Jɛremaya 22:11 - EBƆRƐ BE KAWƆL

^11-12 Ŋkpal manɛ so, kusɔ nɛ Enyɛnpe Ebɔrɛ na kaŋɛ a laŋɛ Jehowahaz nɛ e la ewura Josaya pibinyɛn nseŋ daŋ ba sɔ mo tuto so n ji kuwura ashi Juda be efuli so na be kaplɛa so nde. E yɛ: “Ma, Enyɛnpe Ebɔrɛ na e nase kɔnɔ fanɛ e beeŋ ya wu ndoŋ nsaa maaŋ naŋ wu mo gbagba be kasawule kenishiso kikɛ.”

Jɛremaya 22:11 Iomraidhean Croise

2 Bewura 23:29

Ewura Josaya be kuwurji be jemanɛ so nɛ Ijipt be efuli so be ewura Neeko keta mbe benapo m bɔla kelargato be esoso be kaba so n yɔ Yufreetes be Lɔrgboŋ na ase nɛ e ya chɛ Asiriya be efuli to ŋ kɔ. Ndoŋ nna nɛ ewura Josaya keta mbe benapo n lar nɛ b ya kɔ ewura Neeko kena. B ka bee kɔ kena na ashi Majido nɛ b mɔ ewura Josaya ndoŋ.

2 Bewura 23:30

Ndoŋ nna nɛ mbe benimuana na ta mbe kebuni n wɔtɔ gbaŋɛturko to n yɔ Jerusalɛm n ya puli mo gbagba be nchaŋ nɛ e kur to. Kumo be kaman nɛ Juda be basa duga ŋku n wurge mo pibinyɛn Jehowahaz be kumu so n lara mo nɛ e ki Juda be ewura.

2 Bewura 23:31

Jehowahaz daa la nfɛ adunyɔ nɛ asa nna pɔɛŋ nseŋ ji Juda be kuwura nseŋ ji kuwura afɔl asa ashi Jerusalɛm to. Mo nio e daa la Hamutal nɛ e la Jɛremaya nɛ e shi Libna na pibiche.

2 Bewura 23:34

Ewura Neeko daŋ shin nɛ Josaya pibinyɛn Eliakim ki Juda be ewura nna nɛ e chɛrga mbe ketre ŋ ki Jehowakim. Ewura Neeko daŋ keta Jehowahaz bre nna n yɔ Ijipt be efuli so nɛ e ya wu ndoŋ.

1 Kronikɛls 3:15

Josaya daa kɔ mbinyɛnsobi ana nna. Bumo e la Johanan nɛ Jehowakim nɛ Zɛdekaya nɛ Shallɔm.

2 Kronikɛls 28:12

Loŋ be saŋɛ na gbagba nɛ Azariya nɛ e la Jehohanan pibinyɛn na nɛ Bɛrekaya nɛ mo alɛ la Mɛshillemɔf pibinyɛn na nɛ Jehizkia nɛ e la Shallɔm pibinyɛn na nɛ Amasa nɛ mo alɛ la Hadlai pibinyɛn nɛ b la Israɛl be benimu ana na gba ba kaŋɛ fanɛ Israɛl be benapo na maŋ wora n nyalɛ.

2 Kronikɛls 34:22

Ndoŋ nna nɛ Hilkiya nɛ basa nɛ ewura na shuŋi na yɔ anebiche nɛ baa tre Hulda nɛ e wɔ Jerusalɛm be kelargato be esoso be kaba so na kutɔ. Hulda mo kul Shallum nɛ e la Tikva pibinyɛn nsaa la Hahas mo nanabi na e daa keni bɔrɛlambu na be epiŋi so. B daŋ kaŋɛ anebi na kusɔ nɛ k wora kikɛ nna,

Jɛremaya 22:27

Menyi beeŋ baa sha kebɛta m ba men gbagba be efuli so, ama menyi alɛ maaŋ naŋ tiŋ m bɛta m ba.”

Zefanaiya 1:1

Jemanɛ nɛ Ammɔn pibinyɛn Josaya daa la Juda be ewura na, nɛ Enyɛnpe Ebɔrɛ na ta kubɔya ere n sa Zefanaiya nɛ e la Kushi pibinyɛn na. Kushi mo tuto e daa la Gedaliya nɛ mo alɛ mo tuto daa la ewura Hɛzekaya pibinyɛn Amariya.