Jɛremaya 2:9 - EBƆRƐ BE KAWƆL

⁹ Ŋkpal loŋ so, ma, Enyɛnpe Ebɔrɛ beeŋ yɛr ma basa demujikpa n ya kute kusɔ nɛ bumo nɛ bumo kaman to ebi wora n da ma so ashi bumo be anishito.

Jɛremaya 2:9 Iomraidhean Croise

Nshɛ 50:4

E tre esoso nɛ kasawule kikɛ fanɛ eshɛdajipo nna, nɛ b keni kananɛ e bee ji mbe basa demu.

Ɛksodɔs 20:5

nsaa jɔŋɛ amo ase ŋko a shuŋ amo, ŋkpal manɛ so, ma e la Enyɛnpe Ebɔrɛ men be Ebɔrɛ na. Ma alɛ maa sha kechamana. Ma e naa kpal betuto nɛ benio be alubi so e gberge bumo be mbia kusoe hale n ya fo bumo be kenanafofo nɛ kenana gbiramuli na.

Aizaaya 3:13

Enyɛnpe Ebɔrɛ na bela ase nɛ e kaŋɛ kusɔ nɛ k wɔtɔ nseŋ wora shiriya nɛ e ji mbe basa demu.

Aizaaya 43:26

To, men shin nɛ ma nɛ menyi e yɔ demujikpa! Nɛ men ta menyi be asheŋ n nase ma anishi to a ŋini fanɛ men wora n nyalɛ nna!

Jɛremaya 2:29

Menyee malga a gbiti ma nna fanɛ m maa mɔlga menyi, ama ma alɛ bee kaŋɛ menyi nna fanɛ menyi e kini ma nseŋ lar ma kaman.

Jɛremaya 2:35

a le nɛ menyee kaŋɛ: ‘Anyi maŋ wora kulubi kikɛ. Enyɛnpe Ebɔrɛ na malɛ maŋ nya agbo n wɔtɔ anyi.’ Amoso meeŋ gberge menyi kusoe ŋkpal men ka chɛ fanɛ menyi maŋ wora kulubi so.

Hoziya 12:3

Bumo nananyɛn Jeekɔb nɛ mo da Isɔɔ nɛ b daa la mborobi na daŋ kɔ emaŋ nna ashi bumo nio be epunto. Ama Jeekɔb ka ba daŋ nɛ mo nɛ Ebɔrɛ

Hoziya 2:2

Mbia, men fiɛ men nio so. Kashenteŋ nna fanɛ e maŋ naa la ma eche nɛ ma alɛ maŋ naa la mo kul, ama men kaŋɛ mo nɛ e yige mbe kesakalea nɛ kebirkɔnshi be kebaawɔtɔ na.

Hoziya 4:1

Enyɛnpe Ebɔrɛ na yɛ ma nɛ basa nɛ b wɔ kasawule ere so kikɛ kɔ asheŋ nɛ an ji. Israɛlebi, men loto n nu kusɔ nɛ Enyɛnpe Ebɔrɛ na bee kaŋɛ. E yɛ: “Kashenteŋji nɛ kasha maŋ naa wɔ kasawule ere so nɛ basa malɛ maŋ naa fɛ Ebɔrɛ be asheŋ.

Levitikɔs 20:5

meeŋ pal kaman n sa esa na nɛ mbe kanaŋ kikɛ nɛ bekama nɛ b ti mo so a maŋ ji kashenteŋ n sa ma nseŋ ya kaa shuŋ kegbir Mɔlɛk na. B maaŋ naa ti ma basa so.

Maika 6:2

O abeegboŋ nɛ durnya be nsawule be egbaltɔlase nɛ a wɔtɔ mbaanaayɔ, men nu asheŋ nɛ Enyɛnpe Ebɔrɛ na kɔ a semaŋ mbe basa Israɛlebi na.”