Jɛremaya 20:2 - EBƆRƐ BE KAWƆL

² nɛ e shin nɛ b pɛ ma m bri nseŋ ta ŋgbɛlɛbi ŋ kre ma n nase ashi bɔrɛlambu na be kabunagboŋ nɛ baa tre Bɛnjamin be Kabunagboŋ na ase.

Jɛremaya 20:2 Iomraidhean Croise

1 Bewura 13:4

Ewura Jeroboam ka nu loŋ, nɛ e teŋi enɔ ŋ ŋini anebi na nseŋ kaŋɛ: “Men pɛ mo!” Epul na to nɛ mbe enɔ na wɔl nɛ e nyɔŋ kumo to ŋ gben.

1 Bewura 22:27

n ya kaŋɛ bumo fanɛ b ti mo ebu n sa maŋ kaŋ sa mo ajibi kikɛ ama bodobodo nɛ nchu nawule hale nɛ n ya shi kena na to m bɛta m ba nɛ alenfia pɔɛŋ.”

2 Kronikɛls 16:10

Ewura Asa ka nu loŋ nɛ e nya agbo n wɔtɔ anebi na n shin nɛ b pɛ mo n ya ti ebu. Loŋ be jemanɛ na so nɛ ewura Asa fara a mɛaŋ basa na be beko.

2 Kronikɛls 18:23

Ndoŋ nna nɛ Anebi Zɛdikaya yɔ Mikaya kutɔ n ya kpa mo etaŋ anishito m bishi mo le: “Saŋɛ mo nɛ Enyɛnpe Ebɔrɛ be kiyoyu yige ma n ya malga fo kutɔ?”

2 Kronikɛls 24:21

Ewura Jɔash daŋ teŋ kelela nɛ Zakareya mo tuto Jehowada daŋ wora mo na so nna nseŋ ti bejuŋkparpo na so nɛ b kre fanɛ b mɔ Zakareya. Ewura na e daŋ sa ekpa nɛ b kpa Zakareya ajembu m mɔ ashi Enyɛnpe Ebɔrɛ be bɔrɛlambu na be kelɔnɛ so. Zakareya ka bee wu nɛ e kaŋɛ le: “Enyɛnpe Ebɔrɛ wu kusɔ nɛ fee wora ere kikɛ. Mo alɛ beeŋ gberge fo kusoe n tal to!”

Job be kawɔl 13:27

Fo lara kenishi n yuu ma, a keni kusɔ kama nɛ mee wora; hale a karga aya nɛ mee tia kikɛ. K du nna fanɛ fo ka ta ŋgbɛlɛbi n chɛ ma aya nna.

Job be kawɔl 33:11

Mo e ta ŋgbɛlɛbi ŋ kre ma aya, nsaa dara aya kama nɛ mee tia.”

Jɛremaya 26:10

Juda be bejuŋkparpoana na ka nu kusɔ nɛ k wora na nɛ b nya manaŋ n shi ewurkpa m ba bɔrɛlambu na to m ba chena bumo be echenakpa ashi Kabunagboŋ Popɔr na ase.

Jɛremaya 26:8

Ŋ ka baŋ malga asɔ nɛ Enyɛnpe Ebɔrɛ na kaŋɛ ma kenishipereso fanɛ m malga na n loge, nɛ basa na ba kulti ma n wɔtɔ nseŋ pɛ ma to a ponte to a kaŋɛ le: “Fo daga luwu nna ŋkpal kusɔ nɛ fo kaŋɛ ere so!

Jɛremaya 29:26

“Bɔrɛmatapo Jehowada ka wu, fo nɛ Enyɛnpe Ebɔrɛ na lara nɛ fo ki bɔrɛmatapowura a keni bɔrɛlambu na to be bekumpo so. Fo kushuŋ e la fanɛ fo ka beeŋ shin nɛ b pɛ esa kama nɛ mbe kumu maa shuŋ nɛ e ta mbe kumu fanɛ anebi nseŋ wɔtɔ mo ŋgbɛlɛbi mbe enɔana nɛ aya nɛ kubɔ to.

