛlebi na daŋ yɔ kenyaya to nna ŋkpal bumo be alubi nɛ b wora n da ma so na so. N daŋ lar bumo kaman nseŋ shin nɛ bumo doŋana kɔ bumo kena m mɔ bumo.

Ezikɛl 5:15

Menyeeŋ ki kemɔmɔshia nɛ katege be kusɔ nsaa la kefiɛso n sa efuliana nɛ a kulti menyi na nɛ menyi be asheŋ a chinchiŋ bumo.

Ditɛronɔmi 29:24

Efuli pɔtɛana so be basa kikɛ beeŋ bishi le: “Manɛ nna nɛ Enyɛnpe Ebɔrɛ na wora bumo be kasawule loŋ? Manɛ e bar mbe kanya agbo?”