Jɛremaya 21:6 - EBƆRƐ BE KAWƆL

⁶ nseŋ shin nɛ alɔ lubi e mɔ edimɛdi nɛ asɔbɔya kikɛ ashi kadegboŋ na to.

Jɛremaya 21:6 Iomraidhean Croise

Jɛnesis 6:7

Ndoŋ nna nɛ e kaŋɛ mbe kumu: “Meeŋ mur basa nɛ n to durnya ere to kikɛ nyam, bumo nɛ asɔbɔya nɛ asɔ gbeyeso nɛ mbuibi firgisoana kikɛ nyam, ŋkpal manɛ so, ma kagbene jija ga ŋkpal ŋ ka to dimɛdi nɛ loŋ be asɔ na kikɛ so.”

Aizaaya 6:11

Ndoŋ nna nɛ m bishi Enyɛnpe Ebɔrɛ na le: “Jemanɛ mo nɛ kede beeŋ fo ekar?” Nɛ e kaŋɛ ma le: “Jemanɛ nɛ ndegboŋana na beeŋ mur nɛ amo to be nwuana e ka a yil fuloŋ nɛ amo to be adɔsawule e dese jiga na nɛ k beeŋ fo ekar.

Jɛremaya 14:12

Nɛ b kishi n luri kabɔrɛkule to gba, m maaŋ nu bumo be kekule nɛ baaŋ kule a fin kechɛto na. Nɛ b bar ma esarga chɔɔso nɛ ayu be esarga gba, bumo be asheŋ kraŋ maaŋ par ma. Kusɔ nɛ meeŋ shin nɛ k wora bumo e la fanɛ, baa wu kena to ŋko akoŋ nɛ alɔ beeŋ mɔ bumo.”

Jɛremaya 16:4

Alɔ nɛ kena nɛ akoŋgboŋ beeŋ mɔ bumo, nɛ ekama maaŋ shu bumo be nli ŋko m puli bumo gba kuraa. Bumo be kebuniana beeŋ dese ŋ ki keji n sa mbuibi nɛ kupuŋ to be asɔbɔya.

Jɛremaya 20:4

Enyɛnpe Ebɔrɛ na gbagba yɛ: ‘Meeŋ shin nɛ fo ta kufu m pɛ fo kumu nɛ fo teriana, nɛ bumo doŋana e ta etokobi m mɔ bumo fo anishito. Meeŋ ta Juda be efuli so be basa kikɛ m bɔɔ Babilɔn be efuli so be ewura enɔ nɛ e ji eleŋ bumo so. E beeŋ mɔ beko nseŋ pɛ beko fanɛ anya n yɔ mbe efuli so.

Jɛremaya 32:24

Babilɔnebi na daŋ ba dɔ ashigboŋ nna m mata egbal nɛ k kulti Jerusalɛm na nna nɛ b dii so n luri to ŋ kɔ kumo kena. Kena na nɛ akoŋ nɛ alɔ e naaŋ shin nɛ b tiŋ ŋ kɔ n sɔ kadegboŋ na. Kusɔ kama nɛ fo kaŋɛ na bɔlɔ so kashenteŋto.

Jɛremaya 33:12

Ade kikɛ be kaman, nɛ Enyɛnpetale Ebɔrɛ na naŋ kaŋɛ le: “Mbolpɔkpapoana beeŋ naŋ nya asɔbɔya be ejikpa lela a kpa bumo be mbolpɔ a yɔ keji to ashi kasawule nɛ k du fanɛ keshishɛrsawule nɛ edimɛdi ŋko asɔbɔya maŋ wɔ kumo so ere so.

Jɛremaya 34:17

Amoso nɛ ma Enyɛnpe Ebɔrɛ na kaŋɛ fanɛ menyi maŋ wora ma kasonu na. Menyi maŋ sa Israɛlebi na kikɛ ekpa nɛ b nya bumo be amu. To, ma ere beeŋ sa ekpa nɛ men wu kena to ŋko n lɔ n wu ŋko nɛ akoŋ a mɔ menyi. Ma n alɛ beeŋ shin nɛ menyi be asheŋ e baa keta durnya to be efuliana so be basa kejijɛ ŋkpal kusɔ nɛ meeŋ wora menyi na so.

Jɛremaya 36:29

Kumo be kaman nɛ e yɛ ŋ kaŋɛ ewura na le: “Fo chɔɔ kawɔl na nseŋ bishi Jɛremaya kusɔ nɛ k ba nɛ e sibɛ fanɛ Babilɔn be ewura beeŋ ba mur kasawule ere nseŋ mɔ kumo so be basa nɛ asɔbɔya kikɛ.

Jɛremaya 42:22

Amoso men baa nyiŋi fanɛ menyeeŋ wu kena to ŋko akoŋ ŋko alɔ beeŋ mɔ menyi ashi Ijipt be efuli nɛ menyee sha keya chena so na so.”

