Jɛremaya 21:2 - EBƆRƐ BE KAWƆL

² “Jande Jɛremaya, malga Enyɛnpe Ebɔrɛ na kutɔ n sa anyi, ŋkpal manɛ so, Babilɔn be efuli so be ewura, Nebukadneeza nɛ mbe benapo e ba kulti Jerusalɛm n wɔtɔ a sha kekɔ anyi kena na. Ashere Enyɛnpe Ebɔrɛ na beeŋ wora mbe emamachisheŋ na be kuko n shin nɛ Nebukadneeza e yige anyi nseŋ bɛta n yɔ mbe efuli so.”

Jɛremaya 21:2 Iomraidhean Croise

Jɛnesis 10:10

Mbe efuli e daa la Babilɔn nɛ Erɛk nɛ Akad nɛ Kalne be nde nɛ a wɔ Babilɔn be efuli so na.

2 Bewura 1:3

Ndoŋ nna nɛ Enyɛnpe Ebɔrɛ be malaika kaŋɛ anebi Elaija nɛ e shi Tishbe na fanɛ e ya shɛr Ewura Ahaziya be mbɔ na to nseŋ bishi bumo le: “Manɛ nna nɛ menyee yɔ Ekrɔn nɛ men ya wu kegbir nɛ baa tre Baalzebɔb na? Menyee fɛ nna fanɛ Ebɔrɛ kikɛ maŋ wɔ Israɛl be efuli so nɛ men ya wu mo a?

2 Bewura 17:24

Asiriya be ewurgboŋ na daŋ lara basa ashi Babilɔn nɛ Kuuta nɛ Awa nɛ Hamaf nɛ Sefavaim be nde to nna nseŋ tintiŋ bumo n yɔ Israɛl be efuli so nɛ b ya chena ndoŋ. B daŋ ya sɔ nde nɛ Israɛlebi na be nde nna n chena n ta bumo be kadegboŋ Samɛria n ti so.

2 Kronikɛls 32:21

Nɛ Enyɛnpe Ebɔrɛ shuŋi malaika nɛ e ya mɔ Asiriya be benapo na nɛ bumo be benapo be benimuana na kikɛ. Nɛ ewurgboŋ na ta anishinyɔr m bɛta n yɔ epe. Kachako e ka wɔ mbe kegbir be lambu to nɛ mbe mbinyɛnsobi ko ta bumo be etokobi m ba mɔ mo.

Ɛksodɔs 9:28

Amoso kule Enyɛnpe Ebɔrɛ n sa anyi, ŋkpal manɛ so, bɔrɛ na be keponte nɛ abɔrɛjembubi na wora kebanso. Naniere bre n sa menyi ekpa fanɛ men baa yɔ. A maŋ naŋ daga fanɛ men baa kraa wɔ nfe.”

Aizaaya 48:2

Menyee puchi a kaŋɛ fanɛ men la Jerusalɛm, kadegboŋ cheembi na to be basa nsaa ta menyi be amu a to Israɛl be Ebɔrɛ nɛ e la Enyɛnpetale Ebɔrɛ na so nna.

Jɛremaya 15:11

Ndoŋ nna nɛ Enyɛnpe Ebɔrɛ na kaŋɛ ma le: “N nase kɔnɔ fanɛ meeŋ kuŋ fo jɛrbi be jemanɛ, nɛ fo doŋana gba e kule fo fanɛ fo chɛ bumo to.”

Jɛremaya 21:3

Ndoŋ nna nɛ Enyɛnpe Ebɔrɛ na malga ma kutɔ nɛ ma alɛ kaŋɛ basa nɛ ewura Zɛdikaya shuŋi ma kutɔ na fanɛ

Jɛremaya 32:17

“Enyɛnpetale Ebɔrɛ, fo e bɔla fo eleŋgboŋ nɛ yuku so n to esoso nɛ kasawule. Sheŋ malɛ maŋ du kpakpa n sa fo.

