Jɛremaya 22:15 - EBƆRƐ BE KAWƆL

^15-16 Fo keta sida be ndibi damta m pɔr fo ewurkpa maa shin nɛ fee ki ewura lela a chɔ fo tuto Josaya. Mo ere daa wora asheŋ niŋiso nna. Kumo e la fanɛ e daa ji asheŋ nɛ amo be ekpa so nna a sa betirpo nseŋ daa la kashenteŋjipo. Kusɔ nɛ k bee ŋini fanɛ esa nyi ma kashenteŋto nna na. Amoso nɛ kebaawɔtɔ daŋ nyalɛ n sa fo tuto, nɛ e daa nya a ji nsaa nuu yila yila so nna na.

Jɛremaya 22:15 Iomraidhean Croise

2 Samuɛl 8:15

Saŋɛ nɛ Deevid daa la Israɛl be efuli so kikɛ be ewura na, e daa ji asheŋ nɛ amo be ekpa so nna nsaa wora asheŋ nɛ a niŋi.

1 Bewura 10:9

Kemaŋkura e baa la Enyɛnpe fo Ebɔrɛ na peya. Mbe kagbene fuli fo so ga nna so nɛ e ta fo ŋ ki Israɛlebi be ewura nɛ fo baa ji bumo so eleŋ. Ŋkpal kasha nɛ e kɔ n sa mbe basa Israɛlebi na ka maŋ kɔ ekar so, nɛ e ta fo ŋ ki bumo be ewura nɛ fo baa ji asheŋ nɛ amo be ekpa so nsaa wora asɔ nɛ a niŋi ekpa a sa bumo na.”

2 Bewura 22:2

E daa wora asheŋ nɛ a niŋi ashi Enyɛnpe Ebɔrɛ be anishito nna nsaa bɛ mo nananyɛn ewura Deevid be aya so nɛ Ebɔrɛ be mbra na kikɛ so dede.

2 Bewura 23:25

Bewura nɛ b juŋkpar Josaya nɛ bekama nɛ b bɛ mo so na be ekama daa maŋ bɛ Mosis be mbra na so kenishipereso fanɛ mo.

1 Kronikɛls 3:15

Josaya daa kɔ mbinyɛnsobi ana nna. Bumo e la Johanan nɛ Jehowakim nɛ Zɛdekaya nɛ Shallɔm.

2 Kronikɛls 34:2

E daa wora asheŋ nɛ a niŋi ashi Enyɛnpe Ebɔrɛ be anishito nna nsaa bɛ mo nananyɛn ewura Deevid be aya so nɛ Ebɔrɛ be mbra na kikɛ so dede.

2 Kronikɛls 35:22

Ama ewura Josaya bre daŋ baa yili kena na be kekɔ so nna. E daŋ kini kenu kusɔ nɛ Ebɔrɛ bɔla ewura Neeko so ŋ kaŋɛ na nna nseŋ chɛrga mbe asɔbuuso n yɔ Magido be kepla na so n ya kɔ ewura Neeko kena.

2 Kronikɛls 35:26

Ewura Josaya be kananɛ e ta mbe kumu m bɔɔ Enyɛnpe Ebɔrɛ enɔ nɛ kananɛ e daa wora kasonu a sa Enyɛnpe be mbra na,

Aŋasa 20:28

Kashenteŋji nɛ kasha e naa shin nɛ bewura bee ji a chɛr.

Aŋasa 21:3

Kewora kusɔ nɛ k niŋi nɛ kashenteŋji bee par Enyɛnpe Ebɔrɛ a chɔ sarga be kelara.

Aŋasa 25:5

Lara besoetojipo lubi ashi ewura kutɔ nɛ e ji kuwura ekpa niŋiso so.

Aŋasa 29:4

Ewura nɛ e bee ji kashenteŋ be efuli kɔ eleŋ nna, ama emo nɛ e kɔ kejimuni nsaa sɔ brɔbu bre be efuli bee bure nna.

Aŋasa 31:9

Baa ji demu nɛ kumo be ekpa so a sa betirpo nɛ bumo nɛ b maŋ la shɛŋ na.

Kaŋinichiŋgeliŋ 10:17

Ama efuli kama nɛ kumo be ewura bee ta mo gbagba be nfɛra a wora asheŋ nɛ kumo be bejuŋkparpo malɛ bee ji jemanɛ k daga nsaa tiŋ a keta bumo be amu a maa boo nsa bre wora kumulela.

Kaŋinichiŋgeliŋ 2:24

Kusɔ nɛ ekama baa wora e la kebaa ta mbe kanya a ji a nuu nsaa ji mbe kumu. Ama ade kikɛ be nfɛra nɛ n fɛ nseŋ wu fanɛ amo kikɛ bee shi Ebɔrɛ kutɔ nna.