Jɛremaya 7:20

Amoso, ma Enyɛnpetale Ebɔrɛ na beeŋ shin nɛ ma kanya agbo e ba ma bɔrɛlambu so. K beeŋ gbelge basa nɛ asɔbɔya nɛ ndibi nɛ asɔduuso kikɛ so. Ma agbo beeŋ baa du fanɛ edɛ nɛ esa kikɛ maaŋ tiŋ n duŋ na nna.”

Ezikɛl 12:16

Ama meeŋ shin nɛ bumo be gbrɛbi ko e ji efute ashi kena nɛ akoŋ nɛ alɔ na to, saŋɛ na so baaŋ pin kananɛ bumo be ekishisheŋ nɛ b wora na be asheŋ daŋ nu ma agbo ga, nseŋ naŋ pin fanɛ ma e la Enyɛnpe Ebɔrɛ na nseŋ shuŋ ma ashi efuli pɔtɛana na so.’ ”

Ezikɛl 14:13

“Dimɛdi pibi, nɛ efuli ko so be basa wora alubi n da ma so nsaa maŋ ji kashenteŋ n sa ma, nɛ n shin nɛ bumo be adɔjibi jija nɛ akoŋ tɔr m mɔ basa na nɛ bumo be asɔbɔya kikɛ,

Ezikɛl 14:17

Ŋko nɛ fanɛ n shin nɛ bedoŋ kre kena n ya kɔ efuli nɛ kumo so be basa wora alubi nseŋ mɔ basa na nɛ bumo be asɔbɔya kikɛ gba,

Ezikɛl 14:19

Ŋko nɛ fanɛ n nya agbo nna nseŋ shin nɛ kulɔ mɔso tɔr efuli na so a mɔ basa nɛ asɔbɔya kikɛ,

Ezikɛl 14:21

Ŋkpal ade kikɛ so, kusɔ nɛ ma Enyɛnpetale Ebɔrɛ na bee kaŋɛ e la fanɛ ekpa nɛ meeŋ bɔla kumo so ŋ gberge Jerusalɛm to be basa kusoe kenishipere so nde: “Meeŋ shin nɛ kena nɛ akoŋgboŋ nɛ asɔbɔya lubi nɛ kulɔ mɔso e ba mɔ basa nɛ asɔbɔya kikɛ.

Ezikɛl 33:27

Kaŋɛ bumo fanɛ ŋ ka la Enyɛnpetale Ebɔrɛ nɛ e bee sa ŋkpa so, mee fɛa basa nɛ b kraa wɔ nde bureso na to na so nna nsaa kaŋɛ bumo fanɛ baaŋ wu kena to. Kumo be kaman nɛ kupuŋ to be asɔbɔya lubi e pɛ bumo nɛ b wɔ ndekarso na n we, nɛ kulɔ e mɔ bumo nɛ bumo alɛ ŋana a wɔ abee so nɛ abeelaŋ to na.

Ezikɛl 33:29

Jemanɛ nɛ meeŋ gberge basa na kusoe ŋkpal bumo be alubi so nseŋ shin nɛ kasawule na e dese fuloŋ na, nɛ baaŋ pin fanɛ ma e la Enyɛnpe Ebɔrɛ na.”

Ezikɛl 7:15

Kena nɛ alɔ nɛ akoŋ beeŋ sɔ kaplɛkama! Kena e naŋ mɔ ndekarso be basa nɛ akoŋ nɛ alɔ mɔso malɛ e mɔ ndegboŋ to be basa.

Hoziya 4:3

Ŋkpal loŋ so ewule lubi beeŋ yili menyi be kasawule ere so nɛ kusɔ kama nɛ k wɔ kumo so kikɛ e wu. Asɔbɔya nɛ mbuibi nɛ ekɔrɔtɔ kikɛ beeŋ wu.”

Maika 3:12

Ŋkpal bumo so, baaŋ pulgi Jerusalɛm to fanɛ kudɔsawule, nɛ k ki kade bureso m biti abar so a dese; nɛ Zayɔn be kebee nɛ bɔrɛlambu na yil so na malɛ e ki kupo.

Zefanaiya 1:3

Ma alɛ beeŋ mur edimɛdi nɛ asɔbɔya nɛ mbuibi nɛ ekɔrɔtɔ kikɛ. Meeŋ bar basa lubi kaseto nseŋ mur nyiŋgbasa kikɛ kasawule ere so. Esa kikɛ maaŋ pete. Ma, Enyɛnpe Ebɔrɛ na e kaŋɛ na.

Luuk 21:24

Basa beeŋ ta etokobi m mɔ bumo be beko nɛ efuliana so ebi kikɛ e pɛ bumo be beko anya n yɔ bumo be efuliana so nɛ nnyamase e mur Jerusalɛm kikɛ nyam. K beeŋ ba du loŋ nna hale nɛ nnyamase na be eleŋ be jemanɛ e ya choŋ.