Jɛremaya 21:7 - EBƆRƐ BE KAWƆL

⁷ Ama fo nɛ fo benimuana nɛ basa nɛ baaŋ ji efute ashi kena na nɛ akoŋ na nɛ alɔ lubi na to na bre, Babilɔn be ewura Nebukadneeza nɛ men doŋana nɛ baa sha kemɔ menyi na beeŋ pɛ menyi fanɛ anya nɛ ewura Nebukadneeza e ya mɔ menyi. E maaŋ yige menyi be ekoŋwule gba ŋko n wu menyi kuwɔr ŋko n shu menyi so. Ma, Enyɛnpe Ebɔrɛ na e kaŋɛ na.”

Jɛremaya 21:7 Iomraidhean Croise

Aizaaya 27:11

Kumo to be ndibi be ayabi bee wɔl nna a buri a tɔr nɛ beche bee kil amo a puga edɛ. Ŋkpal basa na ka maŋ pin asheŋ to na so, Ebɔrɛ nɛ e to bumo na maaŋ wu bumo kuwɔr ŋko n shu bumo so.

Aizaaya 47:6

N daŋ nya agbo n wora ma basa nna, nseŋ daŋ wora bumo fanɛ b ka maŋ naa la ma basa. Ŋkpal loŋ so nɛ n ta bumo m bɔɔ menyi enɔ, menyi alɛ daa maŋ wu bumo kuwɔr. Men daa ŋmenyaŋ bumo to be basakpar na gba nna.

Jɛremaya 13:14

Kumo be kaman nɛ n ta bumo ŋ ŋmɛa abar fanɛ mpuya nɛ b bure. M maaŋ wu basakpar ŋko mbifɔlbi kikɛ kuwɔr. Bumo kikɛ beeŋ wu m mur. Ma, Enyɛnpe Ebɔrɛ e kaŋɛ na.”

Jɛremaya 14:12

Nɛ b kishi n luri kabɔrɛkule to gba, m maaŋ nu bumo be kekule nɛ baaŋ kule a fin kechɛto na. Nɛ b bar ma esarga chɔɔso nɛ ayu be esarga gba, bumo be asheŋ kraŋ maaŋ par ma. Kusɔ nɛ meeŋ shin nɛ k wora bumo e la fanɛ, baa wu kena to ŋko akoŋ nɛ alɔ beeŋ mɔ bumo.”

Jɛremaya 15:5

Kumo be kaman nɛ Enyɛnpe Ebɔrɛ na naŋ kaŋɛ le: “Wanɛ e naŋ shu menyi Jerusalɛm to be basa so, nɛ mbe kagbene e jija mo ga ŋkpal menyi so? Wanɛ e naŋ yige kusɔ nɛ e bee wora nseŋ bishi menyi so fanɛ nuso nɛ asheŋ du?

Jɛremaya 15:9

Enio nɛ e beeŋ paŋ mbe mbia ashunu beeŋ kreŋ n dese a fute a gben. Kapiidi beeŋ ki fanɛ kanyɛso n sa mo, ŋkpal e ka beeŋ ji anishinyɔr nseŋ nya kagbenejija damta so. Kumo be kaman nɛ n shin nɛ men doŋana e mɔ menyi to be bumo nɛ baaŋ ka a wɔ ŋkpa to na. Ma, Enyɛnpe Ebɔrɛ e kaŋɛ na.”

Jɛremaya 19:7

Juda be efuli so nɛ Jerusalɛm to be basa beeŋ tiŋ a kɔ ŋkre gboŋ, ama meeŋ shin nɛ e to jiga ashi ketaŋɛ ere to. Meeŋ shin nɛ bumo doŋana e ba kɔ bumo kena m pɔɔ bumo so nseŋ mɔ bumo n lɛ nɛ mbuibi nɛ kupuŋ to be asɔbɔya e ji bumo.

Jɛremaya 20:4

Enyɛnpe Ebɔrɛ na gbagba yɛ: ‘Meeŋ shin nɛ fo ta kufu m pɛ fo kumu nɛ fo teriana, nɛ bumo doŋana e ta etokobi m mɔ bumo fo anishito. Meeŋ ta Juda be efuli so be basa kikɛ m bɔɔ Babilɔn be efuli so be ewura enɔ nɛ e ji eleŋ bumo so. E beeŋ mɔ beko nseŋ pɛ beko fanɛ anya n yɔ mbe efuli so.

Jɛremaya 22:25

Meeŋ ta fo n sa Babilɔn be ewura Nebukadneeza nɛ mbe benapo nɛ baa sha kemɔ fo nɛ fee ŋana bumo na.

