Jɛremaya 22:3 - EBƆRƐ BE KAWƆL

³ E yɛ: “Ma, Enyɛnpe Ebɔrɛ na e naa kaŋɛ menyi kenishipereso na fanɛ men baa wora asheŋ nɛ e bɔla ekpa so nseŋ niŋi. Men baa kuŋ basa nɛ bumo braana bee puni bumo na nɛ b sa maa nya a puni bumo. Menyi alɛ e sa maa mɛaŋ ŋko a kɔrfɛ befɔ ŋko amunibi ŋko bekulpoche. Men sa maa mɔ basa nɛ b maŋ wora shɛŋ ashi kakpa cheembi ere.

Jɛremaya 22:3 Iomraidhean Croise

2 Samuɛl 23:3

Le nɛ Israɛl be Ebɔrɛ nɛ e la ma ekumpo na daŋ malga ŋ kaŋɛ: “Ewura nɛ e kɔ kasonu n sa Ebɔrɛ nseŋ ta kashenteŋji a ji mbe kuwura na

2 Bewura 24:4

Enyɛnpe Ebɔrɛ daa maŋ ta m paŋ mo na so.

Job be kawɔl 22:9

Fo kini kechɛ bekulpoche to, nseŋ kɔrfɛ amunibi n suge bumo be asɔ n ti so.

Job be kawɔl 24:9

Basa lubi bee suge mbia nɛ bumo tutoana wu nna ashi bumo nioana kutɔ a ta bumo a ki anya ŋkpal b ka maŋ tiŋ ŋ ka bumo be akɔ so.

Nshɛ 68:5

Mo e wɔ mbe kakpa cheembi, nsaa la amunibi bumo tuto a kuŋ bekulpoche na.

Nshɛ 82:4

Men baa kɔ a suge bepɔshipo nɛ betentaŋasepo ashi kumukpakpasowuraana be enɔ to.

Nshɛ 94:21

Loŋ be basa e naa kre basa lela ŋkre lubi nsaa kaŋɛ fanɛ basa nɛ b maŋ wora n jija e daga luwu na.

Nshɛ 94:6

Baa mɔ bekulpoche nɛ amunibi nɛ befɔ nɛ b wɔ kasawule na so nna.

Ɛksodɔs 22:21

Ade kikɛ be kaman, k maŋ daga fanɛ men be ekama e wora efɔ kulubi ŋko m mɛaŋ mo, ŋkpal manɛ so, menyi alɛ gba daa la befɔ nna ashi Ijipt be kasawule so.

Ɛksodɔs 22:22

Men saa maa mɛaŋ bekulpoche ŋko amunibi,

Aŋasa 23:10

Sa maa lɔŋɛ egbaŋ to be kedulgijembu dra a yili, ŋko a dɔ a luri amunibi be kasawule to.

Aŋasa 6:17

Kamoowu nɛ kudonduloŋ fɛpo nɛ enɔ nɛ k bee mɔ basa nɛ b maŋ wora n da so,

Aizaaya 1:23

Menyi be bejuŋkparpoana kini fanɛ m maaŋ naa wɔ bumo nseŋ ya ji beyu keteri. B wɔtɔ nna a sɔ ŋkɛ nɛ asɔ basa kutɔ pɔɛŋ nsaa wora asheŋ a sa bumo. B maa kɔ a sa bemunibi ashi demujikpa, ŋko a nya asoe a nu asheŋ ashi bekulpoche kutɔ.

Aizaaya 58:6

Ekishi nɛ k bee par ma a ŋini menyee ka bee shuŋ ma kashenteŋto e la men ka beeŋ lara kanyaŋ nɛ kebaakɔrfɛ basa nɛ b maŋ wora shɛŋ nsaa wɔ kabuti to na nseŋ shin nɛ ekama e nya a wora asheŋ yila yila so.

Aizaaya 58:7

Men baa chige menyi be ajibi to a sa basa nɛ b maŋ kɔ nɛ b ji nsaa sa bumo nɛ b maŋ kɔ edesekpa kakpa nɛ b dese ashi menyi peana. Menyi alɛ e naa chɛ basa nɛ b maŋ kɔ asɔbuuso to, a sa bumo asɔbuuso nsaa maa kini kebaachɛ men kurgepoana to.

