Jɛremaya 22:7 - EBƆRƐ BE KAWƆL

⁷ Meeŋ shuŋi basa nɛ b ba mur kumo. Baaŋ ta akpanfu m ba ku kumo be eshabɔrɛ nɛ b ta ndibi nɛ baa tre sida na be alela n wora na n lɛ edɛ to n chɔɔ.

Jɛremaya 22:7 Iomraidhean Croise

Aizaaya 37:24

Fo daŋ shuŋi fo mbɔ nna nɛ b ba kaa puchi menyi ka daŋ ta menyi be egbaŋɛturko n dii n yɔ Lebanɔn be kebee be awɔlto n ya kɔ m pɔɔ so ashi ma Enyɛnpe Ebɔrɛ na be anishito. Men daa puchi fanɛ men daŋ tiŋ ŋ ku sida be ndibi tenteŋ nɛ seprɛs be ndibi lelaana n lɛ nna ashi kebee na so hale n ya fo kupo na be nferinto.

Jɛremaya 15:8

Juda be kasawule so be bekulpoche beeŋ ba kaa chɔ teku ase be eshishɛr gba. Meeŋ shin nɛ menyi be mbrantiɛfɔlbi e wu nɛ bumo nioana e ji awurfoŋ. Meeŋ shin nɛ kagbenejija nɛ kufugboŋ e tɔr bumo so epul to.

Jɛremaya 21:14

Meeŋ gberge menyi kusoe ŋkpal kusɔ nɛ menyee wora so. Meeŋ shin nɛ edɛ e ji menyi be ewurkpa nseŋ chɔɔ kusɔ kama nɛ k kulti kumo na m mur. Ma, Enyɛnpe Ebɔrɛ e kaŋɛ na.”

Jɛremaya 5:15

Israɛl be basa, Enyɛnpe Ebɔrɛ na beeŋ shin nɛ efuli ko so be basa e shi kufɔ kufɔ m ba kɔ menyi kena. B la basa lempo nɛ b wɔtɔ dra dra kikɛ nna nɛ menyi alɛ maŋ nyi ŋgbar nɛ baa gbar.

Zakareya 11:1

Lebanɔnebi men bugi menyi be mbuna, nɛ edɛ e chɔɔ menyi be ndibi nɛ baa tre sida na!

Matiu 22:7

Ndoŋ nna nɛ ewura na nya agbo ga nseŋ shuŋi mbe benapo nɛ b ya mɔ bemɔpo na kikɛ nseŋ chɔɔ bumo be kade na.