Jɛremaya 27:6

E yɛ: “Ma e sa ma kenya, Babilɔn be ewura Nebukadneeza yuku efuliana ere kikɛ so nseŋ shin nɛ kupuŋ to be asɔbɔya kikɛ gba wɔ mbe kaseto.

Jɛremaya 32:4

Ewura Zɛdikaya maaŋ nya n shile. Baaŋ pɛ mo n ya sa Babilɔn be ewura nɛ mo nɛ mo e wu abar kenishiso nseŋ malga abar kutɔ.

Jɛremaya 34:3

Baaŋ pɛ fo n yɔ ewura Nebukadneeza kutɔ nɛ fo nɛ mo e wu abar kenishiso nseŋ malga abar kutɔ. Kumo be kaman nɛ b yɛr fo Babilɔn be efuli so.

Jɛremaya 36:29

Kumo be kaman nɛ e yɛ ŋ kaŋɛ ewura na le: “Fo chɔɔ kawɔl na nseŋ bishi Jɛremaya kusɔ nɛ k ba nɛ e sibɛ fanɛ Babilɔn be ewura beeŋ ba mur kasawule ere nseŋ mɔ kumo so be basa nɛ asɔbɔya kikɛ.

Jɛremaya 37:17

Ndoŋ nna nɛ ewura Zɛdikaya shuŋi fanɛ b ya bar ma mo kutɔ. Ma nɛ mo nawule ka daa la na nɛ e bishi ma le: “Kubɔya ko wɔtɔ nɛ k shi Enyɛnpe Ebɔrɛ na kutɔ a ba anyi kutɔ a?” Nɛ n shuli ŋ kaŋɛ: “Mm, Yiramu, kubɔya wɔtɔ. Enyɛnpe Ebɔrɛ na beeŋ shin nɛ Babilɔn be ewura e pɛ fo ŋ ki kenya.”

Jɛremaya 50:17

Kumo be kaman nɛ Enyɛnpe Ebɔrɛ na kaŋɛ le: “Israɛl be basa na du fanɛ mbolpɔ nɛ ebuluŋ ju bumo nɛ b pesaŋ bumo to nna. Asiriya be Ewurgboŋ e juŋkpar m ba kɔ bumo kena, kumo be kaman nɛ Babilɔn be ewura Nebukadneeza malɛ ba we bumo be awibi m bure to.

Nfabel 2:20

O Enyɛnpe Ebɔrɛ, keni anyi a! Manɛ nna nɛ fee gberge anyi kusoe loŋ? A maŋ daga fanɛ bibinioana e baa daŋɛ bumo be mbi shaso a we! Ŋko nɛ basa e baa mɔ bɔrɛmatapoana nɛ anebiana na fo bɔrɛlambu gbagba to loŋ!

Nfabel 2:22

Enyɛnpe Ebɔrɛ, fo kanya agbo so, fo kela n tre n doŋana nna fanɛ basa nɛ fo tre kejigboŋ to na. Esa kikɛ daa maŋ ji efute loŋ be kachɛ na. Bedoŋ na daŋ mɔ ma mbia nɛ m bela a sha bumo ga na nna.

Ezikɛl 23:28

Ade be kaman, nɛ Enyɛnpetale Ebɔrɛ na naŋ kaŋɛ fanɛ meeŋ ta fo m bɔɔ basa nɛ fo kishi nsaa maa sha kewu bumo kikɛ na enɔ.

Ezikɛl 7:9

M maaŋ wu menyi kuwɔr, ma alɛ maaŋ yige menyi nɛ men ta menyi be amu n ya ji. Meeŋ gberge menyi kusoe ŋkpal menyi be eda nɛ aworbi lubi so. Ndoŋ nɛ menyeeŋ pin fanɛ ma Enyɛnpe Ebɔrɛ na e naa gberge menyi kusoe na.”

Ezikɛl 8:18

Ŋkpal loŋ so, meeŋ gberge bumo kusoe agbo so. M maaŋ wu bumo kuwɔr ŋko n yige bumo nɛ b ta bumo be amu n ya ji. Hale nɛ b shu n tre ma gba m maaŋ nu nseŋ chɛ bumo to.”

Ezikɛl 9:10

Amoso m maaŋ wu bumo kuwɔr ŋko n shu bumo so kikɛ. Kananɛ b wora beko na nɛ ma alɛ gba beeŋ wora bumo.”

Ditɛronɔmi 28:50

B maaŋ baa kɔ kushuso n sa ekama ŋko kuwɔrwu n sa enimu ŋko kebia.