Aizaaya 3:10

Kaŋɛ basa nɛ b niŋi na fanɛ asheŋ beeŋ nite nɛnɛ n sa bumo ere. Baaŋ nya bumo be kegben be tɔnɔ.

Aizaaya 33:16

Aloŋ e naaŋ shin nɛ men nya menyi be amu, nsaa du fanɛ basa nɛ b wɔ ebu lempo jeŋgreŋ nɛ k bee kuŋ basa na to. Menyi alɛ beeŋ naa nya a ji nsaa nuu yila yila so jemanɛ kikɛ.

Aizaaya 9:7

Mbe kuwurji be eleŋgboŋ beeŋ baa wora keshi a ti so; mbe kuwurji beeŋ baa kɔ kayurwushi jemanɛ kikɛ. E beeŋ ji kuwura fanɛ ewura Deevid be kanaŋ to be esa, nseŋ shin nɛ mbe eleŋgboŋ e baa yil kashenteŋ nɛ kusɔ nɛ k daga so. K beeŋ fara naniere hale mbaanaayɔ. Enyɛnpetale Ebɔrɛ na gbagba e naŋ shin nɛ ade kikɛ e wora.

Jɛremaya 22:18

Ama kusɔ nɛ Enyɛnpe Ebɔrɛ na kaŋɛ a laŋɛ Ewura Josaya pibinyɛn Jehowakim, nɛ fo la Juda be ewura na be kaplɛa so nde. E yɛ: “Esa kama maaŋ shu fo keeli ŋko ŋ kaŋɛ le: ‘Wooyo, n teri lela!’ Esa kikɛ maaŋ shu anishichubi ŋko m bugi kɔnɔ n shu ŋkpal fo so ŋ kaŋɛ le: ‘O n nyɛnpe! O ma ewura!’

Jɛremaya 22:3

E yɛ: “Ma, Enyɛnpe Ebɔrɛ na e naa kaŋɛ menyi kenishipereso na fanɛ men baa wora asheŋ nɛ e bɔla ekpa so nseŋ niŋi. Men baa kuŋ basa nɛ bumo braana bee puni bumo na nɛ b sa maa nya a puni bumo. Menyi alɛ e sa maa mɛaŋ ŋko a kɔrfɛ befɔ ŋko amunibi ŋko bekulpoche. Men sa maa mɔ basa nɛ b maŋ wora shɛŋ ashi kakpa cheembi ere.

Jɛremaya 23:5

Nɛ Enyɛnpe Ebɔrɛ na naŋ kaŋɛ le: “Kachako bee ba nɛ n lara ewura nɛ e niŋi nseŋ shi Ewura Deevid be kanaŋ to. Loŋ be ewura na beeŋ ta kanyiasheŋ n ji kuwura, nseŋ wora asheŋ niŋiso ashi ekpa nɛ k daga so ashi kasawule na kikɛ so.

Jɛremaya 42:6

Kusɔ kama nɛ e beeŋ kaŋɛ anyi na, k par anyi nɛ k maŋ par anyi gba, anyeeŋ wora Enyɛnpe, anyi be Ebɔrɛ nɛ fee kule mo a sa anyi na kasonu, saŋɛ na so asheŋ beeŋ nite nɛnɛ n sa anyi.”

Jɛremaya 7:5

Nɛ menyeeŋ chɛrga menyi be kebaawɔtɔ nɛ kesheŋ wora, kumo ere ma alɛ maaŋ shin nɛ shɛŋ e wora menyi. Men baa ji kashenteŋ a sa abar nsaa maa kpɛa to.

Luuk 11:41

Kusɔ nɛ k daga kewora e la men ka bee ta asɔ ashi menyi be ekpanjawu to a kɛ betirpo nɛ kusɔ kama e nyalɛ n sa menyi.

Ashuŋ Shunso 2:46

Karechɛ kama malɛ b daa shɛr bɔrɛlambu na to nna kɔnɔkoŋwuleso nseŋ naa shɛr abarana pe nchɛ nchɛ a ji ajibi kagbenewushiso nɛ kɔnɔkoŋwuleso nsaa di Ebɔrɛ epaŋ.

1 Kɔrintebi 10:31

Amoso, nɛ fee ji ŋko fee nuu nna ŋko kusɔ kama nɛ fee wora, wora amo kikɛ nɛ Ebɔrɛ e nya kemaŋkura.

Ditɛronɔmi 4:40

Men baa wora mbe mbraana kikɛ nɛ mee sa menyi kabre ere kasonu, nɛ asheŋ a nyalɛ n sa menyi nɛ menyi be kaman to ebi kikɛ. Kumo be kaman nɛ men chena kasawule nɛ Enyɛnpe, menyi be Ebɔrɛ na bee ta a sa menyi na so mbaanaayɔ.”