Jɛremaya 22:13 - EBƆRƐ BE KAWƆL

^13-14 Nɛ Enyɛnpe Ebɔrɛ na kaŋɛ ma fanɛ ŋ kaŋɛ Juda be ewura popɔr, Jehowakim le: “Asheŋ maaŋ nyalɛ n sa fo, ŋkpal manɛ so, fo bɔla ekpa lubi so nna m pɔr fo ewurkpa nseŋ pɔr ebu gboŋgboŋiana kumo be awɔlto na. Kumo be kaman nɛ fo wɔtɔ etokurogboŋ nseŋ buu kumo so n ta ndibi nɛ baa tre sida na n tato, nseŋ naŋ ta asɔ nyɔɔso peper n nyɔɔ kowu na. Ama fo alɛ daŋ maŋ wora nɛnɛ. Fo daŋ tintiŋ bepɔrpo na nna nɛ b shuŋ nɛ fo kini keka bumo.

Jɛremaya 22:13 Iomraidhean Croise

2 Kronikɛls 36:4

Ewura Neeko daŋ shin nna nɛ Jehowahaz mo da Eliakim ki Juda be ewura nɛ e chɛrga mbe ketre ŋ ki Jehowakim. E daŋ ta Jehowahaz nna n yɔ Ijipt be efuli so n ya ti ebu.

2 Kronikɛls 36:5

Jehowakim daa la nfɛ adunyɔ nɛ anu nna pɔɛŋ nseŋ ki Juda be ewura nseŋ ji kuwura Jerusalɛm to nfɛ kudukako. E daŋ wora alubi nna ŋ gbiti Enyɛnpe mbe Ebɔrɛ na.

Job be kawɔl 31:39

ŋko nɛ fanɛ n ji adɔjibi nɛ e wora kasawule na so na kikɛ nna nsaa maŋ sa beshumpo nɛ b dɔ amo na,

Aizaaya 5:8

Asheŋ maaŋ nyalɛ n sa menyi! Menyi bee tɔ nwu nɛ nsawule damta a ti amo nɛ men chɛr a kɔ so nna. K maaŋ chɛr nɛ kakpa maaŋ naa wɔtɔ nɛ esa kikɛ e naaŋ ba chena so. Menyi nawule e naaŋ ka kasawule na so.

Jɛremaya 17:11

Esa kama nɛ e bee puni a nya amansherbi du fanɛ kabuibi nɛ e bee pugi afule nɛ e maŋ to so nna. Jemanɛ nɛ e beeŋ daŋ n yili na nɛ e beeŋ paŋ amansherbi na, kumo be lalaloge nɛ e ki fanɛ ewulpo.

Jɛremaya 22:18

Ama kusɔ nɛ Enyɛnpe Ebɔrɛ na kaŋɛ a laŋɛ Ewura Josaya pibinyɛn Jehowakim, nɛ fo la Juda be ewura na be kaplɛa so nde. E yɛ: “Esa kama maaŋ shu fo keeli ŋko ŋ kaŋɛ le: ‘Wooyo, n teri lela!’ Esa kikɛ maaŋ shu anishichubi ŋko m bugi kɔnɔ n shu ŋkpal fo so ŋ kaŋɛ le: ‘O n nyɛnpe! O ma ewura!’

Levitikɔs 19:13

Sa maŋ kaŋ ji fo barkasa durmu ŋko n suge mo. Sa maŋ kaŋ mɔn esa nɛ fo ber paa mbe kakɔka, sa maŋ shin nɛ kare a chɛ kumo so gba.

Maika 3:10

Kumukpakpaso nɛ kamɔ nɛ men ta ŋ ki menyi be karechɛ kikɛ be kebaawɔtɔ ashi Ebɔrɛ be kadegboŋ nɛ baa tre Jerusalɛm na to.

Habakuk 2:12

Asheŋ maaŋ nyalɛ n sa menyi, ŋkpal men ka ta kulubi n tɔl menyi be kadegboŋ nseŋ ta basa be kamɔ m pɔr kumo n ya loge so.

Malakai 3:5

Enyɛnpetale yɛ: “Mee ba nɛ m ba ji ŋkilgiwuraana nɛ basa nɛ baa ji kesakalea nɛ bumo nɛ baa ji efɛ be eshɛda nɛ bekama nɛ baa puni bumo be beshumpo kakɔka to na nɛ bumo nɛ baa tɔrɔ bekulpoche nɛ amunibi nɛ befɔ nɛ bumo nɛ b maŋ kɔ bunyaŋ n sa ma na demu.”

Ditɛronɔmi 15:13

Nɛ menyi alɛ baŋ yige bumo fanɛ b baa yɔ, men sa maŋ shin nɛ b ta enɔfuloŋ a yɔ.

Jeems 5:4

Basa nɛ men shin nɛ b dɔ menyi, men kini keka bumo nɛ baa shu a ŋini basa kikɛ, bumo nɛ men ber paa nɛ b teŋi men be asɔ na gba be eyur nyaŋ bumo nɛ baa shu, bumo be kushu na malɛ luri Ebɔrɛ be asoe to.