Jɛremaya 36:26

Kumo be kaman nɛ e ponte mo pibinyɛn, Jeramiil nɛ Azriɛl pibinyɛn, Seraiya nɛ Abdiil pibinyɛn Selemaiya so fanɛ b ya pɛ ma, anebi Jɛremaya nɛ ma esibɛpo, Baruk. Ama Enyɛnpe Ebɔrɛ na daŋ ta anyi nna ŋ ŋana.

Jɛremaya 37:13

Ama jemanɛ nɛ n ya fo Bɛnjamin be Kabunagboŋ na ase na, nɛ kanyɛn nɛ baa tre Irija nɛ e la Shelemaya pibinyɛn nsaa keni esoji nɛ b daa keni kabunagboŋ na so na pɛ ma nseŋ kuŋ ma ekpa. Kumo be kaman nɛ e kaŋɛ ma le: “Fee sha keshile n ya ti Babilɔnebi na so nna na!”

Jɛremaya 37:21

Ndoŋ nna nɛ ewura Zɛdikaya sa ebɔl fanɛ b ya ti ma ewurkpa be bekumpo be kakpa nɛ baa ti basa ebu na. Karechɛ kikɛ b daa sa ma ebodobodo nɛ baa tɔ na be kukoŋwule nna n ya fo fanɛ ebodobodo kikɛ ka loge kadegboŋ na to.

Zakareya 14:10

Kasawule nɛ k yili Gɛba n dese n ya fo Rimmɔn a laŋɛ Jerusalɛm be kelargato be kaseto be kaba so na beeŋ ki fanɛ keshishɛrsawule nɛ baa tre Araba na. Ama Jerusalɛm bre beeŋ baa kraa yil kumo be kakpa nseŋ yili kabuna nɛ baa tre Bɛnjamin be Kabunagboŋ na n salga to n ya fo kumo nɛ baa tre Kukɔlɔ to be Kabunagboŋ, be kakpa nɛ kabuna ko daa wɔ na. K kraa beeŋ yili kakpa nɛ baa tre Hananɛl be Ebu jeŋgreŋ na n salga to n ya fo kakpa nɛ baa wora bewura be eyabra na.

Matiu 21:35

Ndoŋ nna nɛ paawuraana na nyaŋ mbe anya na m bri ede, m mɔ ede malɛ nseŋ kpa ede malɛ ajembu m mɔ.

Ashuŋ Shunso 4:3

Ndoŋ nna nɛ b pɛ bumo n ya ti ebu nɛ b klade ŋkpal kaboŋ ka daŋ jija to na so.

Ashuŋ Shunso 5:18

Ndoŋ nna nɛ b pɛ beshuŋipo na n ti ebu.

Ashuŋ Shunso 5:40

Ndoŋ nna nɛ nshɛrwuraana na nu Gameelial be kamalga na. Nɛ b tre beshuŋipo na m ba shin nɛ b kuya bumo so nseŋ fiɛ bumo so fanɛ b sa maŋ kaŋ naŋ ta Yesu be ketre m malga kikɛ. Kumo be kaman nɛ b sa bumo ekpa nɛ b yɔ.

Ashuŋ Shunso 7:52

Anebi mo nɛ men nanaana maŋ tɔrɔ! B mɔ Ebɔrɛ be mbɔ nɛ b daŋ wu ŋ kaŋɛ dra na kikɛ fanɛ Ebɔrɛ be Kenya cheembi beeŋ ba na. Kabre menyi alɛ debɔr mo nseŋ mɔ mo.

Kelaraŋŋini 17:6

N daŋ wu fanɛ kache na daŋ nuu Ebɔrɛ be basa laraso be ŋklaŋ nɛ bumo nɛ b daŋ ji Yesu be shɛda na be ŋklaŋ nna m boo. Ŋ ka wu mo nɛ k wora ma kanaŋ ko ga.

Kelaraŋŋini 2:10

Men sa maŋ kaa ŋana asheŋ nɛ a bee shin nɛ a ba menyi so ere. Mee kaŋɛ menyi nna na fanɛ alubipo na beeŋ shin nɛ b ta menyi be beko n ti ebu nɛ e wora menyi ŋ keni nɛ men ji tɔrɔ nchɛ kudu. Ama men baa yil to kpakpa loŋ n ya kaa fo luwu to be keluri to gba nɛ n sa menyi ŋkpa be kuwurwuro na.