Jɛremaya 22:20 - EBƆRƐ BE KAWƆL

²⁰ Jerusalɛm to be basa, efuliana nɛ men yirda na kɔ n tɔr nsaa maŋ naa kɔ eleŋ. Amoso men yɔ Lebanɔn be efuli so, nɛ Bashan be kasawule so n ya shu anishichubi; nseŋ dii Mowab be abee so n ya shu awɔrso ndoŋ.

Jɛremaya 22:20 Iomraidhean Croise

2 Bewura 24:7

Babilɔn be ewura daŋ kɔ m pɔɔ Ijipt be ewura Neeko so nna nseŋ sɔ kasawule nɛ k yili Yufreetes be lɔrgboŋ na n ya fo Ijipt be kelargato to be esoso be kaba so na nna, amoso Ijipt be ewura nɛ mbe benapo daa maŋ naŋ lar Ijipt n ya kɔ Juda kena kikɛ.

Aizaaya 57:13

Men kaa shu a fin kechɛto, men shin nɛ menyi be agbirana e mɔlga menyi! Ama afu fimbi e naŋ ber amo n lɛ. Bekama nɛ b yirda ma e naaŋ chena kasawule na so nseŋ shuŋ ma ashi ma bɔrɛlambu to ashi ma kebee cheembi na so.”

Jɛremaya 2:25

Israɛl be basa, men yige kebaaju a buu agbirana so nɛ menyi be asɛbta e sa maŋ ji n loge ŋ ka menyi be aya fuloŋ, ŋko nɛ menyi be ebɔl to e sa maŋ wɔl to. Ama le nɛ men kaŋɛ: ‘Ayai, anyi maaŋ tiŋ n yige amo be kebaa shil a bɛ so. Anyee sha agbir pɔtɛana na nna ga, amoso nɛ anyee shuŋ amo kenishipereso na.’ ”

Jɛremaya 2:36

Men paŋ anishinyɔr nseŋ ya kaa shuŋ efuli pɔtɛana so be agbirana. Kananɛ Asiriya be efuli so be agbirana maŋ tiŋ n chɛ menyi to na, aloŋ nɛ Ijipt be efuli be agbirana gba maaŋ tiŋ n chɛ menyi to.

Jɛremaya 2:37

Menyeeŋ ji anishinyɔr nseŋ ta menyi be enɔana n deŋi amu so n shu n lar Ijipt be efuli so fanɛ basa nɛ b kɔ kena n tɔr na. Ŋkpal manɛ so, ma Enyɛnpe Ebɔrɛ na kini basa nɛ men yirda na nna n lɛ. Amoso menyi maaŋ nya kechɛto kikɛ bumo kutɔ.”

Jɛremaya 22:22

Naniere menyeeŋ ji anishinyɔr ŋkpal menyi be alubi so. K beeŋ wora menyi fanɛ afu ka ber menyi be bejuŋkparpoana n yɔ, nɛ bedoŋ ba pɛ efuli pɔtɛana nɛ men daŋ yirda na be basa n yɔ efuli pɔtɛ wɔfɔ so nna.

Jɛremaya 25:9

meeŋ shuŋi n tre efuliana nɛ e wɔ kelargato be esoso be kaba so na be basa kikɛ nɛ ewura Nebukadneeza nɛ e la Babilɔn be efuli so be ewura nɛ ma kenya na, nɛ b ba kɔ Juda nɛ efuliana nɛ e kulti ndoŋ na kikɛ kena m mur. Ndoŋ beeŋ mur a dese loŋ mbaanaayɔ nɛ k chinchiŋ ekama nɛ e beeŋ wu amo, ama b kraa beeŋ baa wora menyi eyurto. Ma, Enyɛnpe Ebɔrɛ e kaŋɛ na.

Jɛremaya 3:1

Nɛ Enyɛnpe Ebɔrɛ kaŋɛ Israɛl be basa na le: “Nɛ enyɛn baaŋ kini mbe eche nɛ eche na ya kil enyɛn pɔtɛ, loŋ be eche na maaŋ naŋ tiŋ m bɛta n yɔ mo kul dra na kutɔ. Nɛ e wora loŋ kasawule na beeŋ wora eyurpi daŋkare be ekpa so. Ama menyi Israɛl be basa kɔ agbir damta nɛ e chɔ sakaleche be benyɛnana gba. Nɛ manɛ so nɛ ma ere beeŋ naŋ sɔ menyi?

Jɛremaya 4:30

Jerusalɛmebi, menyi be kasawule mur cheche nna na. Ama men kraa wora asheŋ nna a fin fanɛ men doŋana e baa sha menyi; fanɛ kananɛ sakaleche bee ji kebita a fin beshapo na. Ama kumo alɛ maŋ chɛ menyi to kikɛ, ŋkpal manɛ so menyi be beshapo na bee fin menyi nɛ b mɔ nna.

Nfabel 1:19

An kela n tre basa nɛ anyi nɛ bumo kre fanɛ anyeeŋ baa chɛ abar to kena be jemanɛ, ama b kini keba chɛ anyi to. Bɔrɛmatapoana na nɛ bejuŋkparpoana na daŋ fin ajibi nɛ b ji kadegboŋ na to ŋ gben nseŋ wu n dese agbembi so.

Nfabel 1:2

Kanyɛso kikɛ, kumo to be basa bee shu nna nɛ anishichubi bee pɔ bumo be ŋgbuŋ. Kumo beshapo kikɛ maŋ naa wɔtɔ nɛ b lolo kumo n wushi kumo kagbene. Kumo teriana kikɛ lar kumo kaman nseŋ debɔr kumo, naniere b ki kumo be bedoŋ nna.

Ezikɛl 23:22

Amoso kusɔ nɛ ma, Enyɛnpetale Ebɔrɛ na bee kaŋɛ Oholiba nɛ fo yili n sa Jerusalɛm na e la fanɛ meeŋ shin nɛ fo jipoana nɛ bumo be asheŋ fi fo ere e nya agbo n wɔtɔ fo nseŋ ba kulti fo n wɔtɔ fanɛ bedoŋ na.

Ezikɛl 23:9

Amoso nɛ n kini mo n sa mo jipoana nɛ e daa sha ga ashi Asiriya be efuli so na.

Ezikɛl 27:6

Kedibi gboŋgboŋi nɛ b ku ashi Bashan be efuli so n shɛl ebaŋɛ; Ndibi kpakpaso fanɛ chɛchɛdibi nɛ b ku ashi Saiprus be efuli so n wora fo kaseto Nseŋ baŋɛ ejebotenyi n fɛga n fɛga amo to nɛ a baa walɛ.

Nɔmbɛs 27:12

Kachako nɛ Enyɛnpe Ebɔrɛ kaŋɛ Mosis le: “Dii abeegboŋ nɛ baa tre Abarim na be esoso ŋ keni kasawule nɛ n ta n sa Israɛlebi na.

Ditɛronɔmi 32:49

“Yɔ abee nɛ baa tre Abarim nɛ a wɔ Mowabebi be kasawule so nseŋ shoŋi kadegboŋ nɛ baa tre Jɛriko na so n ya dii kebeegboŋ nɛ baa tre Nebo na n yili kumo so n to kenishi ŋ keni kasawule nɛ mee sha keta n sa Israɛlebi na.