Jɛremaya 22:24 - EBƆRƐ BE KAWƆL

²⁴ Nɛ Enyɛnpe Ebɔrɛ na naŋ kaŋɛ ewura Jehowachin nɛ e sɔ mo tuto Ewura Jehowakim so a ji Juda be kuwura na le: “Ŋ ka baa la Enyɛnpe Ebɔrɛ nɛ e bee sa ŋkpa ere, nɛ fo e la kepinibi nɛ mee wɔtɔ ma enɔjiso to a ŋini ma kuwurji be eleŋ gba, ŋ kraa beeŋ pee fo ma keshilbi to n lɛ.

Jɛremaya 22:24 Iomraidhean Croise

2 Bewura 24:12

nɛ ewura Jehowachin nɛ mo nio nɛ mbe mbinyɛnsobiana nɛ mbe ekrachiana nɛ ewurkpa be benimuana na kikɛ tuba n ta bumo be amu n sa Babilɔnebi na. Nebukadneeza be kuwurji be kafɛ burwasopo to nɛ e pɛ ewura Jehowachin n ya ti ebu,

2 Bewura 24:15

Nebukadneeza daŋ shin nna nɛ b pɛ ewura Jehowachin nɛ mo nio nɛ mbe beche nɛ mbe benimuana nɛ Juda be efuli so be bejuŋkparpoana kikɛ n yɔ Babilɔn n ya ti ebu.

1 Kronikɛls 3:16

Jehowakim malɛ daa kɔ mbinyɛnsobi anyɔ. Bumo e la Jehowachin nɛ Zɛdekaya.

2 Kronikɛls 36:9

Jehowachin daa la nfɛ kuduaburwa nna pɔɛŋ nseŋ ki Juda be ewura. Mo alɛ daŋ ji kuwura Jerusalɛm to afɔl asa nɛ nchɛ kudu nna. Mo alɛ gba daŋ wora kulubi nna ŋ gbiti Enyɛnpe Ebɔrɛ na.

Sɔlɔmɔn 8:6

Sa maŋ naŋ sha esa kikɛ n ti ma so. Baa sha ma nawule Kasha kɔ eleŋ nna fanɛ luwu. Kasha beeŋ tiŋ m mɔ esa. Kasha bee suse nna fanɛ edɛ

Aizaaya 49:16

Jerusalɛm, m maaŋ teŋ fo so kikɛ! N sibɛ fo ketre nna n deŋi ma enɔ be epun to so, kumo alɛ maaŋ tiŋ ŋ kpra kikɛ. Fo asheŋ wɔ ma nfɛra to jemanɛ kikɛ nna.

Jɛremaya 13:18

Ade kikɛ be kaman nɛ Enyɛnpe Ebɔrɛ na naŋ kaŋɛ le: “Kaŋɛ ewura nɛ mo nio nɛ b koso bumo be nwurputi so nseŋ gbaŋ bumo be awurwuro lela n nase.

Jɛremaya 22:28

Kumo be kaman nɛ Jɛremaya kaŋɛ le: “Ewura Jehowachin, fo ki fanɛ kapuya bureso nɛ b maa sha nna. Amoso baaŋ ta fo nɛ fo mbia kikɛ n ya lɛ efuli pɔtɛ wɔfɔ nɛ menyi maŋ nyi so.”

Jɛremaya 22:6

Kusɔ nɛ Enyɛnpe Ebɔrɛ na kaŋɛ a laŋɛ Juda be efuli so be ewurkpa be kaplɛa so nde: “Ma ere kutɔ, Juda be ewurkpa walɛ kebita nna fanɛ kananɛ Giliad be kasawule so nɛ Lebanɔn be abee so walɛ kebita na nna. Ama ma alɛ beeŋ shin nɛ k ki kakpa fuloŋ nɛ esa kikɛ maaŋ naa wɔ ndoŋ.

Jɛremaya 24:1

Babilɔn be ewura Nebukadneeza ka pɛ Juda be ewura, Jehowachin nɛ e la ewura Jehowakim pibinyɛn, nɛ Juda be efuli so be benimuana nɛ basa nɛ b nyi enɔ to be ashuŋ nɛ bumo nɛ baa lɔŋɛ asɔ kikɛ n yɔ Babilɔn be efuli so kufɔ kufɔ na be kaman nɛ Enyɛnpe Ebɔrɛ na shin nɛ ŋ ku bɔrɛdare n wu nlantaŋɛ anyɔ nɛ figidibi be asɔrso wɔ amo to a yil Enyɛnpe Ebɔrɛ na be bɔrɛlambu na be anishito.

Jɛremaya 28:4

Ma alɛ beeŋ naŋ bɛta Juda be ewura Jehowachin nɛ e sɔ mo tuto ewura Jehowakim so na nɛ Juda be basa nɛ b pɛ n yɔ Babilɔn be efuli so na kikɛ m ba. Kashenteŋto, meeŋ jija Babilɔn be ewura be eleŋgboŋ nɛ e kɔ na. Ma, Enyɛnpe Ebɔrɛ na e kaŋɛ.”

Jɛremaya 29:2

B ka pɛ ewura Jehowachin nɛ mo nio nɛ ewurkpa be ekrachiana nɛ Jerusalɛm to nɛ Juda be efuli so be benimuana nɛ basa nɛ b nyi enɔ to be ashuŋ kikɛ n yɔ kenyaya to na be kaman, nɛ n sibɛ kawɔl na.

Jɛremaya 37:1

Babilɔn be ewura Nebukadneeza daŋ lara ewura Jehowakim pibinyɛn Jehowachin kuwura to nna nseŋ buu ewura Josaya pibinyɛn, Zɛdikaya Juda be efuli so be kuwura.

Heegai 2:23

Ama kaŋɛ ma kayɛrbi Zerubabel fanɛ ma, Enyɛnpetale Ebɔrɛ na e lara mo nɛ e ji kuwura ma ketre to.” Ma, Enyɛnpetale Ebɔrɛ na e malga na.