Jɛremaya 21:14 - EBƆRƐ BE KAWƆL

¹⁴ Meeŋ gberge menyi kusoe ŋkpal kusɔ nɛ menyee wora so. Meeŋ shin nɛ edɛ e ji menyi be ewurkpa nseŋ chɔɔ kusɔ kama nɛ k kulti kumo na m mur. Ma, Enyɛnpe Ebɔrɛ e kaŋɛ na.”

Jɛremaya 21:14 Iomraidhean Croise

2 Kronikɛls 36:19

Ewura Nebukadneeza daŋ chɔɔ bɔrɛlambu na nɛ ewura be laŋ nɛ kade na kikɛ nna nseŋ da kumo be egbal n lɛ.

Aŋasa 1:31

Amoso feeŋ ji kusɔ nɛ fo du na be asɔrso, nɛ fo gbagba be aworbi e kilgi a bishi fo.

Aŋasa 12:14

Feeŋ nya kusɔ kama nɛ fo wora ŋko ŋ kaŋɛ be tɔnɔ.

Aizaaya 10:12

Kumo be kaman nɛ Enyɛnpe Ebɔrɛ na kaŋɛ: “Ŋ kaŋ loge kusɔ nɛ mee wora kebee nɛ baa tre Zayɔn na so nɛ Jerusalɛm to, meeŋ gberge Asiriya be efuli so be ewurgboŋ kusoe ŋkpal mbe mpuchi nɛ kamoowu kikɛ so.”

Aizaaya 10:16

Enyɛnpetale Ebɔrɛ na beeŋ shin nɛ kulɔ lubi e tɔr fo nɛ fo benapo so nseŋ shin nɛ fo eyur e bel edɛ fanɛ k ka bee suse ashi fo kuwurpiŋi to na.

Aizaaya 24:21

Enyɛnpe Ebɔrɛ na beeŋ gberge esoso be eleŋana nɛ durnya to be bewuraana kusoe.

Aizaaya 37:24

Fo daŋ shuŋi fo mbɔ nna nɛ b ba kaa puchi menyi ka daŋ ta menyi be egbaŋɛturko n dii n yɔ Lebanɔn be kebee be awɔlto n ya kɔ m pɔɔ so ashi ma Enyɛnpe Ebɔrɛ na be anishito. Men daa puchi fanɛ men daŋ tiŋ ŋ ku sida be ndibi tenteŋ nɛ seprɛs be ndibi lelaana n lɛ nna ashi kebee na so hale n ya fo kupo na be nferinto.

Jɛremaya 11:16

Jemanɛ ko n daŋ ta bumo nna fanɛ kedibi nɛ baa tre ɔlif nɛ k kɔ asɔrso lela ga na, ama naniere meeŋ shin nɛ kakpa a gbri fanɛ bɔrɛ ka ponte na nɛ afantaŋ na e suse so nɛ ayabi na malɛ e buri n tɔr.

Jɛremaya 11:22

Ndoŋ nna nɛ Enyɛnpe Ebɔrɛ na malɛ kaŋɛ le: “Meeŋ gberge bumo kusoe! Bumo be mbrantiɛ beeŋ wu kena to nɛ akoŋ e mɔ bumo be mbia wurbi malɛ.

Jɛremaya 17:10

Ama ma, Enyɛnpe Ebɔrɛ na bee keni basa be nfɛra to nsaa wora bumo be ŋgbene a keni a nyi amo to nna. Kebaawɔtɔ nɛ ekama kɔ ŋko kusɔ nɛ e bee wora nɛ mee yili so a ka mo kukɔ.”

Jɛremaya 17:27

Ama a daga fanɛ b baa wora ma kasonu nsaa ta ma kewushiachɛ na fanɛ kachɛ cheembi nsaa maa sulɔ asɔ a bɔla Jerusalɛm be mbunagboŋana na to a luri a lar loŋ be kachɛ na. Nɛ b kini nseŋ wora loŋ, meeŋ shin nɛ Jerusalɛm be mbunagboŋana na e ji edɛ. Jerusalɛm to be ewurkpaana beeŋ ji edɛ n tɔr nɛ esa kikɛ maaŋ tiŋ n duŋ edɛ na.”

