Jɛremaya 21:10 - EBƆRƐ BE KAWƆL

¹⁰ N teŋ wora ma nfɛra fanɛ meeŋ mur kadegboŋ na. Meeŋ sa Babilɔn be ewura ekpa nɛ e chɔɔ kumo m mur. Ma, Enyɛnpe Ebɔrɛ e kaŋɛ na.”

Jɛremaya 21:10 Iomraidhean Croise

2 Kronikɛls 36:19

Ewura Nebukadneeza daŋ chɔɔ bɔrɛlambu na nɛ ewura be laŋ nɛ kade na kikɛ nna nseŋ da kumo be egbal n lɛ.

Nshɛ 34:16

Ama e bee pal kaman nna a sa alubiworapo bre. Bumo alɛ baŋ wu e bee shin nɛ baa teŋ bumo so kuraa nna.

Jɛremaya 17:27

Ama a daga fanɛ b baa wora ma kasonu nsaa ta ma kewushiachɛ na fanɛ kachɛ cheembi nsaa maa sulɔ asɔ a bɔla Jerusalɛm be mbunagboŋana na to a luri a lar loŋ be kachɛ na. Nɛ b kini nseŋ wora loŋ, meeŋ shin nɛ Jerusalɛm be mbunagboŋana na e ji edɛ. Jerusalɛm to be ewurkpaana beeŋ ji edɛ n tɔr nɛ esa kikɛ maaŋ tiŋ n duŋ edɛ na.”

Jɛremaya 26:6

Nɛ men kraŋ kini kewora kasonu, kumo ere meeŋ mur bɔrɛlambu ere fanɛ kananɛ n daŋ mur kade nɛ baa tre Shilo na, nɛ durnya to be efuliana kikɛ so be basa e ta Jerusalɛm be ketre a sho basa kɔnɔ.”

Jɛremaya 33:5

‘Basa na be beko beeŋ kɔ Babilɔn be benapo na nɛ benapo na e mɔ basa nɛ n nya agbo ga n wɔtɔ na n nase mboŋ nɛ nwuana na daa yil na. Ma alɛ beeŋ ta ma anishi ŋ ŋana kadegboŋ ere so ŋkpal asheŋ lubi nɛ kumo to be basa wora so.

Jɛremaya 34:2

“Ma, Enyɛnpe Ebɔrɛ na beeŋ shin nɛ Babilɔn be ewura Nebukadneeza e kɔ m pɔɔ kadegboŋ ere so nseŋ chɔɔ kumo n lɛ.

Jɛremaya 34:22

Meeŋ kaŋɛ bumo nɛ b bɛta m ba kadegboŋ ere to m ba kɔ n sɔ nseŋ chɔɔ kumo n lɛ. Meeŋ shin nɛ Juda be ndeana e ki fanɛ keshishɛrsawule nɛ esa kama maŋ wɔ amo to. Ma, Enyɛnpe Ebɔrɛ e kaŋɛ na.”

Jɛremaya 38:17

Ndoŋ nna nɛ ŋ kaŋɛ ewura Zɛdikaya kusɔ nɛ Enyɛnpetale, Israɛl be Ebɔrɛ na kaŋɛ. E yɛ: “Nɛ fanɛ fo shuli n ta fo kumu n ya bɔɔ Babilɔn be ewura be benimuana na enɔ, feeŋ ji ŋkpa nɛ b maaŋ naŋ chɔɔ kadegboŋ ere n lɛ. Fo nɛ fo kanaŋ kikɛ beeŋ nya menyi be amu.

Jɛremaya 38:18

Ama nɛ fo maŋ shuli n sɔ kapɔshi nseŋ tɔr n sa bumo, meeŋ ta kadegboŋ ere m bɔɔ Babilɔnebi na enɔ nɛ b chɔɔ kumo n lɛ, fo alɛ maaŋ nya n shile bumo.”

Jɛremaya 38:23

Kumo be kaman nɛ n naŋ kaŋɛ le: “Baaŋ keta beche nɛ mbia kikɛ n ya sa Babilɔnebi na, nɛ fo gbagba maaŋ nya n shile m mɔlga fo kumu. Babilɔn be ewura beeŋ pɛ fo kenya nseŋ chɔɔ Jerusalɛm n lɛ.”

