Jɛremaya 20:7 - EBƆRƐ BE KAWƆL

⁷ Enyɛnpe Ebɔrɛ, fo kɔ eleŋ a chɔ ma, fo alɛ pɔɔ ma so nna kashenteŋto. Ama kewora ma fanɛ fo kplaŋ ma so nɛ asheŋ bri ma nna. Ekama bee wora ma eyur to nna a mushe ma karechɛ kikɛ.

Jɛremaya 20:7 Iomraidhean Croise

2 Bewura 2:23

Elaisha ka lar Jɛriko a yɔ Bɛtɛl, nɛ mbinyɛnsobi ko lar kade ko to m ba kaa wora mo eyurto a kaŋɛ awɔrso le: “Kumu nyiɛso wura, lar nfe!”

Job be kawɔl 12:4

Jemanɛ kikɛ kebaawɔtɔ niŋiso to nɛ n daa wɔ, nɛ Ebɔrɛ malɛ daa nu ma kabɔrɛkule. Ama naniere n nekpaana e naa wora ma eyur to na.

Job be kawɔl 30:9

Naniere le be basa fuloŋ ere wora nshɛ nna a boŋ a wora ma eyur to.

Nshɛ 119:51

Kamoowuwuraana bee wora ma eyurto nna, ama ma alɛ maŋ lar fo mbra kaman.

Aizaaya 8:11

Kumo be kaman nɛ Enyɛnpe Ebɔrɛ na bɔla mbe eleŋgboŋ so n fiɛ ma so fanɛ n sa maa wora asheŋ fanɛ kananɛ basa na bee wora na.

Jɛremaya 15:10

Ade kikɛ be kaman nɛ Jɛremaya fɛ le ashi mbe kagbene to: “N la esa nɛ mbe kagbene jija mo ga nna! Manɛ nna nɛ n nio kurge ma m ba durnya to bre? Ma nɛ ekama bee bile nna kasawule ere so. Ma alɛ maŋ naŋ yɔ esa kikɛ kutɔ n ya paŋ amansherbi ŋko n ta amansherbi m paŋ esa kikɛ ŋ ku so, ama ekama bee shoduu ma nna.”

Jɛremaya 15:18

Manɛ nna nɛ ŋ kraa ji awurfoŋ nsaa nu ebesa jemanɛ kikɛ loŋ? Manɛ nna nɛ fo ki fanɛ kabombi nɛ k wɔlto kechali so, nɛ m maaŋ naŋ tiŋ n ta ma kumu n to fo so?”

Jɛremaya 17:16

Ama Enyɛnpe Ebɔrɛ, fo e lara ma fanɛ m baa keni fo basa so fanɛ anebi, kumo alɛ nɛ mee wora na. Fo nyi ma kɔnɔ to be mmalga kikɛ. Ma alɛ maŋ naŋ kaŋɛ fo kachɛ koŋwule gba fanɛ fo gberge bumo kusoe.

Jɛremaya 20:9

Ama nɛ ma alɛ baŋ kaŋɛ fanɛ meeŋ teŋ Enyɛnpe Ebɔrɛ na so nsaa maŋ naa yili mbe katelamu to a malga, fo kubɔya na bee ki fanɛ edɛ nna a chɔɔ ma kagbene to nɛ ma awibi to. Mee wora ania fanɛ meeŋ nyaŋ ma kumu, ama ma alɛ maa tiŋ a lo ma kɔnɔ.

Jɛremaya 29:26

“Bɔrɛmatapo Jehowada ka wu, fo nɛ Enyɛnpe Ebɔrɛ na lara nɛ fo ki bɔrɛmatapowura a keni bɔrɛlambu na to be bekumpo so. Fo kushuŋ e la fanɛ fo ka beeŋ shin nɛ b pɛ esa kama nɛ mbe kumu maa shuŋ nɛ e ta mbe kumu fanɛ anebi nseŋ wɔtɔ mo ŋgbɛlɛbi mbe enɔana nɛ aya nɛ kubɔ to.

