Jɛremaya 2:37 - EBƆRƐ BE KAWƆL

³⁷ Menyeeŋ ji anishinyɔr nseŋ ta menyi be enɔana n deŋi amu so n shu n lar Ijipt be efuli so fanɛ basa nɛ b kɔ kena n tɔr na. Ŋkpal manɛ so, ma Enyɛnpe Ebɔrɛ na kini basa nɛ men yirda na nna n lɛ. Amoso menyi maaŋ nya kechɛto kikɛ bumo kutɔ.”

Jɛremaya 2:37 Iomraidhean Croise

2 Samuɛl 11:12

Nɛ Deevid kaŋɛ mo le: “Kumo ere fo naŋ dese kabre nɛ n shin nɛ fo bɛta a yɔ echefo.” Nɛ Yuriya naŋ laŋɛ n chena Jerusalɛm to kamɔnchɛ na nɛ kumo be ŋklade kikɛ.

2 Samuɛl 13:19

Ndoŋ nna nɛ Tamaa muu nsunɔ n wurge mbe kumu so, nseŋ kpɛa mbe kale to n ta mbe enɔana m buu mbe anishi so a shu a yɔ.

2 Kronikɛls 13:12

Ebɔrɛ gbagba e la anyi be ejuŋkparpo nɛ mbe bɔrɛmatapoana malɛ wora shiriya nɛ b foŋ bumo be mbel n tre anyi nɛ anyi nɛ menyi e kɔ kena. Israɛlebi, men sa maŋ kaŋ kɔ an nananyɛnana be Ebɔrɛ na kena ŋkpal manɛ so menyi maaŋ pɔɔ so kikɛ!”

Aizaaya 10:4

Baaŋ mɔ menyi kena to ŋko ŋ gberge menyi n yɔ kenyaya to. Ama amo nɛ amo kikɛ, Enyɛnpe Ebɔrɛ na be agbo maaŋ wushi. E kraa beeŋ baa sha kegberge menyi kusoe n ti so.

Aizaaya 28:18

Menyi nɛ luwu be kɔnɔ nɛ men wora na nɛ kananɛ menyi nɛ basa nɛ b wu n yɔ bubuni to be nnɔ wora kukoŋwule na beeŋ ba ekar. Kumo be kaman nɛ jɛrbi e ba menyi so fanɛ nchu ka bɔlɔ n sulɔ menyi n yɔ na.

Jɛremaya 14:3

Damawuraana shuŋi bumo be nyɛrbi nɛ mbita eboŋ to, nɛ b yɔ atirbu chiŋgeliŋ to nɛ b ya jɔ nchu, ama b maŋ nya nchu nɛ b jɔ. Ndoŋ nna nɛ aba pɔ bumo nɛ b bɛta nɛ mpuya fuloŋ.

Jɛremaya 14:4

Ŋkpal bɔrɛ ka maa ba nɛ kasawule wɔl a dese so; bedɔpo be ŋgbene jija bumo ga nna nɛ b ta bumo be anishi a ŋana.

Jɛremaya 17:5

Kumo be kaman nɛ Enyɛnpe Ebɔrɛ na kaŋɛ le: “Meeŋ shoduu bekama nɛ b pal kaman n sa ma nseŋ ta bumo be yirda n deŋi edimɛdi nɛ bumo be eleŋ so.

Jɛremaya 2:36

Men paŋ anishinyɔr nseŋ ya kaa shuŋ efuli pɔtɛana so be agbirana. Kananɛ Asiriya be efuli so be agbirana maŋ tiŋ n chɛ menyi to na, aloŋ nɛ Ijipt be efuli be agbirana gba maaŋ tiŋ n chɛ menyi to.

Jɛremaya 22:20

Jerusalɛm to be basa, efuliana nɛ men yirda na kɔ n tɔr nsaa maŋ naa kɔ eleŋ. Amoso men yɔ Lebanɔn be efuli so, nɛ Bashan be kasawule so n ya shu anishichubi; nseŋ dii Mowab be abee so n ya shu awɔrso ndoŋ.

Jɛremaya 22:30

“Kpra Ewura Jehowachin be mbia be atre ashi Juda be kuwurji be nwɔl to. E maŋ tiŋ n wora shɛŋ mbe kuwurji to, amoso mbe kebia kama maaŋ chena mo nananyɛn Deevid be kuwurputi so n ji kuwura ashi Juda be efuli so. Ma, Enyɛnpe Ebɔrɛ e malga na.”

Jɛremaya 32:5

Kumo be kaman nɛ b ta ewura Zɛdikaya n yɔ Babilɔn be efuli so, nɛ e ya kaa wɔ ndoŋ n ya fo fanɛ ŋ ka beeŋ wora mo kusɔ nɛ mee sha n loge. Nɛ e kɔ Babilɔnebi na kena gba, e beeŋ kɔ n tɔr. Ma, Enyɛnpe Ebɔrɛ e kaŋɛ na

Nfabel 4:17

Ade kikɛ be kaman, an daa keni a fin kechɛto ashi efuli pɔtɛ ko kutɔ, ama anyi be tama ki fuloŋ; ŋkpal manɛ so, efuli na maŋ tiŋ n chɛ to m mɔlga anyi.

Nɔmbɛs 14:41

Nɛ Mosis kaŋɛ bumo le: “Manɛ nna nɛ menyi maŋ kɔ kasonu n sa Enyɛnpe Ebɔrɛ na? Men baa nyi fanɛ men be ŋkre ere maaŋ tiŋ n shuŋ!