Jɛremaya 20:6 - EBƆRƐ BE KAWƆL

⁶ Baaŋ pɛ fo, Pashɔ nɛ fo kanaŋ kikɛ, fanɛ anya n yɔ Babilɔn be efuli so. Fo nɛ fo teriana nɛ fee ku efɛ damta a sa na kikɛ beeŋ wu nɛ b puli menyi ndoŋ.’ ”

Jɛremaya 20:6 Iomraidhean Croise

Aizaaya 9:15

E beeŋ mur bumo be bewurjipoana nɛ bejuŋkparpoana nɛ anebiana nɛ b maa ji kashenteŋ na kikɛ.

Jɛremaya 14:13

Ndoŋ nna nɛ ma alɛ e kaŋɛ le: “Fo, Enyɛnpetale Ebɔrɛ nyi fanɛ anebiana na bee kaŋɛ basa na nna fanɛ kena nɛ akoŋ maaŋ ba bumo so, ŋkpal manɛ so, b yɛ, fo nase kɔnɔ nna fanɛ kayurwushi nawule e naŋ baa wɔ anyi be kasawule so.”

Jɛremaya 14:16

Basa nɛ b ku le be efɛ ere n sa na gba beeŋ wu ekpa koŋwule na so. Baaŋ wu n dese Jerusalɛm be kade to be agbembi so nɛ esa kikɛ maaŋ baa wɔtɔ nɛ e puli bumo. Kusɔ nɛ k beeŋ ba bumo gbagba nɛ bumo be beche nɛ mbia kikɛ so nna na. Meeŋ shin nɛ b ka bumo be asheŋ lubi na be kukɔ.”

Jɛremaya 20:1

Bɔrɛmatapo Pashɔ, nɛ e la Imma pibinyɛn, nseŋ daa la Enyɛnpe Ebɔrɛ be bɔrɛlambu na to be bekumpo na be enimu na ka nu ŋ kaa bee bɔ asheŋ ere be kubɔya na,

Jɛremaya 20:4

Enyɛnpe Ebɔrɛ na gbagba yɛ: ‘Meeŋ shin nɛ fo ta kufu m pɛ fo kumu nɛ fo teriana, nɛ bumo doŋana e ta etokobi m mɔ bumo fo anishito. Meeŋ ta Juda be efuli so be basa kikɛ m bɔɔ Babilɔn be efuli so be ewura enɔ nɛ e ji eleŋ bumo so. E beeŋ mɔ beko nseŋ pɛ beko fanɛ anya n yɔ mbe efuli so.

Jɛremaya 5:31

Kumo e la fanɛ anebiana na kikɛ be mmalga la efɛ nna. Kusɔ nɛ b kaŋɛ malɛ nɛ bɔrɛmatapoana na kɔ a shuŋ nɛ ma basa malɛ bee sha kumo be loŋ. To, jɛrbi be jemanɛ kaŋ fo nɛ asheŋ ere kikɛ fo ekar, nnɛ nɛ menyeeŋ yɔ n ya nya kechɛto?”

Nfabel 2:14

Menyi be anebiana maŋ naa kɔ shɛŋ nɛ b kaŋɛ menyi nɛ mannɛ efɛ be kebaakuu a sa menyi. Abɔrɛsheŋ nɛ b malga n sa menyi na maŋ tiŋ n shin nɛ men wu menyi be alubi. B shin nna nɛ menyee fɛ fanɛ a maŋ daga men tuba n lar alubi to.

Ezikɛl 22:28

Nɛ bumo be anebiana malɛ bee bɔla efɛ be ebɔrɛdare nɛ kafule be kewuŋkaŋɛ so a da a buu le be asheŋ lubi ere so fanɛ b ka ta asɔ fuful n nyɔɔ egbal na. Ma, Enyɛnpe Ebɔrɛ na maŋ malga bumo kutɔ, ama baa ku efɛ a kaŋɛ fanɛ b nya kubɔya ashi ŋ kutɔ nna.

Levitikɔs 26:17

Ma alɛ beeŋ lar menyi kaman, saŋɛ na so, men doŋana beeŋ pɔɔ menyi so. Basa nɛ b kishi menyi beeŋ ji menyi so kuwura nɛ kufu e pɛ menyi nɛ men baa chicha a shile jemanɛ nɛ ekama maŋ ju a buu menyi so.

Maika 2:11

Basa ere bee sha anebi nɛ e beeŋ ba kaa ku efɛ a kaŋɛ bumo le na nna: ‘Men baa nuu nsa a boo.’

Zakareya 13:3

Esa kama kaŋ naa kaŋɛ fanɛ mo ere bee wu abɔrɛsheŋ to nna a kaŋɛ, mo tuto nɛ mo nio gbagba e naŋ kaŋɛ fanɛ e daga luwu, ŋkpal e ka ku efɛ ŋ kaŋɛ fanɛ Enyɛnpe Ebɔrɛ na be kamalga nɛ e bee malga so. Nɛ e kraŋ kini a malga mo nio nɛ mo tuto gbagba e naaŋ da mo tokobi m mɔ.

Ditɛronɔmi 28:25

Ade kikɛ be kaman, Enyɛnpe Ebɔrɛ na beeŋ shin nɛ men doŋana e pɔɔ menyi so. Menyeeŋ mel abar m bɔla kaboŋ koŋwule n ya kɔ bumo, ama menyeeŋ pesaŋ to m bɔla mboŋ damta n shile. Durnya to be basa kikɛ beeŋ nu kusɔ nɛ k wora menyi na be asheŋ nɛ kufu gboŋgboŋi a tɔr bumo so.