Jɛremaya 2:31 - EBƆRƐ BE KAWƆL

³¹ Israɛl be basa, men nu kusɔ nɛ mee kaŋɛ ere. N daŋ kini menyi n lɛ ashi keshishɛrsawule so ŋko n shin nɛ men nite tentembiri to nna a? Nɛ mannɛ a ba nɛ menyee kaŋɛ fanɛ menyeeŋ baa wora menyi be kepar nsaa maaŋ naŋ bɛta m ba ma kutɔ?

Jɛremaya 2:31 Iomraidhean Croise

1 Bewura 11:22

Ndoŋ nna nɛ Ijipt be ewura na bishi mo le: “Fee sha kusɔ ko nna nɛ m mɔn fo so nɛ fee sha kebɛta n yɔ epe a?” Nɛ Hadad kaŋɛ ewura na le: “M-m, m baa sha nɛ n yɔ nna.” Nseŋ bɛta n yɔ mbe kade to.

2 Kronikɛls 31:10

nɛ bɔrɛmatapo nimuso Azariya nɛ e la Zadɔk be kaman to ebi be esa na kaŋɛ mo le: “Baŋ yili saŋɛ so nɛ basa na fara a bar bumo be ŋkɛ bɔrɛlambu to na, an bee nya ajibi nna a ji yɛlyɛla so. An daa nya amo kikɛ nna ŋkpal Enyɛnpe Ebɔrɛ na ka nɛfa mbe basa so. Keni amo be amo nɛ a ka.”

Job be kawɔl 21:14

Ama le nɛ basa lubi na bee kaŋɛ Enyɛnpetale Ebɔrɛ na: ‘Yige anyi! Anyi maa sha kepin fo aparsheŋ.

Nshɛ 10:4

Belubiworapo be shɛŋ maŋ wɔ Enyɛnpe Ebɔrɛ to. Bumo be kamoowu so, b maa fɛ Ebɔrɛ be asheŋ gba kuraa.

Nshɛ 12:4

anyi be mmalga bee sa anyi kusɔ kama nɛ anyee sha nna. Anyeeŋ kaŋɛ kusɔ kama nɛ k tir anyi nɛ esa kama maaŋ tiŋ ŋ kaŋɛ fanɛ an loto.

Aŋasa 30:9

Saŋɛ na so maaŋ ki damawura nseŋ teŋ fo so ŋko nɛ ketir e shin nɛ n ya yuri n jija fo ketre.

Aizaaya 45:19

Mannɛ ashiri to nɛ m malga ŋko n ta ma ŋkre ŋ ŋana. M maŋ kaŋɛ Israɛl be basa fanɛ, nɛ b fin ma b maaŋ wu ma a. Ma e la Enyɛnpe Ebɔrɛ nɛ e bee ji kashenteŋ na. Kusɔ nɛ k bɔla ekpa nɛ mee kaŋɛ.”

Jɛremaya 2:20

Kumo be kaman nɛ Enyɛnpetale Ebɔrɛ naŋ kaŋɛ le: “Israɛlebi, dra na kikɛ nɛ men kini ma kebaawɔ wɔ menyi. Menyi alɛ kini fanɛ men maaŋ wora ma kasonu ŋko n shuŋ ma. Men daa shuŋ agbirana ashi abeebi so nɛ ndibigboŋ nɛ e kɔ afantaŋ ga be afito nna, a fɛ fanɛ amo e naa sa menyi mbia.

Jɛremaya 2:25

Israɛl be basa, men yige kebaaju a buu agbirana so nɛ menyi be asɛbta e sa maŋ ji n loge ŋ ka menyi be aya fuloŋ, ŋko nɛ menyi be ebɔl to e sa maŋ wɔl to. Ama le nɛ men kaŋɛ: ‘Ayai, anyi maaŋ tiŋ n yige amo be kebaa shil a bɛ so. Anyee sha agbir pɔtɛana na nna ga, amoso nɛ anyee shuŋ amo kenishipereso na.’ ”

Jɛremaya 5:5

To, meeŋ yɔ n ya malga bumo be benimuana kutɔ. Bumo ere nyi kusɔ nɛ bumo be Ebɔrɛ bee sha, ŋko kusɔ nɛ Enyɛnpe Ebɔrɛ na bee sha fanɛ b baa wora. Ama bumo kikɛ wora kɔnɔ nna ŋ kini kebaawora Enyɛnpe Ebɔrɛ na kasonu.