Jɛremaya 38:3

Ma alɛ daa naa kaŋɛ bumo fanɛ Enyɛnpe Ebɔrɛ na kaŋɛ fanɛ e beeŋ shin nɛ Babilɔn be benapo e kɔ n sɔ kadegboŋ na nna.

Jɛremaya 39:16

ŋ kaŋɛ Ebedmɛlɛk nɛ e shi Itiopia be efuli so na fanɛ mo Enyɛnpetale, Israɛl be Ebɔrɛ na yɛ: “Kananɛ ŋ kaŋɛ fanɛ meeŋ shin nɛ kemur nɛ mannɛ kedamaya e ba kadegboŋ ere so na, nɛ meeŋ wora. Nɛ kumo be jemanɛ kaŋ fo malɛ feeŋ baa wɔ ŋkpa to n wu kumo.

Jɛremaya 39:8

Pɔɛŋ nɛ le ere kikɛ wora na nɛ Babilɔnebi na teŋ nya edɛ n wɔtɔ Jerusalɛm to be ewurkpa nɛ basa na be nwu kikɛ to a chɔɔ nsaa da amo be egbalana a lɛ.

Jɛremaya 44:11

Amoso ma, Enyɛnpetale, Israɛl be Ebɔrɛ na yili kumo fanɛ meeŋ shin nɛ men ji jɛrbi m mur.

Jɛremaya 44:27

Meeŋ shin nɛ menyi maaŋ nyalɛ kikɛ! Menyeeŋ mur. Menyi be galeŋga beeŋ wu kena to ŋko alɔ beeŋ mɔ menyi n ya fo fanɛ menyi to be esa koŋwule gba maaŋ ka.

Jɛremaya 52:13

m ba chɔɔ bɔrɛlambu na nɛ ewurkpa na nɛ kadegboŋ na to be nwu kikɛ n lɛ. E daŋ chɔɔ kowu kama nɛ k kɔ ketre nna n lɛ.

Ezikɛl 15:7

ŋ gberge basa nɛ b wɔ Jerusalɛm to kusoe. B tiŋ n luri edɛ ko to n lar, ama edɛ malɛ kraa beeŋ chɔɔ bumo m mur. Ŋ kaŋ gberge bumo kusoe na nɛ fo, Ezikɛl, beeŋ pin fanɛ ma e la Enyɛnpe Ebɔrɛ na.

Ezikɛl 24:11

Kumo be kaman nɛ fo ta danyaŋ be kadaŋɛ fuloŋ na m bɛ ajanwulɛ so hale nɛ k ya bel m pere, saŋɛ na so kumo be kananɛ k kreŋ so na beeŋ chɔɔ m mur nɛ k naŋ nyalɛ so.

Levitikɔs 17:10

Israɛl be esa kikɛ ŋko bumo to be efɔ kikɛ baŋ ji eblaŋ nɛ ŋklaŋ kraa wɔ kumo to, Enyɛnpe Ebɔrɛ na beeŋ pal kaman n sa amodoŋwura nseŋ lara mo ashi mbe basa to.

Levitikɔs 26:17

Ma alɛ beeŋ lar menyi kaman, saŋɛ na so, men doŋana beeŋ pɔɔ menyi so. Basa nɛ b kishi menyi beeŋ ji menyi so kuwura nɛ kufu e pɛ menyi nɛ men baa chicha a shile jemanɛ nɛ ekama maŋ ju a buu menyi so.

Eemɔs 2:5

Ŋkpal loŋ so meeŋ shin nɛ edɛ e ba Juda be efuli so m ba chɔɔ Jerusalɛm be kumɔlga be mboŋ lempo kikɛ.”

Eemɔs 9:4

Nɛ fanɛ bumo doŋana pɛ bumo ŋ ki anya n yɔ efuli pɔtɛ so kufɔ kufɔ gba, meeŋ shin nɛ b mɔ bumo ndoŋ. Mee shin nna nɛ m mur bumo, mannɛ kechɛ bumo to bre.”

Zakareya 1:6

N daŋ bɔla anebiana nɛ b la ma nyɛrbi na so nna n sa men nanaana ma mbraana nɛ kefiɛso be mmalga, ama b daa maŋ tuge ma, nɛ kumo be kasogberge ba bumo so. Kumo be kaman nɛ b chɛrga bumo be nfɛra nseŋ shuli so fanɛ ma, Enyɛnpetale Ebɔrɛ na e sa bumo kasogberge nɛ k daga bumo, fanɛ kananɛ ŋ kre kumo na.”