Jɛremaya 20:18 - EBƆRƐ BE KAWƆL

¹⁸ Manɛ so nɛ b kurge ma bre? Kebaa kaa wɔ etɔrɔ nɛ awurfoŋ to a ji anishinyɔr n ya wu so nɛ b kurge ma a?

Jɛremaya 20:18 Iomraidhean Croise

1 Bewura 19:4

Anebi Elaija be kachɛ lelemu nɛ e na kiyi to. Ndoŋ nna nɛ e ba tu kedibi ko n chena kumo be kifito nseŋ fɛ fanɛ e daŋ wu gba k bɔ mo so. Kumo be kaman nɛ e kule Ebɔrɛ ŋ kaŋɛ le: “Enyɛnpe, asheŋ ere bre chɔ ma so. Lara ma ŋkpa, ŋkpal manɛ so n chɛr a beeŋ wu nna!”

Job be kawɔl 14:1

“Dimɛdi be nchɛ maŋ shi durnya to, amo alɛ nɛ etɔrɔ damta nna.

Job be kawɔl 14:13

Jande, Ebɔrɛ, ta ma ŋ ŋana kasawule be kechimbi to. Fo agbo kaŋ wushi nɛ fo nyiŋi n sɔ ma n yige.

Job be kawɔl 3:20

Manɛ nna nɛ Ebɔrɛ shin nɛ n wɔ ŋkpa to, saŋɛ nɛ kebaawɔtɔ du kekekra le ere?

Job be kawɔl 5:7

Ayai! Edimɛdi gbagba e naa fin asheŋ a sa bumo be amu; fanɛ kananɛ ajanwulɛ bee pante edɛ na.

Nshɛ 102:3

Ma nchɛ bee choŋ nna fanɛ edishi nɛ ma awibi to bee chɔɔ ma to fanɛ edɛ.

Nshɛ 69:19

Fo nyi kananɛ baa wora ma eyurto, a tege ma nsaa wɔtɔ ma nyɔmɔ to. Fo nyi n doŋana na be ekama.

Aizaaya 1:6

K du fanɛ yili menyi be amu so m ba fo aya so, menyi be eyurana be kaplɛkama kɔ alɔ nna. Men pɛge so nna n wora achuu ama menyi alɛ maa sha esa kikɛ malɛ ka fɔr amo nseŋ wɔtɔ amo kudur ŋko ŋ kre amo so.

Aizaaya 51:7

Menyi nɛ men nyi kusɔ nɛ k daga kewora na e nu nfe! Menyi nɛ men kɔ ma keŋini menyi be ŋgbene to na gba e nu nfe! Men sa maa ŋana basa nɛ baa tege menyi nsaa kaŋɛ menyi asheŋbesaso na.

Jɛremaya 15:10

Ade kikɛ be kaman nɛ Jɛremaya fɛ le ashi mbe kagbene to: “N la esa nɛ mbe kagbene jija mo ga nna! Manɛ nna nɛ n nio kurge ma m ba durnya to bre? Ma nɛ ekama bee bile nna kasawule ere so. Ma alɛ maŋ naŋ yɔ esa kikɛ kutɔ n ya paŋ amansherbi ŋko n ta amansherbi m paŋ esa kikɛ ŋ ku so, ama ekama bee shoduu ma nna.”

Jɛremaya 15:18

Manɛ nna nɛ ŋ kraa ji awurfoŋ nsaa nu ebesa jemanɛ kikɛ loŋ? Manɛ nna nɛ fo ki fanɛ kabombi nɛ k wɔlto kechali so, nɛ m maaŋ naŋ tiŋ n ta ma kumu n to fo so?”

Jɛremaya 3:25

Amoso men shin nɛ an ta anishinyɔr n dese nɛ anyi be ŋaba e baa buu anyi so. Anyi nɛ an nananyɛnana kikɛ wora alubi ŋ gbiti Enyɛnpe anyi be Ebɔrɛ na. Anyi alɛ maŋ bɛ mbe mmalga naseso so.”

Jɛremaya 8:18

Ma kagbene jija ma ga nɛ k bee wora ma fanɛ tama kikɛ maŋ naa wɔtɔ n sa ma basa.

Nfabel 1:12

Esa kama nɛ e bɔla ndoŋ a choŋ baaŋ kaŋɛ mo le: “Keni, chɛ anyi to! Esa kikɛ maŋ naŋ ji awurfoŋ nɛ k fo awurfoŋ nɛ anyee ji ere so. Enyɛnpe Ebɔrɛ na e nya agbo n shin k ba anyi so.

Nfabel 3:1

N la esa nɛ n ji awurfoŋ ga nna ŋkpal Ebɔrɛ ka daŋ nya agbo n wɔtɔ ma so.

Habakuk 1:3

Manɛ nna nɛ fo shin nɛ n wu le be tɔrɔ ere? Nuso nɛ feeŋ tiŋ n nya kagbene a keni le be alubi ere? Kemur nɛ keŋkenshi be kebaawɔtɔ e kulti ma n wɔtɔ nɛ kebri nɛ katege malɛ sɔ kaplɛkama.

Baru lela nɛ Jɔn kute na 16:20

Ma e kaŋɛ menyi kashenteŋto na fanɛ menyi ere beeŋ boŋ to nseŋ shu anishichubi, ama durnya ere to ebi bre be ŋgbene beeŋ fuli bumo. Kashenteŋ nna fanɛ menyi be ŋgbene bee jija menyi, ama menyi be kagbenejija na beeŋ ba ki kagbenefuli.

Ashuŋ Shunso 5:41

Nɛ beshuŋipo na lar nshɛrwuraana na kutɔ nɛ kagbenefuli ŋkpal Ebɔrɛ ka shin nɛ bumo alɛ tiŋ n ji awurfoŋ ŋkpal Yesu be ketre na so so.

2 Timoti 1:12

Kumo alɛ so nɛ mee ji le be awurfoŋ ere na. Ama kumo alɛ maŋ kɔ ma anishinyɔr, ŋkpal manɛ so, n nyi esa nɛ n yirda, ma alɛ maa ji kumo emɔrɔ fanɛ e beeŋ tiŋ ŋ keni kusɔ kama nɛ e ta m bɔɔ ma enɔ so hale n ya fo kachɛ na.

Hibruwebi 10:36

A daga fanɛ men baa kɔ kanyiti a kɔ to n tiŋ n wora Ebɔrɛ be aparsheŋ n nya kusɔ nɛ Ebɔrɛ nase kɔnɔ fanɛ e beeŋ sa na.

Hibruwebi 11:36

Ŋkpal yirda so b daŋ wora beko eyurto nna nseŋ kuya bumo so nseŋ daŋ pɛ bede malɛ ŋ kre n ta bumo n ti ebuana.

Hibruwebi 12:2

Men shin nɛ an ta anyi be anishi n yuu Yesu nɛ e la anyi be yirda ere be ejuŋkparpo nɛ esa nɛ e bee shin nɛ yirda bee yili to nɛnɛ a fo kumo be ekar na so. Mo e daŋ kpal kachako so be kagbenefuli mo nɛ k jo mo na so a maŋ ta kewu kedibi largato so be luwu na n tre shɛŋ nseŋ ji kumo nseŋ ya kaa tase Ebɔrɛ be kuwurputi be jisoso na.

Hibruwebi 13:13

Amoso, men shin nɛ an lar keeyi na to n yɔ mo kutɔ n ya tu mo n ji mbe ŋaba nɛ b ŋaba mo na.