Jɛremaya 22:18 - EBƆRƐ BE KAWƆL

¹⁸ Ama kusɔ nɛ Enyɛnpe Ebɔrɛ na kaŋɛ a laŋɛ Ewura Josaya pibinyɛn Jehowakim, nɛ fo la Juda be ewura na be kaplɛa so nde. E yɛ: “Esa kama maaŋ shu fo keeli ŋko ŋ kaŋɛ le: ‘Wooyo, n teri lela!’ Esa kikɛ maaŋ shu anishichubi ŋko m bugi kɔnɔ n shu ŋkpal fo so ŋ kaŋɛ le: ‘O n nyɛnpe! O ma ewura!’

Jɛremaya 22:18 Iomraidhean Croise

2 Samuɛl 1:26

N sipo Jonatan, fo shin nɛ kagbenejija gboŋgboŋi tɔr ma so; ŋkpal fo kasha nɛ fo kɔ n sa ma so; Fo daa sha ma a chɔ kananɛ eche bee sha mo kul.

1 Bewura 13:30

Kakpa nɛ baa puli anebi nimuso na be kanaŋ to ebi nɛ e ya puli mo nɛ mo nɛ mbe mbinyɛnsobi shu mbe keeli ga ŋ kaŋɛ le: “O n niopibi. An niopibi Ebɔrɛ e yɔɔ fo nchaŋ.”

2 Bewura 23:36

Jehowakim daa la nfɛ adunyɔ nɛ anu nna pɔɛŋ nseŋ ki Juda be ewura nseŋ ji kuwura Jerusalɛm to nfɛ kudukako. Mo nio e daa la Zɛdida nɛ e la Pɛdaya nɛ e shi Ruma be kade to na pibiche.

2 Bewura 23:6

E daŋ lara kegbirche Ashira be kapɔrduli na Enyɛnpe Ebɔrɛ be bɔrɛlambu na to nna n ta kumo n lar kade na to yɔ Kidrɔn be ketaŋɛ na to n ya chɔɔ kumo nseŋ bɛa kumo to nɛ k ki fanɛ nyifu nɛ e ta amo n lɛ basa be nchaŋana so.

2 Bewura 24:6

Ewura Jehowakim ka wu, mo pibinyɛn Jehowachin e daŋ sɔ mo so n ji kuwura.

1 Kronikɛls 3:15

Josaya daa kɔ mbinyɛnsobi ana nna. Bumo e la Johanan nɛ Jehowakim nɛ Zɛdekaya nɛ Shallɔm.

2 Kronikɛls 35:25

Ndoŋ nna nɛ anebi Jɛremaya wora ewura Josaya be keeli be kashɛ. Israɛl be benyɛn nɛ beche kra boŋ kashɛ na a nyiŋi ewura Josaya be luwu saŋkama. Loŋ be kashɛ na wɔ Israɛlebi be nli be nshɛ be kawɔl to.

2 Kronikɛls 36:5

Jehowakim daa la nfɛ adunyɔ nɛ anu nna pɔɛŋ nseŋ ki Juda be ewura nseŋ ji kuwura Jerusalɛm to nfɛ kudukako. E daŋ wora alubi nna ŋ gbiti Enyɛnpe mbe Ebɔrɛ na.

Jɛremaya 16:4

Alɔ nɛ kena nɛ akoŋgboŋ beeŋ mɔ bumo, nɛ ekama maaŋ shu bumo be nli ŋko m puli bumo gba kuraa. Bumo be kebuniana beeŋ dese ŋ ki keji n sa mbuibi nɛ kupuŋ to be asɔbɔya.

Jɛremaya 16:6

Betirpo nɛ damawuraana kikɛ beeŋ wu kasawule ere so, nɛ esa kikɛ maaŋ shu bumo be nli ŋko m puli bumo gba kuraa. Menyi to be ekama maaŋ ku mbe eyur ŋko n she mbe emin a ŋini fanɛ mbe kagbene jija mo ŋkpal esa ko ka wu so.

Jɛremaya 21:11

Kede be kaman nɛ Enyɛnpe Ebɔrɛ naŋ kaŋɛ ma fanɛ n ta kubɔya ere n sa Ewura Deevid be kaman to ebi nɛ baa ji kuwura Juda be efuli so na. E yɛ: “Men nu kusɔ nɛ ma, Enyɛnpe Ebɔrɛ na bee kaŋɛ ere. Men baa ji asheŋ nɛ amo be ekpa so karechɛ kikɛ nsaa kuŋ bekama nɛ bumo braana bee puni bumo na. Nɛ men kini kebaawora loŋ, asheŋ lubi nɛ menyee wora ere beeŋ shin nɛ ma agbo e suse fanɛ edɛ nɛ e maaŋ tiŋ n duŋ kikɛ na.

Jɛremaya 22:10

Juda be basa men sa maŋ shu ŋkpal ewura Josaya ka wu so. Ama menyeeŋ tiŋ n shu ga ŋkpal mo pibinyɛn, ewura Jehowahaz nɛ b pɛ a yɔ efuli pɔtɛ wɔfɔ so nɛ e maaŋ naŋ bɛta m ba ŋko n wu kasawule nɛ b kurge mo kumo so na so.

Jɛremaya 34:5

Feeŋ wu kayurwushi so nɛ b puga ndishiŋ n shu fo keeli m a ŋini bunyaŋ nɛ b kɔ a sa fo. Baaŋ shu fo keeli fanɛ kananɛ b shu fo nananyɛnana nɛ b daa la bewura nseŋ wu na be nli na. Baaŋ baa shu fo keeli a kaŋɛ: ‘Anyi be ewura e wu! Anyi be ewura e wu o!’ Ma, Enyɛnpe Ebɔrɛ e kaŋɛ na.”

Jɛremaya 36:30

To, naniere ma Enyɛnpe Ebɔrɛ na bee kaŋɛ fo, Ewura Jehowakim nna fanɛ fo kaman to ebi be esa kikɛ maaŋ naŋ chena men nananyɛn, ewura Deevid be kuwurputi so n ji kuwura. Baaŋ ta fo kebuni n lɛ kakpa nɛ k beeŋ dese nɛ epeŋi a ŋmɛa kumo kapaso nɛ bunyaŋ wushiso malɛ e tɔr kumo so kanyɛso.