Jɛremaya 22:1

Enyɛnpe Ebɔrɛ na daŋ kaŋɛ ma nna fanɛ n yɔ Juda be ewura be laŋ to n ya bɔ kubɔya ere n sa mo nɛ mbe benimuana na nɛ basa nɛ b daa wɔ ndoŋ na kikɛ.

Jɛremaya 22:7

Meeŋ shuŋi basa nɛ b ba mur kumo. Baaŋ ta akpanfu m ba ku kumo be eshabɔrɛ nɛ b ta ndibi nɛ baa tre sida na be alela n wora na n lɛ edɛ to n chɔɔ.

Jɛremaya 32:19

Fee kre asheŋ kanyiasheŋ so nna nsaa wora asheŋgboŋ. Fo alɛ bee wu kusɔ kama nɛ basa bee wora nsaa yili bumo be aworbi so a ka bumo kukɔ nna.

Jɛremaya 46:23

kupo to be ndibi a mur ndibi nɛ a mel abar so na. Bumo be benapo shi ga nɛ esa maaŋ tiŋ ŋ karga bumo; b shi ga a chɔ gba.

Jɛremaya 50:32

Menyi be efuli nɛ kamoowu bɔlɔ kumo to na beeŋ fiti n tɔr nɛ esa kikɛ maaŋ chɛ to n niŋi kumo to n yili. Meeŋ shin nɛ menyi be ndegboŋana e ji edɛ nɛ asɔ kama nɛ a kulti menyi na kikɛ e mur.”

Jɛremaya 52:13

m ba chɔɔ bɔrɛlambu na nɛ ewurkpa na nɛ kadegboŋ na to be nwu kikɛ n lɛ. E daŋ chɔɔ kowu kama nɛ k kɔ ketre nna n lɛ.

Jɛremaya 6:19

Bumo be ashiri to be ŋkre na so, meeŋ shin nɛ jɛrbi gboŋgboŋi e ba bumo so, nɛ k baa la kasogberge n sa bumo ŋkpal b ka kini ma keŋini nsaa maŋ wora ma mmalga kasonu so.

Jɛremaya 6:29

Esa beeŋ tiŋ n ta gbiti n wɔtɔ edɛ to ŋ ŋalga kumo to n lara kumo to be eyurpi, ama ma basa ere be kenyalɛso du kpakpa ga, ŋkpal bumo be amukpakpaso so. Amoso nɛ ma, Enyɛnpe Ebɔrɛ na kini bumo n lɛ na.”

Jɛremaya 9:25

Ade be kaman nɛ Enyɛnpe Ebɔrɛ na naŋ kaŋɛ le: “Jemanɛ ko bee ba nɛ ŋ gberge basa nɛ b shi Ijipt nɛ Juda nɛ Edɔm nɛ Ammɔn nɛ Mowab be efuliana so nɛ eyiriana nɛ e wɔ keshishɛrsawule so na kusoe. Basa nɛ b wɔ efuli pɔtɛana ere kikɛ so ku atutu nna, ama bumo alɛ maa bɛ kɔnɔkoŋwule be ŋkre nɛ k bee ŋini katutuku be kefito na. Bumo nɛ Israɛl be basa be ekama maa bɛ ma kɔnɔkoŋwule be ŋkre na so. Eyurto be kaplɛa so, b ku atutu, ama bumo alɛ be ŋgbene maŋ chɛrga.”

Nfabel 2:3

Enyɛnpe Ebɔrɛ na daŋ nya agbo nna ga, nseŋ daŋ shin nɛ Israɛl be basa paŋ bumo be eleŋ kikɛ. An doŋana ka ba anyi so, e daŋ kini kechɛ anyi to nna. Mbe agbo daŋ koso anyi so fanɛ edɛ nna a mur kusɔ kikɛ.

Ezikɛl 21:3

nseŋ kaŋɛ bumo fanɛ ma, Enyɛnpe Ebɔrɛ na bee kaŋɛ fanɛ b ki ndoŋana nna. Amoso meeŋ pee ma tokobi kumo be efar to m mɔ bumo to be basa lela nɛ belubi kikɛ.

Maika 7:13

Ama efuli pɔtɛana bre be nsawule beeŋ ki keshishɛrsawule ŋkpal bumo be basa be amukpakpaso so.

Zakareya 11:1

Lebanɔnebi men bugi menyi be mbuna, nɛ edɛ e chɔɔ menyi be ndibi nɛ baa tre sida na!