Jɛremaya 21:13 - EBƆRƐ BE KAWƆL

¹³ Menyi Jerusalɛm be basa ka chena kebee so nsaa keni ataŋɛ to so, menyee fɛ fanɛ shɛŋ maaŋ tiŋ n wora menyi nna. Ama ma, Enyɛnpe Ebɔrɛ na nya agbo n wora menyi nna na.

Jɛremaya 21:13 Iomraidhean Croise

Nshɛ 125:2

Enyɛnpe Ebɔrɛ na e kulti mbe basa n wɔtɔ a kuŋ bumo, fanɛ kananɛ abee ana na kulti Jerusalɛm n wɔtɔ na.

Ɛksodɔs 13:20

Israɛlebi ka lar Sukɔf nɛ b yɔ Etam ashi keshishɛrsawule na be ekarso n ya yuu ewajɛbu n wora bumo be keeyi to ndoŋ.

Ɛksodɔs 13:8

Kachɛ shunusopo na nɛ ekama e kaŋɛ mbe mbia fanɛ e bee wora le be kesheŋ ere nna a nyiŋi kusɔ nɛ Enyɛnpe Ebɔrɛ wora n sa mo, saŋɛ nɛ e lar Ijipt to na.

Aizaaya 22:1

Kubɔya nɛ k wɔtɔ a laŋɛ ketaŋɛ nɛ baa tre Ebɔrɛdare be Ketaŋɛ na be kaplɛa so nde. Manɛ e naa wora? Manɛ nna nɛ basa nɛ b wɔ kadegboŋ na to bee ji eyur ashi bumo be achoŋi so?

Jɛremaya 21:5

Meeŋ ta ma eleŋgboŋ kikɛ nɛ ma kanya agbogboŋ kikɛ ŋ kɔ menyi,

Jɛremaya 49:16

Menyi be kamoowuso nɛ menyee fɛ fanɛ efuliana na be basa bee ŋana menyi na. Menyi ka chena abee to nɛ abee be awɔlto so nɛ menyee fɛ loŋ, ama nɛ men wɔ awɔlto chilili fanɛ kusore gba, Enyɛnpe Ebɔrɛ na beeŋ tiŋ m bar menyi kaseto. Ma, Enyɛnpe Ebɔrɛ e kaŋɛ na.”

Jɛremaya 50:31

“Kamoowu e baŋ bɔlɔ Babilɔn be efuli so be basa to, amoso, ma, Enyɛnpetale Ebɔrɛ na maaŋ yige bumo kikɛ. Jemanɛ fo nɛ b nya bumo be kasogberge.

Jɛremaya 51:25

Babilɔn, fo du fanɛ kebee nna a kɔ eleŋ ga a mur durnya kikɛ, ama ma, Enyɛnpe Ebɔrɛ na ki fo doŋ nna na. Meeŋ to m pɛ fo to ŋ gberge fo n lɛ kasawule nɛ fo bure to ŋ ki fanɛ ebirkesi ka bure to n deŋi abar so na.

Jɛremaya 7:4

Men sa maa fule menyi be amu a kaŋɛ fanɛ Sheŋ maaŋ tiŋ n wora anyi, ŋkpal Enyɛnpe Ebɔrɛ na be bɔrɛlambu ka wɔ Jerusalɛm nfe so! Men sa maa fɛ fanɛ bɔrɛlambu ere beeŋ tiŋ m mɔlga menyi.

Nfabel 4:12

Ekama nɛ e wɔ kaplɛkama; hale efuli pɔtɛana so be bewuraana gba daa maŋ yirda fanɛ bedoŋ beeŋ tiŋ m bure Jerusalɛm be mbunagboŋana n luri kumo to ŋ kɔ.

Ezikɛl 13:8

To, kusɔ nɛ Enyɛnpetale Ebɔrɛ na kaŋɛ bumo nde: “Menyi be mmalga la kafule nna nɛ menyi be ebɔrɛdare malɛ la efɛ. Amoso m maaŋ yige menyi kikɛ.

Ezikɛl 21:3

nseŋ kaŋɛ bumo fanɛ ma, Enyɛnpe Ebɔrɛ na bee kaŋɛ fanɛ b ki ndoŋana nna. Amoso meeŋ pee ma tokobi kumo be efar to m mɔ bumo to be basa lela nɛ belubi kikɛ.

Ezikɛl 34:10

Ma, Enyɛnpetale Ebɔrɛ na yɛ ma nɛ menyi maŋ naa kɔ shɛŋ. Ma alɛ beeŋ suge ma mbolpɔ menyi be enɔ to nɛ menyi maaŋ naa la bumo be ekpapo a nya bumo a mɔ a we.

Ezikɛl 5:8

Amoso, ma Enyɛnpetale Ebɔrɛ na e kaŋɛ menyi na fanɛ ŋ ki menyi, Jerusalɛm to be basa, be edoŋ nna na. Meeŋ gberge menyi kusoe nɛ efuliana na kikɛ e wu kumo.

Maika 3:11

Kadegboŋ na be bejuŋkparpoana bee sɔ asɔ basa kutɔ nna pɔɛŋ nsaa ji bumo be asheŋ a sa bumo. Bɔrɛmatapoana nɛ anebiana na malɛ bee sɔ amansherbi nna pɔɛŋ nsaa ŋini mbraana na ŋko a wu abɔrɛsheŋ a kaŋɛ basa. Kumo be kaman nɛ b kilgi ŋ kaŋɛ le: “Enyɛnpe Ebɔrɛ na wɔ anyi kutɔ, amoso shɛŋ maaŋ tiŋ n wora anyi.”

Nahum 2:13

Nɛ Enyɛnpetale Ebɔrɛ na kaŋɛ: “Ninɛveebi, men ki ma doŋana nna na, meeŋ chɔɔ menyi be egbaŋɛturko nseŋ shin nɛ b mɔ menyi be benapo kena to. Ma alɛ beeŋ naŋ shin nɛ b sɔ asɔ nɛ men suge beko kutɔ na, ekama malɛ maaŋ tuge menyi be mbɔ kikɛ.”