Jɛremaya 5:6

Amoso bedoŋ beeŋ ba bumo so fanɛ kupo to be ebuluŋ, ŋko keshishɛrsawule so be ekuntuŋ m ba pɛ bumo ŋ kpɛa to n we, nɛ ekarmɛ e sɔ bumo be ndeana to be abɔrbi so a nite a kulti. Nɛ basa na kaŋ lar kowu asɔbɔya na beeŋ pɛ bumo n ji ŋkpal b ka wora alubi damta nseŋ lar Ebɔrɛ kaman na so.

Ezikɛl 14:5

Loŋ e naŋ shin nɛ Israɛl be basa nɛ b kini ma nseŋ ta bumo be ŋgbene n wɔtɔ kagbirshuŋ to na e kini agbirana na nseŋ bɛta m ba ma kutɔ.

Hoziya 13:6

Ŋ ka bar menyi kasawule lela na so m ba sa menyi ajibi nɛ men ji m moɛ n daŋ na, nɛ kamoowu luri menyi to nɛ men teŋ ma so.

Eemɔs 1:1

Mmalaga nɛ Eemɔs nɛ e la mbolpɔkpapo nseŋ shi Tekua be kade to kaŋɛ fanɛ Enyɛnpe Ebɔrɛ ta n sa mo nfɛ anyɔ pɔɛŋ nɛ kasawule daŋ gbuŋgbuŋ na, nɛ jemanɛ nɛ Uziya daa la Juda be efuli so be ewura nɛ Jehɔash pibinyɛn Jeroboam malɛ daa ji Israɛl be efuli so be kuwura na nde.

Maika 6:9

Nu nfe! Enyɛnpe Ebɔrɛ na bee kela a shoŋi Jerusalɛm be kadegboŋ na to ebi. E yɛ: “Men baa de kuwurkpabi na, nɛ esa nɛ e kɔ kumo to a ba na so.

1 Kɔrintebi 4:8

Menyee fɛ fanɛ naniere men tea kɔ kusɔ kikɛ nɛ menyee sha ŋko? Men teŋ dii dama ŋko? Men ki bewura ŋ ka anyi. Nɛ men daa la bewura kashenteŋto k daa beeŋ par ma paa! Saŋɛ na so anyi alɛ gba daa beeŋ tu menyi a la bewura.

Ditɛronɔmi 31:20

Ma alɛ beeŋ keta bumo n yɔ kasawule nɛ k kɔ eleŋ a wora adɔjibi nɛnɛ na so fanɛ kananɛ n nase kumo be kɔnɔ n sa bumo nananyɛnana na. Baaŋ ya nya kusɔ kama nɛ baa sha n ji ndoŋ. Ama b kaŋ ya nya n ji n daŋ, baaŋ lar ma kaman n ya kaa shuŋ agbirana n jija ma nɛ bumo be kɔnɔkoŋwule be ŋkre na.

Ditɛronɔmi 32:15

Enyɛnpe Ebɔrɛ na be basa daŋ dii dama, ama bumo alɛ daŋ diewu nna n wɔtɔ Ebɔrɛ ŋ kini mo. B daŋ ji nna n daŋ n daŋ n wora egbɛ nɛnɛ n ti so nseŋ shile Ebɔrɛ nɛ e to bumo na. B daŋ kini bumo be emɔlgapo lempo na nna.

Ditɛronɔmi 32:18

B daŋ teŋ bumo be Ebɔrɛ, bumo be Emɔlgapo lempo nɛ e sa bumo ŋkpa na so nna.