Jɛremaya 38:19

Nɛ ewura Zɛdikaya kaŋɛ ma le: “Anyi gbagba be basa nɛ b shile n ya ti Babilɔnebi na so na nɛ mee ŋana. Ashere Babilɔnebi na beeŋ ta ma n sa bumo nɛ b kɔrfɛ ma.”

Nfabel 3:14

Ŋ ki fanɛ kemɔmɔshia be kusɔ nna n sa ekama, saŋkikɛ basa bee mushe ma nsaa wora ma eyurto nna.

Ezikɛl 3:14

Ndoŋ nna nɛ Ebɔrɛ be Kiyoyu na naŋ ta ma, nɛ Enyɛnpe Ebɔrɛ na be eleŋ gbelge ma so ga nɛ ma kagbene kaa nɛ n nya agbo.

Hoziya 9:7

Kasogberge be saŋɛ na kaŋ fo, nɛ menyeeŋ nya kusɔ nɛ k daga menyi. Israɛlebi men baa nyi kumo be loŋ. Men yɛ: “Anebi ere la ewulpo nna nɛ esa nɛ Ebɔrɛ be kiyoyu bɔlɔ mo to malɛ la ebompo. Menyi be alubi damta kurge yurkishi ashi menyi to.

Jona 4:2

Nseŋ kule Enyɛnpe Ebɔrɛ na ŋ kaŋɛ le: “O Enyɛnpe Ebɔrɛ, mannɛ le nɛ n daŋ kaŋɛ saŋɛ nɛ n kra wɔ epe na a? Loŋ so nɛ n nya manaŋ n shile n yɔ Tarshish na. N nyi fo ka la kasha nɛ kuwɔrwu be Ebɔrɛ, nsaa maa nya agbo manaŋ manaŋ. Fee wora kelela nna saŋkama nseŋ wora shiriya nɛ fo ta alubi m paŋ. Fo alɛ maa kuse a bar kasogberge basa so.

Maika 3:8

Ama Enyɛnpe Ebɔrɛ na ta mbe Kiyoyu nɛ mbe eleŋ na nna n wɔtɔ ma ere to, nseŋ shin nɛ n nya kenyɛn a ji asheŋ nɛ amo be ekpa so nsaa tiŋ a kaŋɛ Israɛl be basa bumo be alubi.

Luuk 16:14

Efarisiana na ka daa sha amansherbi ga so, b ka nu asheŋ na kikɛ nɛ b wora mo eyurto.

Luuk 23:11

Nɛ Hɛrɔd nɛ mbe benapo wora mo nfɛlsheŋ nseŋ wora mo eyurto ga. Ade be kaman nɛ Hɛrɔd shin nɛ b ta asɔbuuso lela m buu Yesu shiaso nseŋ shin nɛ b naŋ bɛta mo n ya sa Pailat.

Ashuŋ Shunso 17:18

Kanyiashenfinpoana be ntuŋ nɛ baa tre Epikyurisebi nɛ Stowikebi na malɛ gba be beko daŋ ba ji mo emɔrɔ nɛ beko bishi abar: “Manɛ nɛ kanyiashenfuloŋwura ere bee sha keŋini ere?” Nɛ beko kaŋɛ: “K du fanɛ e bee malga ebɔrɛ pɔtɛana ko be asheŋ nna.” Pɔɔl ka daa malga Yesu be ketiŋi luwu to na be asheŋ so nɛ b daŋ kaŋɛ loŋ na.

Ashuŋ Shunso 17:32

B ka nu Pɔɔl ka malga ketiŋi luwu to be asheŋ na nɛ bumo be beko wora mo eyurto nɛ beko malɛ kaŋɛ: “Anyi ere kraa sha kenamba n nu fo kamalga na.”

1 Kɔrintebi 9:6

Ŋko ma nɛ Baanabas nawule e daga fanɛ an baa shuŋ a ji?

Hibruwebi 11:36

Ŋkpal yirda so b daŋ wora beko eyurto nna nseŋ kuya bumo so nseŋ daŋ pɛ bede malɛ ŋ kre n ta bumo n ti ebuana.