Jɛremaya 19:4

Meeŋ shin nɛ le e wora ŋkpal basa na ka kini ma n lɛ nseŋ ya kaa lara esarga a sa agbirana nɛ bumo gbagba ŋko bumo nanaana ŋko Juda bewuraana maŋ nyi shɛŋ a laŋɛ amo be kaplɛa so na nseŋ shin nɛ kakpa ere wora eyurpi daŋkare be ekpa so. B mɔ basa damta nɛ b maŋ wora shɛŋ n nase nfe be kaplɛkama,

Jɛremaya 22:17

Ama fo ere, Jehowakim, kananɛ feeŋ wora m puni, ŋko nyaŋ fo basa n suge bumo be asɔ, ŋko m mɔ basa nɛ b maŋ wora shɛŋ be asheŋ e wɔ fo kagbene nɛ fo nfɛra to.”

Jɛremaya 26:16

Ndoŋ nna nɛ bejuŋkparpoana na nɛ basa na kikɛ kaŋɛ bɔrɛmatapoana na nɛ anebiana na le: “Enyɛnpe, anyi be Ebɔrɛ na be ketre to nɛ kanyɛn ere malga n sa anyi, amoso e maŋ daga luwu.”

Jɛremaya 5:28

nseŋ naa ji a daŋ apurfu na. Bumo be asheŋ lubi maŋ kɔ ekar. B maa sa amunibi asɔ nɛ e daga bumo ŋko a ji a chɛ betirpo nɛ b kɔ kashenteŋto.

Jɛremaya 7:23

N daŋ kaŋɛ bumo nna fanɛ b baa wora ma kasonu, saŋɛ na so meeŋ baa la bumo be Ebɔrɛ nɛ bumo alɛ e baa la ma basa. N daŋ kaŋɛ bumo nna fanɛ b baa wɔ kebaawɔtɔ nɛ n yili n sa bumo na to, saŋɛ na so asheŋ beeŋ baa nite nɛnɛ a sa bumo.

Jɛremaya 9:24

Bekama nɛ baa sha kepuchi, b baa puchi ŋkpal b ka bee shuŋ ma, Enyɛnpe Ebɔrɛ na so. Ŋkpal manɛ so, ma kasha maa chɛrga, kusɔ nɛ k bɔla ekpa nseŋ niŋi nɛ mee wora. Asɔ nɛ e bee par ma nna na. Ma, Enyɛnpe Ebɔrɛ e kaŋɛ na.”

Nfabel 3:36

mo alɛ nsaa nyi jemanɛ nɛ baa ji esa durmu ashi demuji to.

Ezikɛl 18:12

E bee puni betirpo nsaa suge basa. Nɛ esa ta kusɔ ko m ba yili tarma gba e maaŋ naŋ laŋɛ kumo n sa kumo wura. Mo alɛ bee shuŋ agbirana nsaa wora ekishisheŋ.

Ezikɛl 18:7

Amodoŋwura malɛ maa puni ŋko a suge esa, mo alɛ maa sɔ tarma pɔɛŋ nseŋ sa esa mpaŋ. Ade be kaman mo alɛ naa chɛ betirpo to a sa bumo ajibi nɛ asɔbuuso.

Ezikɛl 22:7

Menyi basa nɛ men wɔ kadegboŋ na to na maa sa men tutoana nɛ men nioana bunyaŋ. Menyee puni befɔ nna nsaa kɔrfɛ amunibi nɛ bekulpoche.

Ezikɛl 45:9

Ade be kaman nɛ Enyɛnpetale Ebɔrɛ na naŋ kaŋɛ le: “Fo nɛ fee ji Israɛl so kuwura na wora alubi n chɛr pasaa! Yige fo kebagato nɛ kanyaŋ be asheŋ na nsaa wora kusɔ nɛ k daga nseŋ bɔla ekpa. A maŋ daga fanɛ fo naŋ ju ma basa n lar bumo be kasawule so kikɛ. Ma, Enyɛnpetale Ebɔrɛ na e naa kaŋɛ fo le na.

Jowɛl 3:19

Ijipt be kasawule beeŋ ki kiyi to chil, kakpa nɛ basa maaŋ baa wɔ, nɛ Edɔm be kasawule malɛ kikɛ e jija ŋ ki keshishɛrsawule ŋkpal b ka kɔ Juda be efuli so ebi kena nseŋ mɔ basa nɛ b maŋ wora alubi na so.

Levitikɔs 19:15

Men baa kɔ kashenteŋji nsaa ji asheŋ nɛ amo be ekpa so ashi men be demuji kikɛ to. Men sa maa kpɛa betirpo to ŋko a ŋana damawuraana.

Eemɔs 5:15

Men kishi kulubi, nsaa wora kelela. Men baa kɔ a fin asheŋ be keji nɛ amo be ekpa so ashi men be edemujikpa. Ashere Enyɛnpetale na beeŋ wu efuli ere be bekama nɛ b kraa wɔ ŋkpa to ere kuwɔr.