Jɛremaya 32:24

Babilɔnebi na daŋ ba dɔ ashigboŋ nna m mata egbal nɛ k kulti Jerusalɛm na nna nɛ b dii so n luri to ŋ kɔ kumo kena. Kena na nɛ akoŋ nɛ alɔ e naaŋ shin nɛ b tiŋ ŋ kɔ n sɔ kadegboŋ na. Kusɔ kama nɛ fo kaŋɛ na bɔlɔ so kashenteŋto.

Jɛremaya 34:1

Jemanɛ nɛ Babilɔn be ewura Nebukadneeza nɛ mbe benapo nɛ efuli pɔtɛana be benapo daa chɛ bumo to na daŋ ba kaa kɔ Jerusalɛm nɛ nde nɛ a kulti kumo na kena na nɛ Enyɛnpe Ebɔrɛ na kaŋɛ ma fanɛ ŋ kaŋɛ Juda be ewura Zɛdikaya le:

Jɛremaya 37:17

Ndoŋ nna nɛ ewura Zɛdikaya shuŋi fanɛ b ya bar ma mo kutɔ. Ma nɛ mo nawule ka daa la na nɛ e bishi ma le: “Kubɔya ko wɔtɔ nɛ k shi Enyɛnpe Ebɔrɛ na kutɔ a ba anyi kutɔ a?” Nɛ n shuli ŋ kaŋɛ: “Mm, Yiramu, kubɔya wɔtɔ. Enyɛnpe Ebɔrɛ na beeŋ shin nɛ Babilɔn be ewura e pɛ fo ŋ ki kenya.”

Jɛremaya 37:3

Ewura Zɛdikaya daŋ shuŋi Shelemaya pibinyɛn, Jehukal nɛ bɔrɛmatapo Zefanaiya nɛ e la Maaseia pibinyɛn na nna fanɛ b ba kaŋɛ ma fanɛ n yili mbe katelamu to ŋ kule Enyɛnpe, anyi be Ebɔrɛ na n sa mo.

Jɛremaya 37:7

ŋ kaŋɛ ewura Zɛdikaya le: “Ijipt be efuli so be benapo bee ba nɛ b ba chɛ menyi to, ama baaŋ bɛta n yɔ epe.

Ezikɛl 7:26

Aleblawu bee ba nɛ ebaru lubi be abɔya a sɔ kaplɛkama. Basa beeŋ baa kule anebiana fanɛ b nu Ebɔrɛ be ebɔl ŋ kaŋɛ bumo kusɔ ko, nɛ b maaŋ nya. B maaŋ naŋ nya mbraana nɛ bɔrɛmatapoana daa ŋini na nɛ kasotoji nɛ benimuana na daa sa bumo na kikɛ.

Demujipoana 20:27

Ebɔrɛ be kɔnɔkoŋwule be ŋkre be deka na daa wɔ Bɛtɛl nna nɛ Ɛɛrɔn mo nanabi nɛ baa tre Finihas nɛ mo tuto la Eliaza na daa keni kumo so ndoŋ.

1 Samuɛl 10:22

Ndoŋ nna nɛ b bishi Enyɛnpe Ebɔrɛ le: “Esa ko kraŋ naa wɔtɔ a?” Nɛ Enyɛnpe Ebɔrɛ kaŋɛ fanɛ Sɔɔl e ka, ama mo alɛ ŋana esulɔ na be kaman.

1 Samuɛl 28:15

Nɛ Samuɛl kaŋɛ Sɔɔl le: “Manɛ nna nɛ fo tɔrɔ ma loŋ hale n shin nɛ n naŋ bɛta m ba?” Nɛ Sɔɔl yɛ: “N wɔ tɔrɔ damta to nna! Filisti be basa na bee kɔ ma kena nna nɛ Ebɔrɛ kplaŋ ma so. E maŋ naa bɔla edare ŋko anebiana so a malga a sa ma. Amoso nɛ n tre fo nɛ fo kaŋɛ ma kusɔ nɛ k daga ŋ ka wora.”

1 Samuɛl 28:6

ndoŋ nna nɛ e bishi Enyɛnpe Ebɔrɛ kusɔ nɛ k daga e ka wora. Ama Enyɛnpe Ebɔrɛ daa maŋ kaŋɛ mo shɛŋ. E daa maŋ bɔla edare so ŋko bɔrɛmatapo so ŋko anebi so m malga n sa mo.