Jɛremaya 20:12 - EBƆRƐ BE KAWƆL

¹² O Enyɛnpetale Ebɔrɛ, fo e naa wora basa niŋiso a keni nsaa pin kusɔ nɛ k wɔ bumo be ŋgbene nɛ nfɛra to. Amoso shin nɛ n wu fo kaa ka n doŋana kukɔ n tal to. Ŋkpal manɛ so, fo nɛ n ta ma asheŋ tirso m bɔɔ enɔ.

Jɛremaya 20:12 Iomraidhean Croise

Nshɛ 11:5

Enyɛnpe Ebɔrɛ na bee wora basa lela nna a keni. Ama e kishi kumu kpakpasowuraana nɛ baa sha alubi be kebaawora nsaa maa wu kuwɔr na nna.

Nshɛ 139:23

O Ebɔrɛ, mige ma to ŋ keni, m pin ma kagbene to; wora ma ŋ keni m pin ma nfɛra fɛso.

Nshɛ 17:3

Fo nyi ma kagbene to. Fo wora ma ŋ keni kanyɛso n wu fanɛ maŋ wora n jija. N yili kumo ma kagbene to fanɛ m maaŋ ku efɛ kikɛ.

Nshɛ 54:7

Ŋkpal manɛ so, fo mɔlga ma ashi ma awurfoŋ kikɛ to, nseŋ shin nɛ ŋ gbagba wu ma doŋana ka kɔ n tɔr.

Nshɛ 58:10

Nɛ belelaworapo baŋ wu alubiworapoana ka nya bumo be alubi be kasogberge, bumo be ŋgbene beeŋ fuli bumo nɛ b fɔr bumo be aya ashi bumo doŋana na be ŋklaŋ to.

Nshɛ 59:10

Ma Ebɔrɛ nɛ e bee sha ma na beeŋ chɛ ma to, n shin nɛ n wu bedoŋ ka kɔ n tɔr.

Nshɛ 62:8

Basa, men yirda Enyɛnpe Ebɔrɛ na nsaa kaŋɛ mo men be asheŋ tirso saŋkama. Ŋkpal manɛ so, Ebɔrɛ na nawule e la anyi be ekumpo.

Nshɛ 7:9

Fo la Ebɔrɛ nɛ e bee wora asheŋ nɛ a niŋi nna, a nyi esa be kagbene to nɛ mbe nfɛra to be asheŋ kikɛ. Shin nɛ alubiworapo e yige alubi be kebaawora, nseŋ kuŋ basa lela ashi alubi to.

Nshɛ 86:4

Shin nɛ fo kayɛrbi be kagbene e fuli mo; ŋkpal ŋ ka shi ma kagbene to a kule fo so.

Aizaaya 37:14

Ewura Hɛzekaya ka sɔ kawɔlbi na ashi mbɔ na kutɔ nɛ e kraŋ kumo nseŋ ta kumo n yɔ bɔrɛlambu na to n ya bugi kumo to n nase Enyɛnpe Ebɔrɛ na be anishito.

Aizaaya 38:14

N daa shu nna fanɛ kabɔrɛpɔpɔbi, nseŋ daa naa shu kuwɔr so fanɛ lepɔ na. N daŋ dese nna a keni fo Enyɛnpe Ebɔrɛ na anishito, hale nɛ ma anishi gben, a maŋ naa wu nɛnɛ. Jande, Enyɛnpe Ebɔrɛ, mɔlga ma ashi etɔrɔ ere kikɛ to.

Jɛremaya 11:20

Ndoŋ nna nɛ ŋ kule Ebɔrɛ ŋ kaŋɛ le: “Enyɛnpetale Ebɔrɛ, fo e naa ji asheŋ nɛ amo be ekpa so. Fo alɛ nyi basa be ŋgbene nɛ nfɛra kikɛ to. N ta demu ere nna a wɔtɔ fo enɔ to. Amoso ka basa ere kumo be kukɔ n sa ma.”

Jɛremaya 12:8

Ma basa laraso e pal kaman n sa ma na. B ki fanɛ ebuluŋ nna a muni ma ashi kupo to, ŋkpal loŋ so nɛ n nya agbo n wɔtɔ bumo.

Jɛremaya 17:10

Ama ma, Enyɛnpe Ebɔrɛ na bee keni basa be nfɛra to nsaa wora bumo be ŋgbene a keni a nyi amo to nna. Kebaawɔtɔ nɛ ekama kɔ ŋko kusɔ nɛ e bee wora nɛ mee yili so a ka mo kukɔ.”

Jɛremaya 17:18

Enyɛnpe Ebɔrɛ, shin nɛ basa nɛ baa kɔrfɛ ma na e ji anishinyɔr, ama baa kuŋ ma nɛ n sa maŋ ji nyɔmɔ. Kumo be kaman nɛ fo shin nɛ kufugboŋ e tɔr bumo so nseŋ naŋ shin nɛ b mur ga.

1 Pita 2:23

B daŋ tege mo, ama mo alɛ daa maŋ laŋɛ katege n sa bumo. B daŋ tɔrɔ mo, ama e daa maŋ nyaŋɛ to n tu bumo. Ama e daŋ ta mbe kumu nna m bɔɔ esa nɛ e bee ji asheŋ amo be ekpa so na enɔ.

1 Pita 4:19

Amoso, bumo nɛ b wɔ tɔrɔ mo nɛ a la Ebɔrɛ be keparso peya ere to ere, b baa ta bumo be amu kikɛ a bɔɔ bumo be Epɔrpo mo nɛ e maŋ kɔ kɔnɔkilgi na nsaa wɔtɔ a wora kelela na enɔ.

Kelaraŋŋini 18:20

Ebɔrɛsoebi, men shin nɛ men be ŋgbene e fuli menyi, ŋkpal mbe kemur ere so. Ebɔrɛ be basa laraso nɛ beshuŋipoana nɛ anebiana, men shin nɛ men be ŋgbene e fuli menyi, ŋkpal manɛ so, Ebɔrɛ gberge mo kusoe nna ŋkpal kusɔ nɛ e wora menyi na so.”

Kelaraŋŋini 2:23

Ma alɛ beeŋ naŋ shin nɛ mbe mbia e wu n wu nɛ asɔriana na kikɛ to ebi e pin fanɛ ma e la esa nɛ e bee mige ŋgbene nɛ nfɛraana to a wu amo to na. Ma alɛ beeŋ ka ekama be kusɔ nɛ e wora kikɛ be kukɔ.

Kelaraŋŋini 6:10

Nɛ b ponte awɔrso ga m bishi: “Enyɛnpe Lempo nɛ fo du cheembi nsaa kɔ kashenteŋ, nuso be kechɛr nɛ fo kraa shin nɛ fo chɛr ga pɔɛŋ nseŋ ji kasawule ere so be basa demu m bishi anyi be luwu be kuwule?”

1 Samuɛl 1:15

Nɛ Haana kaŋɛ le: “N nyɛnpe, m maŋ boo nna! M maŋ la esa nɛ mee nuu nsa. Kagbenejija nɛ kabɔltoduŋi e tɔr ma so nɛ mee kaŋɛ Enyɛnpe Ebɔrɛ ma etɔrɔsheŋ.