Eemɔs 5:24

Ama men shin nɛ kebaaji asheŋ nɛ amo be ekpa so e baa du fanɛ kabombi nɛ k teŋi a shile nɛ men be kebaawɔtɔ niŋiso malɛ e baa du fanɛ lɔr nɛ k maa wɔlto kikɛ na.

Maika 3:11

Kadegboŋ na be bejuŋkparpoana bee sɔ asɔ basa kutɔ nna pɔɛŋ nsaa ji bumo be asheŋ a sa bumo. Bɔrɛmatapoana nɛ anebiana na malɛ bee sɔ amansherbi nna pɔɛŋ nsaa ŋini mbraana na ŋko a wu abɔrɛsheŋ a kaŋɛ basa. Kumo be kaman nɛ b kilgi ŋ kaŋɛ le: “Enyɛnpe Ebɔrɛ na wɔ anyi kutɔ, amoso shɛŋ maaŋ tiŋ n wora anyi.”

Maika 6:8

Ayai, Enyɛnpe Ebɔrɛ na teŋ kaŋɛ anyi kusɔ nɛ k walɛ. Kusɔ nɛ e bee fin anyi kutɔ e la, kebaawora asheŋ nɛ amo be ekpa so nɛ kebaa ŋini kasha nsaa kɔ kamubrase a nu a sa mo.

Malakai 3:5

Enyɛnpetale yɛ: “Mee ba nɛ m ba ji ŋkilgiwuraana nɛ basa nɛ baa ji kesakalea nɛ bumo nɛ baa ji efɛ be eshɛda nɛ bekama nɛ baa puni bumo be beshumpo kakɔka to na nɛ bumo nɛ baa tɔrɔ bekulpoche nɛ amunibi nɛ befɔ nɛ bumo nɛ b maŋ kɔ bunyaŋ n sa ma na demu.”

Matiu 23:23

Mbraŋinipoana nɛ Efarisiana, asheŋ maaŋ nyalɛ n sa menyi kikɛ, kebirkɔnshiwuraana ere. Menyee kaa lara men be eposɔ fanɛ albasa nɛ egabu nɛ ashiibi gba so be kudukudusopo a sa Ebɔrɛ, ama men kini kewora mbra na to be asɔ nɛ a juŋkpar na, amo e la kebaaji asheŋ nɛ amo be ekpa so nɛ kebaawu kuwɔr nɛ kebaayɛ asheŋ a wora amo na. Le be asɔ ere e daga fanɛ men baa wora nsaa maa gal amo nɛ a ka na gba a lɛ.

Ditɛronɔmi 10:18

Mo ere Enyɛnpe Ebɔrɛ na e naa kuŋ amunibi nɛ bekulpoche nsaa keni befɔ nɛ b wɔ anyi be basa to so, a sa bumo ajibi nɛ asɔbuuso.

Ditɛronɔmi 24:17

Men sa maa mɔn befɔ nɛ amunibi kusɔ nɛ k daga bumo kikɛ. Menyi alɛ e sa maa sɔ ekulpoche be kusɔbuuso a yili tarma pɔɛŋ nsaa sa mo mpaŋ.

Ditɛronɔmi 24:7

Menyi to be ekama nɛ e beeŋ pɛ mo barkasa Israɛl be esa ŋ ki mbe kenya ŋko n fa fanɛ kenya, a daga fanɛ men mɔ esa nɛ e fa mo barkasa na. Kananɛ menyeeŋ wora n lara le be kulubi ere efuli na so nna na.

Ditɛronɔmi 25:1

Nɛ menyi to be benyɔ nya kesheŋ nseŋ yɛr kumo demujikpa nɛ b ji kumo nɛ eko ji m bri mo barkasa,

Ditɛronɔmi 27:19

Nɛ b naŋ kaŋɛ, “Ebɔrɛ be kɔnɔsho beeŋ ba esa kama nɛ e beeŋ mɔn befɔ nɛ amunibi nɛ bekulpoche kashenteŋ na ŋkpal basa nɛ b la so.” Nɛ basa nɛ b yil Ebal be kebee so na e kaŋɛ: ‘Amɛn!’

Jeems 1:27

Kashenteŋ nɛ kagbene koŋwuleso be kebɛso nɛ Ebɔrɛ Etuto na bee sha fanɛ basa e baa kɔ e la kebaachɛ amunibi nɛ bekulpocheana nɛ b wɔ awurfoŋ to to nsaa de mo gbagba be kumu so nɛ durnya to ebi be alubi e sa maŋ jija mo.